رواية غرق الغرقان اكثر كامله

تذكير بمساهمة فاتح الموضوع :

دخول..

رواية غرق الغرقان اكثر كامله - صفحة 4 454566667

ودي اضمك من كل قلبي وتزيد تضمني حيل لقلبك~
ودي أنسى العآلم ومــاأحس إلآ (بقلبك)..~
تتكلم وتقووولي "وحشتني يآبعد قلبي"..~

وأقولك أووووووووووش
تعبت أسمع لسآنك
بس فيه شي ودي أسمعه..؟

مسسساءكم و1 صصصبآحكم حب وشوق وعشق:$

روايه قمه في الرومانسسسيه والعششق

رواية غرق الغرقان اكثر كامله - صفحة 4 060

راقت لي كثيرااا فيها الكثير الكثير من الحب

ونقلتها لاعضضضاء وزوار احلى بنات:$
اتمنى تفاعلكم وتوقعاتكم

رواية غرق الغرقان اكثر كامله - صفحة 4 313

قرآءه ممتعه
رواية غرق الغرقان اكثرو1

[size=21]خـــــــــــروج..[/size]

وأقرب وأحط رآسي قريب من "ضلوعك"وأسمع دقآت قلبكِ..

وكل ماأقرب لأجل أسمع أوضح

ألقى ــآ قلبك "تزيد نبضآته"

أبتسم بلآ شعوووور~

وأضم صـــــــــدرك حـــيل~

تهزني وتقول قلبي يقولك إرحمه

أقولك إرحم قلبي الأول ..!! وقرب.. وزيد ..وضمـــــــني.

..

نروح للحريم
أم فهد : كيفكم إن شاء الله بخيير .
الجدة : بخير جعل ربي يسلمتس يا أم فهد , أسفرت وأنورت
أم فهد : المكان منوور بوجود أهله يا يمه .
الجدة : تسلمين يا بنتي .
أم الوليد : أجل وين ميلاف
أم فهد : والله قالت بتروح عند بنت خالتها , داقه عليها , ووصتني والله أسلم عليكم كلكم
الحريم : الله يسلمك , ويسلمها .
أم الوليد كانت متوتره , وما كانت تبي هالموضوع يتم لأنها عرفت أن بنتها تحب ولد عمها فارس , والإستقرار مع شخص والقلب عند شخص ثاني هاذي أكبر مصيبه .
أم فهد : أجل وين البنات , ومها وينها
أم الوليد : اللحين بناديهم وبخلي مها تنزل , عن أذنكم
أم الوليد , راحت فوق غرفة البنات دقت الباب وعقب افتحته .
وكانوا البنات جالسين حولين , مها , ومها مبين على وجهها الضيقه .
أم الوليد : مها حبيبتي أنزلي عشان تسلمين على أم فهد , والبنات بعد ينزلون تسأل عنكم .
مها : يمه أنا مابي فهد مابيه .
أم الوليد : حبيباتي ممكن تخلونا بلحالنا شوي أنا ومها .
البنات : إن شاء الله .
حلى : أحنا بننزل تحت نسلم على خالتي أم فهد
أم الوليد : زين تسوون
البنات نزلوا تحت وجلست أم الوليد مع بنتها مها
أم الوليد : مها ليه ما تبين تتزوجين فهد
مها : يمه فهد زي أخوي كيف تبيني أتزوجه ما أحس في إنسجام بيني وبينه , صحيح هو رجاال ما عليه كلام , مثقف ومتعلم ومحترم لكني أحترمه مثل أخوي
أم الوليد : ما يصير يا بنتي , يعني هذا موب سبب !
مها حست بإرتباك : إلا سبب يا يمه , أنا ما أبيه
أم الوليد : أنا أعرف السبب الأساسي اللي يخليك ترفضين فهد .
مها بخوف : وشو السبب ؟
أم الوليد وفي عينها نظرة حنان : أنتي تحبين فارس ولد عمك عشان كذا ما تبين تتزوجين فهد صح ولا لأ
مها بصدمه : سييييييييييين صمممت عم المكان
أم الوليد حضنت مها : حبيبتي ليه ماقلتي لي إنك تحبين فارس يا يمه , فارس رجال ويستاهلك , ليه ما قلتي إنك تحبينه , ولا أنا ماني أمك ؟
مها بكت في حضن أمها : يمه أستحيت أقول لك , يمه أنا وفارس نحب بعض , يمه ما أقدر أعيش بدونه , يمه سوي أي شي بس لا تحرموني منه , يمه والله أحبه .
أم الوليد تأثرت كثير بمها : خلاص حبيبتي أمسحي دموعك , وانزلي سلمي على خالتك أم فهد , إذا راحوا بعدين أنا أتصرف مع أبوك يلا حبيبتي , عشان محد يحس
مها : إن شاء الله يمه .
عند الرجاجيل
أبو فهد : والله حنا اليوم جايينكم يا أبو الوليد , طالبين القرب منكم .
وفارس مقفل وااصله في خشمه وماغير يناظر في فهد
ونواف حاس بأخوه فارس << لأنه عارف إن فارس يحب مها بنت عمه من زمان .
أبو الوليد يشاور أبوه
الجد : تقهوى يا أبو فهد , عن أذنكم شوي .
أبو فهد : خذوا راحتكم .
الجد , راح مع ولده لبرا عشان يكلمه
أبو الوليد : خير يبه وش فيك ؟
الجد : تراني مانيب موافق على هالخطبه
أبو الوليد بإستغراب : ليه يبه , أنت سامع عن فهد شي
الجد : بعدين تعرف ليه , أعتذر للرجال , ما عندنا بنات للزواج .
أبو الوليد بانت على وجهه العصبيه : كيف يبه أعتذر له , لعبه هي ؟ !
الجد : قلت لك كلمه وماراح أثنيها , ولا ترى بزعل علييك وتحمل ما يجيك .
أبو الوليد دخل مع أبوه
أبو فهد مارديتوا علينا : أنتوا موافقين
أبو الوليد : والله مدري وش أقول لك يا أبو فهد , هاذي الساعة المباركه
الجد يناظر أبو الوليد وتعمد يحرجه : والله يا ابو فهد أنتوا ناسا ً أجاويد , وفهد مثل عيالي ورجال ونعم فيه وألف بنت تتمناه , لكن بنتي مها ما تبي تتزوج اللحين , وما أقول غير الله يوفقه ويرزقه ببنت الحلال اللي تسعده وتهنيه .
فهد مصدوم بس تكلم بكل هدوء : والله يا جد هاذي حريتها الشخصيه وما أقدر أغصبها أنها تتزوجني , الزواج قسمه ونصيب والله يعوضني خير إن شاء الله
الجد : ونعم فيك يا فهد أصيل ولد أصول
أبو فهد : أجل حنا نستأذن
الجد : حياكم الله , زارتنا البركة .
أبو فهد وفهد سلموا على الكل وطلعوا من المقلط وطلبوا من أبو الوليد , أنهم ينادون أم فهد
بعد ما الكل طلع من المقلط , بقى فارس والجد .
فارس يبوس راس جده ويده : الله يخليك لنا ولا يحرمنا منك والله بدونك مدري وش راح أسوي
الجد يبتسم : أنا سويت اللي علي , وشد حيلك عليك الباقي , متى ما بغيت تخطبها قول لي ,
فارس : أكيد يا جدي أنت اللي بتخطبها لي
عند الحريم
الحريم مستغربين وش فيهم راحوا بسرعه , والجده عارفه إن اللي صار بسبب أبو محمد , وأم الوليد حست براحه لأنها كانت خايفه على حالة بنتها النفسيه
عند البنات فوق
نهى مبسووطه : موب قلت لكم فارس ما ينخاف عليه .
مها : تهقون تكنسل الموضوع خلاص .
جنى تغمز لمها : أعتبري فهد أنتهى من حياتك .
حلى : فكري في فارس وبس لا تفكرين في فهد ولاغير فهد .
غلا : يا الله يارب بكره يقول يبي يخطبك
البنات : ههههههههههه آمييين .
في سيارة فهد
أبو فهد : في أحد يرفض ولدي المتعلم , المحترم اللي الناس تضرب فيه المثل .
أم فهد : يا أبو فهد وش فيك اللي صار , صار وترى الزواج قسمه ونصيب , وماتدري يمكن أحد من عيال عمها حاط عينه عليها ويبيها وتبيه
أبو فهد معصب : طيب ليه ما قال لي أبو الوليد !!
فهد : يبه مثل ما قالت لك أمي , وبعدين الزواج مهب غصب مها موب نصيبي ولا أنا نصيبها ولا تنسى يا يبه أنهم جيرانا ونبقى زي الأهل لا تخلي موضوع زي هذا يقطع علاقتنا فيهم .
أم فهد مبسوطه بولدها : زي ماقال ولدي يا أبو فهد , كلامه عين العقل , والحمدلله بلادنا مترووسه من هالبنات اللي يبون الستر وولدي ألف وحده تتمناه .
أبو فهد أكتفى بالصمت .
نرجع للمقلط
أبو الوليد راح لأبوه : يبه ممكن أعرف ليه سويت كذا ؟!
الجد : قلت لك أعتذر لهم , قلت للرجال هاذي الساعه المباركه , يعني تكسر كلامي يا ولدي .
أبو الوليد حس بإحراج من أبوه وباس راسه : ما أقصد يا يبه أنا آسف , بس أنت أحرجتني مع الرجال وش بيقولون عننا اللحين ؟
الجد : إذا أبو فهد يعزك ويحترمك مثل أخوه ماراح يزعل منك , وإذا على أتفه الأسباب بيزعل جعله مارضى , أترك البنت على راحتها تختار اللي تبيه موب أنت اللي تزوجها على كيفك .
أبو الوليد أكتفى بالصمت وطلع من المقلط وراح غرفته .
أم الوليد : وش فيك يا أبو الوليد
أبو الوليد : وش فيني , أبوي صغرني قدام الرجال هو اللي رد عليه , وأنا ساكت ما قلت شي أبوي أحرجني .
أبو الوليد معصب وفاتح أزارير ثوبه .
أم الوليد تحاول تهدي زوجها وصارت قريبه من أنفاسه : حبيبي هد أعصابك , والزواج قسمه ونصيب والمفروض أنك شاورت البنت من قبل , والمفروض تسمع رايها إذا كانت موافقه ولا لأ , أحنا آباء ليه ما نقتدي بالرسول صلى الله عليه وسلم كان يستشير زوجاته وبناته وأولاده في كل صغيره وكبيره وهاذي حياتها هي اللي بتعيش معه موب أحنا .
أبو الوليد ساكت وبس يسمع أم الوليد , حبيبته وزوجته , وأم أولاده .
أم الوليد : أنا بقوم أسوي لك عصير ليمون عشان تهدي أعصابك وتروووق .
أبو الوليد مسك يد أم الوليد ودفن راسه في أحضانها : أحس أني منحرج من أبوي أول مره أرفع صوتي عليه , من العصبيه .
أم الوليد : معليه يا قلبي , أبوك أكيد مقدر موقفك لأنك أنحرجت , بس بعدين روح وأعتذر منه عشان ما يجي في خاطره , رضى الله من رضى الوالدين .
عند البنات دق جوال جنى
جنى : هلا فروس .
فارس : هلا جنوو
جنى : شكلك مبسووط .
فارس : طبعا ً مبسوط
جنى : إن شاء الله دووم ويلا شد حيلك عشان تخطب بنت عمك وتريحونا من هالسالفه .
فارس : إن شاء الله قريب .
جنى : آآميين يارب .
فارس : وشلون مها ؟
جنى : لا تحاتي , حبيبة قلبك مبسووطه عشان السالفه خربت
فارس يضحك : هههههه هذا اللي أبيه , يلا أنا أخليك
جنى : ســـــــــــلام .
نهى تنغز بالكلام : أكيد فلان يتطمن على فلانه
جنى تضحك : يقول دامها بخير هذا اللي يبيه .
مها صار وجهها ألوان من الإحراج .
غلا تستهبل : يحلموون , يحلموون اللي فيك يفكرون ياخذونك أنته مني والله لو يجننووون
حلى تطق رقبه : والله لو تطلع لهم قرووون .
والبنات فاقعينها ضحك .
عند الشباب
الوليد : وش فيه أبو فهد شكله زعل لما جدي قال له الصدق .
عبد العزيز : حلووه ذي يزعل وش يزعله , البنت ما تبي تتزوج ولدهم بعد غصب هي . !
نواف يتساسر مع فارس : طلعت منت هين خربت السالفه كل أبوها .
فارس يضحك : أفا عليك بس , أجل أخلي حلالي يروح لغيري ؟ !

نروح للجد والجدة
الجدة : أكيد الرجال اللحين أخذ على خاطره يا أبو محمد .
الجد : ليه بزر هو يا خذ على خاطره بعد البنت ماتبي تتزوج ولدهم تحب ولدعمها فارس غصب هو , يا أم محمد النفس وما تهوى .
الجدة : الله يكتب لمها وفارس اللي فيه الخير ونفرح فيهم .
الجد يبتسم : اللهم آآآمين ونفرح فيهم كلهم إن شاء الله ونشوف عيالهم وعيال عيالهم بعد
الجدة : ههههههه وعيال عيالهم بعد , قدنا تحت التراب .
الجد : محد يموت قبل يومه يا أم محمد .
أنتهى البارت

البارت السآبع والعشرين {{ الله يهنيك فيني , والله يهنيني فيك }} اليوم الأربعاء في العزبه الجد كان جالس في الخيمه والجدة وحريم عيالها وبنتها في الصالة والشباب في الغرف والبنات كذلك نزل فارس من فوق الجدة : هلا بولدي فارس : باس راس ويد جدته , هلا بالغاليه الجدة : كيفك يا ولدي عساك بخير ؟ فارس : بخير جعلك بخير j ام فارس : حبيبي وش أخبارك ؟ فارس يبوس راس امه : أنا بخير دامك بخير ياروح فارس أنتي ام فارس مبسوطه : الله يرضى عليك ويوفقك يا ولدي فارس بعد ما سلم على أمه وجدته , سلم على حريم عمامه , وسلم على عمته . فارس : جدتي وين جدي ؟ الجدة : في الخيمة . فارس : أجل أنا أستأذنكم . وطلع فارس من الصالة وراح للخيمة فارس : السلام عليكم يا جدي , وباس راسه ويده الجد : وعليكم السلام يا ولدي يا الله إن تحييه . فارس يبتسم : الله والنبي يحيك يا جدي . الجد : هاه أشوفك مبسووط . فارس : أي يا جدي أبي أتكلم معك بموضوع مهم . الجد : خير يا ولدي . فارس : الخير بوجهك يا جدي . الجد يناظر فارس . فارس : جدي أبي أخطب مها . الجد يناظر فارس : من جدك فارس يضحك : إي أتكلم من جد الجد : يعني خلآآآآص راح نقولك مبروك . ! فارس يتميلح : إن شاء الله الجد : طيب أبوك وأمك يدرون عن الموضوع . فارس : لا يا جدي بس أنت . الجد : لازم اليوم تجلس مع أمك وأبوك أول , تاخذ رايهم . فارس يبتسم : طبعا ً يا جدي , راح أقول لهم بس هماك أنت قلت إذا بتخطب قول لي , وهذاني قلت لك الجد : أجلس مع أمك وأبوك والله يكتب لك اللي فيه الخير . نروح للبنات حلى : خاطري أطلع . نهى : خاطرك يا خيتي مدري وش يبي حلى تضرب نهى غلا : أبي جوكليت . جنى : عندي بس مابي أعطيك . مها : تدروون وش خاطري أسوي ؟ البنات : وشو ! مها : ودي أروح المسبح . نهى : يرحم أؤؤمك , نسيتي فلانه بغت تموت والسبه المسبح غيري الموضوع وشوفي لك شي ثاني . جنى تناظر نهى : لا بنروح غلا : هييه أنهبلتي , مجانين أحنا إذا طاوعناك جنى : عاد نبي نستااانس نهى : أنا موافقه بس بشرط , ما تعدين الغريق عشان ما يصير فلم هندي في المسبح جنى تضحك : موافقه . البنات : مواافقين . عند الشباب نواف : شباب نبي نتعشى برا , نبي نغير جوو طلال : والله جبتها عبد العزيز : فكره الوليد : أي والله نبي نشم هوا نبي نفلها . فارس دخل , داخل وراح فوق لغرفة أمه وأبوه , فارس يدق الباب أبو فارس : هلا ولدي فارس : هلا يبه وباس راس أبوه . أبو فارس : خير يا ولدي ؟ فارس : يبه أبي أتكلم معك أنت وأمي في موضوع مهم . أم فارس : تعال يمه أجلس وش فيك . فارس : الموضوع هالمرة غير . أبو فارس : فارس وش صاير تكلم . فارس يبتسم : طيب , طيب يمه , يبه بصرااحة أنا قررت أخطب وأبيكم تخطبون لي البنت . أم فارس وأبو فارس مبسووطين : تتكلم من جدك ولا تمزح . فارس يضحك : ليه شكلي كذااب يعني ! أبو فارس : لا ما نقصد يا ولدي , بس فجأه كذا ؟ فارس : موب يقولون كل شي بوقته حلوو أم فارس مبسوطه : ومنهي سعيدة الحظ , اللي أمها داعيه لها ؟! فارس منحرج : أبي أريحكم وحده من بنات عمي , ماهي غريبه يعني . أبو فارس مبسوط : وحده من بنات أخواني , والله ونعم عرفت تختار . أم فارس متحمسه : فارس يلا قوول نجر الكلام جر عشان تتكلم ! فارس يضحك : ههههههههه خلاص بقول العروس الله يسلمكم {{ مها }} أبو فارس : طلعت منت هين بعد . أم فارس : مها , والله يازين ما أخترت يا ولدي ماشاء الله عليها قمر , وأخلاق وأدب . فارس : بصراحه أنا أحب بنت عمي وأبيك يبه تجلس مع عمي تتكلم معه وجدي يدري بالموضوع , وأنتي يمه كلمي مرت عمي . أبو فارس : أبشر بسعدك يا ولدي إن شاء الله اليوم راح أكلمه أم فارس : وش رايك نجلس مع أم الوليد وأبو الوليد مع أبوك وأمك ونتفق على تحديد موعد الخطوبه . أبو فارس : والله فكره جييده فارس : الود , ودي يبه أخطبها اليوم مستعجل . أم فارس وأبو فارس : ههههههههههههه أركد يا ولد .

فارس وهو طالع : توصوا فيني , عسى الله لايحرمني منكم أم فارس : أحلى خبر سمعته يا فارس . أبو فارس : الله يكتب لك اللي فيه الخير يا ولدي . طلع فارس من غرفة أمه وأبوه , وراح للشباب وماقال لهم شي , يبي يسويها لهم مفاجأه . عند البنات مها : يلا بنات ناخذ لنا ملابس , خذوا البنات ملابسهم ونزلوا تحت للمسبح ودخلوا فيه , البنات كانوا مبسوطين كثيير وماخذين راحتهم ع الآخر نهى : واااااو وناااسه . جنى : أي والله وناسه وحنا جالسين فوق . غلا : أقول لاحد يتهور ويروح الغريق , ترى مافينا شده . حلى : ألاااااه مآرا ونااصه نرجع لداخل شوي وتحديدا ً في غرفة الجد والجدة الجدة : متى ناوي تجتمع معهم . الجد : اللحين . الجد أخذ جواله ودق على أبو الوليد أبو الوليد : هلا يبه الجد : هلا ياولدي , أنت وينك . أبو الوليد : أنا فوق يبه في الغرفة , عسى ما شر يبه فيك شي . الجد : لا مافيني شي , بس أبيك أنت وأم الوليد أبيكم تنزلون تحت المقلط , وترى معكم أم فارس وأبو فارس أبو الوليد مستغرب : خير يبه وش فيه أخوي . الجد : مافيه إلا كل خير إن شاء الله بس أبيك تنزل أنت ومرتك تحت في المقلط . أبو الوليد : تآمر يبه , مع السلامه . أم الوليد : خير يا أبو الوليد , صاير شي ؟ أبو الوليد : مدري وش السالفه علمي , علمك بس أبوي يبيني ويبيك تحت في المقلط ويقول معنا أم فارس وأبو فارس , مدري وش صاير ! أم الوليد صار عندها شك بالموضوع . بعد ماكلم الجد أبو الوليد , اتصل على أبو فارس . أبو فارس : سم يبه الجد : أنا كلمت أخوك قلت له ينزل عشان أتكلم معه وترى معه مرته وأبيك أنت ومرتك تجون في المقلط أبو فارس : موب لازم فارس يكون موجود يبه الجد : أترك فارس علي , اللحين تعالوا المقلط . أبو فارس : إن شاء الله يبه . عند البنات البنات للحين في المسبح نهى : آآآآآآآآآآي حلى خايفه : نهووي وشفيك ؟ غلا : نهوي وش فيك تصارخين ؟ نهى انجرحت يدها بحافة المسبح : دم جنى : وش هذا الدم ؟ مها بخوف : نهوي وشفيك ؟ نهى : ضربت يدي في حافة المسبح . غلا : طيب روحي طهريها بسرعه لا يتورم الجرح . نهى : أنتوا لبسوا ملابسكم أنا بروح فوق أطهر الجرح . البنات طلعوا من المسبح , ونهى راحت فوق وكان الدم يسيل من يدها وماسكه يدها بقوه , نهى وهي تركض رايحه فوق شافها عبد العزيز بس هي ما انتبهت له . نهى تروشت وطهرت الجرح , طلعت نهى لقت البنات في الغرفة حلى : نهوي أشوف يدك غلا : والله الجرح عميق جنى راحت فتحت الصيدليه اللي حاطها جدهم وطلعت منه شاش ومطهر وصارت تعقم جرح نهى نهى : آآآآح يحررق مها : معليه حبيبتي استحملي شوي عند الشباب الوليد : هاه عندكم نية طلعه ؟ نواف : أنا عن نفسي إيه طلال : والله من زمان عن الطلعات هاذي فارس : يلا اختاروا لكم مكان رايق

عبد العزيز مب معهم سرحان ويفكر في نهى وش فيها كانت تركض كذا ! فارس : ياهوووه وين الناس ؟ عبد العزيز : وشو ؟ نواف يناظر عبد العزيز : أقول اللي ماخذ قلبك يتهنى به عبد العزيز : شوي شباب عن اذنكم عند البنات يرن جوال نهى , نهى حاولت تتصرف على طبيعتها نهى : أنا أبي أشرب مويه حلى : روحي حبيبتي , بس شوي شوي أنتبهي لأيدك نهى : طيب نهى طلعت برا , وعبد العزيز كان في صالة الشباب اللي جنب غرفهم عبد العزيز : آلو نهى : هلا عبد العزيز عبد العزيز : وش فيك من شوي كنتي تركضين بسرعة نهى : متى ؟ عبد العزيز : من شوي وكنه فيك شي . نهى : يدي تعورني عبد العزيز بخوف : وش فيها يدك ؟ نهى : كنا في المسبح , نسبح وانجرحت يدي عبد العزيز : ولييه ماقلتي عشان نوديك أقرب مستشفى نهى تبتسم : ماله داعي أنا بخير . عبد العزيز : أبي أشوفك اللحين أبي أتطمن عليك نهى : أووكي في المقلط :- الجد جالس مع عياله وحريم عياله وزوجته ام محمد الجد : أبو فارس قول اللي عندك لأخوك أبو فارس : والله ياخوي احنا مجتمعين هنآ عشان أقول لك إن ولدي فارس اليوم كلمني أنا وأمه يبي يخطب بنتك مها , بنت عمه وأولى من الغريبه . أم الوليد كانت مبسووطه وفرحانه حيييل لبنتها الجد : وش رايك يا ولدي أبو الوليد مبسوط : والله يايبه هذا أخوي , وهذا ولد أخوي وفارس ماشاء الله عليه ما ينعاف وألف بنت تتمناه ثقل وعقل ورزانه وأخلاق ورجال ينشد فيه الظهر , سبع مثل أبوه . الجد : وأنتي يا أم الوليد وش رايك ؟ أم الوليد : مقدر أزيد على كلام زوجي , فارس رجال ونعم فيه يكفي أنه ولد أبو فارس وخيتي أم فارس . الجد : يعني نقول مبروك ترى فارس مستعجل وده يخطب اليوم قبل بكره أبو الوليد : أكيد ما عندنا مانع الجد : أجل بكلم فارس عشان يطلب يد مها رسمي قدامكم وقدام أمه وأبوه . في الحديقة عبد العزيز ماسك يد نهى : أشوف يدك نهى منحرجه : جرح بسيط عبد العزيز فتح الشاش الملفوف على جرح نهى وانصدم بالجرح عميق : أنتي من جدك هذا بسيط , أجل الجرح العميق وشلون عندك ؟ نهى تبتسم عبد العزيز حط يده بيد نهى وجلسوا جنب المراجيح نهى : وش فيك ساكت ؟ عبد العزيز يناظر نهى بحنان : قلبي معورني على يدك عقب الجرح اللي شفته وتقولين بسيط . نهى وكأنها متعمده تبي تسمع من عبد العزيز كلمة أحبك عبد العزيز ليه تهتم فيني كل هالأهتمام ؟ عبد العزيز : لأني وبدون مقدمات أحبـــــــــــك نهى وجهها صار أحمر : أنا صغيره على الحب عبد العزيز : طيب قولي لي وش أسوي أحس نفسي طفل قدامك , خاطري أسمعها منك عشان أرتاح نهى : تسمع مني وشو ؟ عبد العزيز : نهى أبي أعرف أنتي تحبيني كثر ما أحبك ولا لأ وشو أنا بالنسبه لك ؟ نهى : أنت وش تشوف ؟ عبد العزيز : مدري .. نهى : أحبـــــــــــــــــــــــــــــــــــــــــــــك عبد العزيز كان وده يصرخ نهى قامت عبد العزيز : على وين ؟ نهى : بروح عند البنات عبد العزيز : ممكن أسألك سؤال وتجاوبيني بصراحة نهى : راح أجاوبك بكل صراحه عبد العزيز : لو طلبت يدك من خالي راح توافقين ؟ نهى تبي تجنن عبد العزيز : جرب حظك ! عبد العزيز يناظر نهى وهي رايحه : أحبها والله أحبها دخل عبد العزيز ورجع للشباب , بدخلة عبد العزيز رن جوال فارس , طبعا ً الجد بعد ما عرف راي أبو الوليد وأم الوليد طلب من أبو حلى وأم حلى وأبو عبد العزيز وأم عبد العزيز يكونون معهم فارس : آلو هلا جدي الجد : أنزل أبيك تجي المقلط أنت والوليد وطلال فارس : ليه يا جدي الجد : تعالوا أنتوا الثلاثه وبعدين تعرف الشباب : خير وش فيه ؟ فارس : جدي يبيني أنا والوليد وطلال في المقلط نواف : وش معنى أنتوا ! عبد العزيز : شساالفه ! الوليد : يلا وش تنتظرون ؟ نزلوا فارس والوليد وطلال دخلوا المقلط ولقوا الاهل متجمعين الجد : اجلسوا

فارس حس إن هالتجمع عشان موضوعه هو ومها

الجد : قول اللي في خاطرك يا فارس لعمك

فارس منحرج شوي : عمي بصراحه لي الشرف إني أخطب مها على سنة الله ورسوله

الوليد وطلال شوي ويطيرون من الفرحه ومتفاجأين بنفس الوقت

أبو الوليد : أنا موافق وأم الوليد موافقه وماراح ألاقي لبنتي أحسن من ولد عمها .

الجد : أقول يا أم الوليد ليش ما تجيبين مها من غير ما تقولين لها شي , ونسمع رايها هنآ

أم الوليد مبسوطه : إن شاء الله

الجد : أقول يا ام الوليد , دام السالفه صارت علنية خلي البنات كلهم يجون

وأنت يا ياطلال رح ناد نواف وعبد العزيز , وطلال راح لنواف وعبد العزيز وعلمهم بالسالفه وكل واحد فيهم متشقق << وأخيرا ً أنفتح لهم باب يعني فارس وجهه خيير على الباقين .

عند البنات الباب يندق , دخلت أم الوليد

البنات : خالتي وش صاير ؟

أم الوليد تناظر بنتها مبسووطه : إجتماع عائلي جدكم يبيكم تحت تعالوا معي

البنات : يعني الشباب تحت ؟

أم الوليد : إي ألبسوا طرحكم

البنات لبسوا طرحهم ونزلوا تحت مع أم الوليد متفاجأين بهالإجتماع المفاجىء

الجد : حيا الله بناتي اجلسوا , ومها تعالي عندي أبيتس وأنا جدتس

مها : لبيه يا جدي

الجد مبسوط : أسمعي يابنتي , أنتي اللحين حُرمه ماشاء الله عليتس , وبصراحه في معرس طالب القرب ونبي نسمع رايتس , مها انحرجت وقلبها صار يدق << صار سااامري طبعا ً , والبنات تشققوا مبسووووطييييين وعارفين منهو المعرس .

الجد : يا مها يا بنتي الزواج سنة الحياة , وولد عمتس فارس يبي يخطبتس ونبي نسمع رايتس , مها سمعت اسم فارس أطلقت العنان لرجيلها وطلعت برا من الاحراج . والبنات لحقوها

جنى : مهوووي يلا عاد قولي إي

مها معرقه وحالتها حاله : خاايفه أحس بإحراج

أبو الوليد جا عند مها : يابنتي نبي نسمع رايك موافقه ولا لأ , جدك يبي يسمعك

مها تنتفض : يبه أستحي .

أبو الوليد وهو ماسك مها بيدخلها المقلط : يا بنتي هاذي سنة الحياة قولي رايك يا إيه يا لاء

الجد : وش قلتي يا مها موافقه

فارس يناظر مها

مها وعينها في الأرض : مو________ موافقه

فارس : أبي الخطوبه تتم يوم السبت بإذن الله .

أبو الوليد : على بركة الله

طبعا ً مها شردت فوق حطت رجلها والبنات ماغير يستهبلون يزغرطووون كلللووووليييش

والحريم نفس الشي واتفقوا تتم الخطبه على خير إن شاء الله يوم السبت والشباب مبسوطين , ويلمون فارس ويدعون له بالتوفييق << يستاهل فارس

البارت الثآمن والعشرين يآمعيريس عين الله ترآك القمر والنجوم تمشي ورآك ويتغنـى القمر والنجوم ترد عليــه اليوم الجمعه الساعه 4 العصر طبعا ً الأهل كلهم رجعوا على بيوتهم , عشان الكل يجهز لخطوبه ][ فآرس , ومها ][ في بيت أبو فارس الكل جالس في الصالة جنى : الله ونااااااااسه بكره خطوبة أخووي نواف مبسووط : وش علييه , بكره خطووبته هههههههه بالمبارك يا خوي . فارس بس يوزع إبتسامات : عقبالك يا نواف وعقبال جنى إن شاء الله . أم فارس وأبو فارس : آآآمين يارب . جنى : يمه بنروح أنا والبنات للسوق عشان نجهز لبكره أم فارس : دامك بتروحين مع بنات عمك ما عندي مآنع . جنى : خلاص أنا بروح أكلمهم عن أذنكم أبوفارس : أذنك معك يابنتي أم فارس : وأنت يا نواف ماودك تخطب نفرح فيك . نواف يبتسم : راح أخطب بعد فارس إن شاء الله . أبو فارس : من جدك ولا كلام بس. فارس : ماعليك منه يبه هو حاط عينه على وحده . نواف يناظر فارس ويضحك أم فارس مبسوطه : صدق يمه ! نواف يحاول يصرف : اللحين وش فيكم قلبتوا علي , خلكم مع المعرس . نروح لغرفة جنى جنى تدق على مها مها : آلو هلا جنوو جنى تستهبل : هلاااا بالغالية , هلا بمرت أخوي مها منحررجه : جنىىىى جنى : هههههههههههه يالبى اللي يستحون , وأخيرا ً ما بغيتوا . مها : يلا عقبالك أنتي والوليد , وعقبال باقي الشباب والبنات . جنى : الله يكتب اللي فيه الخير . مها : اللهم آآمين جنى : مهووي نبي نروح السوق أنا وأنتي والبنات . مها : والله فكره حلووه . طيب مين بيودينا جنى : مدري , سواقنا , ولا سواقكم مها : سواقنا ماظنيت لأن أمي بتروح تجيب أغراض للخطوبه . جنى : خلاص أجل بمر عليك أنا , دق باب جنى جنى : دقايق مهوي . مها : طيب جنى : تفضل . أم فارس : مها حبيبتي أنا أبي السايق . جنى : لآ يمممه بليييز لا تقولين , مافي وقت , مالنا إلا هاليوم أم فارس : يا يمه لازم أروح أجهز ورد للخطوبه ومصوره عشان تسوي ألبوم لفارس ومها وتدرين العشى . جنى : وأبوي وينه ؟ أم فارس : أبوك وفارس ونواف يبون يروحون للسوق , فارس يبيله أغراض جديده . جنى : والحل يمه ؟ مها : جنوووو جنى : لحظه يمه . جنى : هلا مهوي . مها : خلاص لا تضغطين على خآلتي بقول للوليد يودينا . جنى : يمكنه مشغوول . مها : معليه يخلص أشغاله بعدين ماراح يقول شي خلاص خلي أمك تروح . جنى : يمه خلاص مها بتمر علي مع البنات أم فارس : يعني خلاص ما تبين شي . جنى : لا يا الغالية أبي سلامتك . أم فارس : هاذي 1000 عشان تاخذين اللي تبين جنى تتدلع : ماما بس 1000 أم فارس تبتسم : 2000 زيين . جنى : وه بس يا أكوووس أم في الدنيا . أم فارس تضحك : يلا أنا بروح . جنى : الله يحفظك . مها : ههههههههه مهايطيه أنتي جنى : حبيبتي خطوبة أخوي بكره لازم أطلع كؤؤشخه , وأصير أحلى من العروس إذا في إمكانيه . مها : ههههههههههههه الله يقطع سوالفك يلا كلمي البنات . جنى تضحك : أووكي سلاامو . جنى قفلت من مها دقت على حلى , البنات كانوا جالسين مع أمهم وأبوهم . حلى : هلا جنوو . جنى : هلا وغلآ كيفك حياتؤؤ . حلى : بخير دامك بخير . جنى : دووومز قلبوو , أقول حلى قولي لعمي إنا , أنا ومها بنمر عليكم نبي نروح السوق عشان نشتري فساتين للخطوبه . حلى : إي والله مافي وقت , بس بقول لأبوي , لا تسكرين جنى : طيب , قولي له الوليد بيودينا حلى توطي صوتها : بععد يا عيني يا عيني جنى : هههههههههههههه أخلصي علي بس . حلى تكلم أبوها حلى : بابا أبو حلى : أبووي سمي . حلى : سم الله عدوينك يا الغآلي . أقول يبه جنى بتمر علينا نبي نروح السوق نتقضى لخطوبة مها أبو حلى: إي ليه لا يا بنتي , بس مين بيوصلكم حلى : يبه مها والوليد بيمرون على جنى وعقب بيمرون علينا أبو حلى : خلاص قولي لها تمر . حلى : هلا جنوو جنى : عمي واافق . حلى مبسوطه : إي جنى : خلاص أجل بقوم ألبس عبايتي . حلى : أووكي سلام . نهى : دآمنا بنروح السوق يبه نبي مااني . أبو حلى : ههههههه أبشري على هالخشم طبعا ً أبو حلى ما يقصر على بناته وعطى كل وحده فيهم مبلغ زهيد من المال << لغه عربيه فصحى وكل وحده فيهم باست راس أبوها ويده نروح لبيت أبو الوليد الوليد : هاه مها جاهزه . مها : إيه , مشينا . أم فارس : حبيبتي خلصي عشان ترجعين بدري وترتاحين مها بإحراج : إن شاء الله يمه طلعوا الوليد ومها من البيت متجهين لبيت عمهم أبو فارس مها والمسافه موب بعيده بين البيوت مها تدق على جنى جنى : هلا مهوي مها : ترانا برا جنى : يلا طالعه اللحين أم فارس : مها برا جنى : إي يمه مع السلامه أم فارس : الله يحفظك يا يمه وعقبال ما أفرح فيك إن شاء الله جنى فتحت باب السيارة جنى : السلام عليكم الوليد و مها : وعليكم السلام . الوليد : كيفك جنى وطبعا ً الوليد كانت عيونه في المرايه ويوزع إبتسامات جنى منحررجه : بخيير جعلك بخير الوليد بإبتسامة عذبه : جعله مديم يارب جنى : ويآك وصلوا لبيت أبو حلى مها تدق على حلى حلى : هلا مهووي مها : يلا احنا برا ننتظركم . حلى : اللحين طالعين سلام . حلى تنادي خواتها : نهووي , غلا يلا تراهم برا غلا : يلا مشينا أم حلى : أنتبهوا لأنفسكم البنات : إن شاء الله يمه طلعوا البنات وركبوا السيارة حلى ونهى وغلا : السلام عليكم الوليد : وعليكم السلام , وش أخباركم بنات عمي البنات : بخيــــــــر ربي يسلمــــــــــــك

الوليد : جعله مديــــــــــــم نروح لبيت الجد والجده الجد : تصدقين يا أم محمد مبسووط لأني أخيرا ً راح أشوف مها وفارس حياتهم كلها فرح وسعاده إن شاءالله . الجده : الله يتمم لهم خير ويوفقهم يارب ونفرح فيهم ونفرح بباقي البنات والعيال . الجد : اللهم آآمين في هاليوم الفضيل الله يبلغنآ فيهم ونشوف عيالهم . الجده وهي مبسوطه : آآمين نرجع للبنات الوليد نزل البنات للسوق : بنات أنتوا خلصوا أغراضكم , وأنا بروح محل هنآ رجالي . البنات : طيييب . الوليد راح والبنات دخلوا للسوق , دخلوا محل للفساتين وهالمحل عنده موديلات مرره روعه . نهى : وااااااو شي هالفوستان وش رايكم فيه مها : يجننن بيطلع عليك يهبل نهووي حلوو حلى : بصراحه الموديل واللون رهيييب غلا : شييي خونفشاري . جنى : تبينه أخذيه , الصراحه بيطلع عليك روعآآآ نهى عجبها الفستان نهى : لو سمحت بكم هذا الفستان ؟ صاحب المحل : ب300 وفي منه ألوان نهى : وشو ألوانه صاحب المحل : في اللون الرمادي , والأحمر , والفوشي , والأزرق الفاتح , والتركواز هذا اللي في يدك . نهى تاخذ راي البنات : صبايا وش رايكم ؟ البنات : التركواز فظييع أخذيه . نهى خذت التركواز خلوني أوصف لكم شكل الفستان :- الفستان من نوع أسترج ع الجسم << طبعا ً نهى ماشاء الله جسمها جسم عارضة أزياء وفيها طول , طولها حلو وفيه ذيل لاهو طويل مرره ولا هو قصير ومن عند الصدر فيه شريطه سوده والقماش نفسه تركواز على لمعه خفيفه موديل نهى بسيط وحلو << والبساطه بيني وبينكم أحلى بكثيير من الفساتين الدفشه . صاحب المحل : ملبوس العآفية أختي . نهى : الله يعافيك . طلعوا البنات من المحل ودخلوا المحل الثاني , ماخذوا شي عنده فساتين حلوه لكنها دفشه شوي وهم يبون فساتين ناعمه وراقيه . ودخلوا المحل اللي بعده حلى دااخت على فستان أسود قصير تحت الركبه وحلى بشرتها بيضه يعني حلووه عليها الألوان الفاقعه والغامقه . حلى : وااو صبايا يجنننن . غلا : رهيييب مها : بيطلع علييك خقق جنى : رووعه أنا أقول أخذيه نهى : حلوو وأنتي بتحلينه . حلى : لو سمحت هذا الفستان كم قيمته ؟ صاحب المحل : والله هو ب300 بس راح أخليه 280 حلى : صبايا آخذه . البنات : أخذيه يجنن حلى خذت الفستان خلوني أوصف لكم شكله فستان بدون أكمام , تحت الركبه يعني مو قصيير مررآ , وعند الصدر فيه ورده سوده مع ريش فوشي ومن أطرف الفستان صاير مموج الصراحه الموديل حلوو وكلاسيكي صاحب المحل : عليك بالعافيه . حلى : الله يعافيك . وبعد هالمحل دخلوا محل ثاني وجنى طاحت عينها على فستان نيلي رووعه عجبها اللون كثير وعجبها موديل الفستان جنى : وش رايكم صبايا البنات : خونفشااااري جنى : لو سمحت كم قيمة هذا الفستان ؟ صاحب المحل : 350 جنى : يلا 300 بس من غير 50 << الحريم لازم المكااسر صاحب المحل : ولا يهمك ب300 عشان تكونين زبونه عندنا جنى : شـــــكرا ً خلوني أوصف لكم فستان جنى لونه نيلي والقماش العادي وطوله لين تحت الركبه , ومن عند الركبه مسوين فيه حركه حاطين شيفون يعني هو قصير لكن الشيفون مغطي وصاير ذيل من ورى بدون أكمام وفيه كرستاله بالسلفر عند الصدر مآرآ كيووت وبعد هالمحل دخلوا محل ثاني , غلا عجبها فستان لونه أخضر , اللون الأخضر الملكي الفستاان رووعه , تحت الركبه ومن عند الصدر مكسر والفستان كأنه فستان ممثله يعني ماسك ع الجسم رووعه صرآحه وعند الصدر كرستاله بالسلفر غلا : لو سمحت كم قيمة هالفستان ؟ صاحب المحل : ب290 البنات : لآ تترددين روووعه . غلا خذت الفستان واللحين جا دور مها مها : مابي فستان نافش ودفش يثقل علي , أبي فستان حلو بس ناعم نهى : خلونا نشوف هالمحل شكله عنده فساتين حلوه دخلوا البنات المحل مها عجبها فستان مها : بنات شوفوه حلوو البنات أنبهروا بالفستان : يهبببببببببل مهووي مرره حلوو خلوني أوصف لكم الفستان اللي أختارته مها لونه لحمي مع درجة البنفسجي الغامق مره ومن تحت الركبه والذيل تور ممزوج باللونين ومنفوش شوي والصدر عليه كرستال باللون البنفسجي الغامق وبدون أكمام يعني الفستان رووعه ليوم خطوبه مها : بصراحه عجبتني ألوانه والموديل خقققق . البنات : والله يهببل مهوي أخذيه يجنن مها : لو سمحت كم قيمته هالفستان ؟ صاحب المحل : بـ 400 حلى : أخوي عاد أول مره ندخل محلك راعنا شوي بالسعر عشان نجيك مره ثانية . صاحب المحل : ولا تاخذون على خاطركم عشانكم بخليه بـ 300 هذا آخر سعر . مها : وش رايكم أتوكل على الله وآخذه . البنات : يهبببببببببببببببببل أخذيه والله حلوو ماشاء الله . مها خذت الفستان وطلعت من المحل مبسووطه وراضيه .

وبعده راحوا لمحل الشوزات دخلوا محل فيه أشكال وأنواع الكعب . نهى : خذت كعب قماش لونه أسود وفيه فيونكه في الوسط على شكل فستانها . غلا : خذت كعب باللون السلفر رووعه مايل ع اللمعه . حلى : خذت كعب لونه فوشي وفيه فيونكه سوده في الوسط يهبل . جنى : خذت كعب باللون السلفر . ومها : خذت كعب باللون البنفسجي الغامق نفس اللون اللي في فستانها . ومن محل الشوزات على محل الإكسسوارات طبعا ً البنات كلهم أشتروا ماعدا مها << لأنها بكره راح تكون مميزه فارس راح يلبسها اللي أغلى من الذهب ][ شبكتها ][ نشوف البنات وش خذوا البنات أتفقوا ما يخذون سلاسل خذوا خواتم وشغابات بس وإكسسوارات للشعر حلووه مناسبه لألوان فساتينهم . البنات تعبوا من الفرفره نهى : بنات بعزم سوير عشان تجي بكره مها : خليها تجي , كلميها . نهى دقت على سارة سارة : يالبىىىى هالصووت وهالرقم هلا والله . نهى : ههههههه لبى رووحك , سوير أسمعي بكره خطوبة مهوي بنت عمي أبيك تجين عند بيتنا وبعدين أدليك بيت عمي . سارة مبسووطه : ألف , ألف مبرووووك ومين سعيد الحظ نهى تضحك : الله يبارك فيك يا قلبي , المعرس أخو جنى فارس . سارة : ياعيني ياعيني , متى الخطوبه قلتي ؟ نهى : بكره لازم تجين ولا ترى بزعل منك سارة : لا , لا , كله ولا زعلك خلاص بقول لأمي عشان أروح السوق , لازم أكششخ . نهى : ههههههههههه طيب وقولي لأمك تجي بعد مع الحريم . سارة : إن شاء الله ياقلبي . نهى : يلا أخليك لأني في السوق . ساره : طيب حبيبتي مع السلامة . حلى : هااا بتجي نهى مبسوطه : إيه إن شاء الله , بعد كلم الهنوف تجي . مها : يلا كلميها خلينا نشوف صديقاتك نهى دقت على الهنوف . الهنوف مبسوووطه : هلا والله نهوووي وحشتيني . نهى : هههههههههههه يا دؤؤبا وأنتي أكثر الهنوف : وينك فيه ؟ نهى : أنا في السوق أتقضى لخطوبة مهوي بنت عمي , أنا متصله عشان أعزمك بكره خطوبتها لازم تجين الهنوف : ألف , ألف مبروووووك تستاهل كل خير , إن شاء الله راح أجي . نهى : أنتي تعالي عند مدرستنا هناك وأنا أدليك البيت . الهنوف : خلاص إن شاء الله على خير . نهى : أجل أنا أخليك الهنوف : طيب غلاتؤؤ في حفظ الله . البنات : بتجي . نهى : إيه إن شاء الله . مها : أبي أكلم الريم تجي يا حبي لها . غلا : لا يجي أخوها يكفي اللي جانا منه . حلى : ما ظنتي بيجي عقب اللي صار , وبعدين الريم مالها ذنب طيبه وقلبها أبيض . مها دقت على الريم الريم : هلا مهاااا مها : هلا ريوومه كيفك ؟ الريم : بخير حبيبتي أنتوا كيفكم . مها : أحنا بخير دامك بخير , الريم بكره أبيك تجين بيتنا أنتي وأمك الريم : خير مها فيكم شي ؟ مها تضحك : لا مافي شي , بس بكره خطوبتي وأبيكم تجون الريم فرحاانه : أنخطبتي مها مها بإحراج : إيه ولد عمي خطبني أخو جنى . الريم وهي مبسووطه : ألف , ألف مبرووووك حبيبتي تستاهلين كل خير , وأبشري إن شاء الله بكره راح أجي ويا أمي مها : حياكم الله الريم : بس ما أدل بيتكم ؟ مها : أخوك راكان يدل بيت جدي خليه يروح هناك وكلميني وراح أدليك بيتنا . الريم : خلاص حبيبتي أشوفك بكره إن شاء الله على خير مها : إن شاء الله مع السلامه . البنات : بتجي مها : والله ما سمعتوا صوتها وهي تكلمني فرحاانه كني أختها . غلا : والله الريم حرام تكون أخت راكان . جنى : خلونا من الماضي وشوفوا الوليد وينه فيه عشان نرجع لبيوتنا . الوليد دق على مها مها : هلآ خيوو . الوليد : خلصتوا . مها : إيه الوليد : أطلعوا أنا برا طلعوا البنات وركبوا السيارة ومن السوق على بيت أبو حلى نزلوا البنات ومن هنآك على بيت أبو فارس جنى بإحراج : يعطيك العآآفيه ولد عمي تعبنآك معنا . الوليد متشقق : تعبك رآآآآحه << والنظره لااااازم . مها تستهبل : عقبالك يا خوي . الوليد ووجهه ألوان : آآآآآآآآآآآآآآآآآآآآآآآآآآآآآآآآآمين . وأخيرا ً مها دخلت البيت وصارت توري أمها الفستان وأم الوليد مرره عجبها الفستان وأم الوليد صارت توري مها شكل مسكة الورد في الألبوم , مها عجبها الورد كثير , وأم الوليد توري بنتها كوشة الخطوبه << أم الوليد هي اللي حبت تسوي لبنتها الكوشه طبعا ً بإتفاق مع أم فارس وخصوصا ً أنهم أهل مقربين لبعض يعني مافي رسميات . وجنى نفس الشي لبست الفستان وصارت تستعرض عند أمها وكان يهبببل عليها وحلى ونهى وغلا ما يقلون عن مها وجنى وأم حلى مبسووطه كثيير وتدعي في قلبها لبناتها ربي يوفقهم وتشوفهم عرايس . والبنات متفقين على الميك آب راح يجونهم 4 يعملون للبنات والحريم الميك آب والشعر , بصراحه كان يوم الجمعه حآفل بالتجهيزات ولو أنه يوم واحد بس كان كل شي دقيق من الطرفين بيت أبو فارس وبيت أبو الوليد . وأخيرا ً جا اليوم الموعود اللي الكل ينتظره ][ إحسآس دوسريه , وخفوقيآت , والأهل والعاشقين مها وفارس ][ أذن المغرب الكل جاهز ومتحمس الرجاجيل وصلوا والبنات والحريم موجودين الخوال والعمام والجد والجده الحريم جالسين في الصاله وصالة بيت أبو الوليد كبيره ماشاء الله يعني الصالة صارت فاضيه مافيها إلا كوشة مها وطاولات على عدد الحاضرين والمسؤله عن الدي جي << لازم . الرجاجيل في مقلط الرجاجيل برا .

الناس جالسه تحت , والبنات فوق مع مها وأم مها
البنات طالعين يهبلووون خلوني أوصف لكم أشكالهم
حلى أسم على مسمى صراحه كانت رووعه ماشاء الله ملكة جمال حلى حاطه ميك آب دخاني ولمسه خفيفه باللون الفوشي والروج الفوشي الخوقااق والبلشر الفوشيا وشعرها مفتوح ولين ظهرها وكله كان مموج طالعه روووووعه بمعنى الكلمه .
غلا تهببل فستانها ماسك على جسمها كنها ممثله أجنبيه ولي تحت الركبه , ومكياجها ممزوج بالأخضر والسلفر لكنه حلوو وهادي موب دففش , والروج أحمر خونفشاري والبلشر روعآآ وتسريحتها عجيييبه تعرفون التسريحه المموجه رفعه لكنها على تحت موفوق مثل تسريحات أبيض وأسود قديما ً اللي رجعت موضتها اللحين طالعه ملاااااااك .
أخت المعرس جنى فستانها لونه نيلي وسلفر , ظلها نفس درجات الفستان والروج زهري لاهو غامق ولا فاتج عآجيييييييب والبلشر نفس لون الروج ومسويه تسريحه زي الكع كع موب مرفوع مره ولا نازل مره وسط وبف وحاطه إكسسوار ع الجنب طالعه نعوومه وتهبببببببببببببببببل .
نهى : حاطه ميك آب ظلها أسود على لون الفيونكه ومكبر عينها وطااالعه تهبل تهبل تهبل , والروج أحمر مطفي رووعه والبلشر , نهى ماحبت تكبر نفسها تسريحتها كلها كيرلي وشعرها جاي ع الجنب ومطلعه قصه وحاطه فيونكه تركوازيه طالعه خقققققققققققققققققققق .
عروستنا الحلوه مها آآآيه من الجمااال مكياجها , الظل ممزوج بين اللحمي والبنفسج روووعه صراحه , والروج لحمي زي درجة لون الفستان والبلشر كذلك , والتسريحه خلوني أوصف لكم التسريحه , التسريحه اللي تستشورين الشعر وتقسمينه نصين نص مسدوول ومستشور وحرير والنص الثاني اللي فوق يكون زي رفعة البف وحاطين لها تاج ناعم طالعه ماشاء الله يخزي العييين << بيسييح المعرس هههههههههه .
البنات صاروا يصورون مع مها وعقبها قرروا ينزلون مها تحت عند الناس اللي حاضرين لها والبنات ماسكين سلال ورد وفل
وحطوا لمها أغنية ][ أقبلت أحلى العرايس ][
أقبلت أحلى العرايس
أقبلت والنور معها
ولا إله إلا الله .. ألف الصلاة على محمد
أقبلت أحلى العرايس
أقبلت والنور معها رواية غرق الغرقان اكثر كامله - صفحة 4 CE_DP_Stealer

رواية غرق الغرقان اكثر كامله - صفحة 4 CE_DP_Stealer

بصوت حسين الجسمي وفاطمه والبنات يقطون الورد على مها اللي كانت في قممة الجمال وأحلى عروووس .
بعد مادخلت مها وجلست شوي دخلوا المعرس فارس
وزفوه بأغنية المعرس اللي أعتدنا عليها في الخليج
يآ معيريس عين الله ترآك
القمر والنجوم تمشي ورآك
ويتغنى القمر
والنجوم ترد عليه
ويا معيريس عين الله ترآك
القمر والنجوم تمشي ورآك رواية غرق الغرقان اكثر كامله - صفحة 4 CE_DP_Stealer

الكل مبسووط لمها وفارس وأم الوليد تسلم على أم فارس والأرض موب شايلتهم من الفرحه
وحطوا لهم أغنية الله يهنيك فيني والله يهنيني فيك أغنية أسيل
وكان فارس مبسوط يلبس مها الشبكه , ويشربها العصير وتشربه ويأكلها الكيك وتأكله طبعا ً فارس منذهل من القمر اللي واقفه جنبه << بس في ناس هههههههه صبرٌ جميل .
وعقب هالأغنية حطوا لمها وفارس أغنية ماجد المهندس

.... ماصدقت......

ماصدق انا ماني مصدقني ..

ماصدقت نتلاقى انا مانيمصدقني
حابس فرحتي فيني خوف عيوني تخدعني ...

احنا مع بعض معقول المعجزحصل لا تقول

لو هذا حلم لاسمح له من يفوقني ...

جازى الله الصدف عنيوعنك خير

ياسيدي البشر يا غير ..
لي واقف بعيد اقرب ماحنيت لا احضاني؟..؟

لاتعتب ولا اعتب انسى نفسك انساني ؟؟

خلينا مكفينا اللي صار
ماصدقت نتلاقى ..

لو تدري شحصل وانت مفارقني

ماكنت اعرفني ...لوبمرايه تلمحني احسب انت وانده لك

مدري صرت تشبهني والا صرت اشبه لك

وخلينا مكفينا اللي صار
ماصدقت نتلاقى ....

احنا مع بعض معقولالمعجز حصل لا تقول

لو ه ذا حلم لا سمح الله من يفوقني ............

من بعد هالأغنية دخلوا مها وفارس المجلس عشان ياخذون راحتهم طبعا ً , أما البنات فالينها برا يرقصون مع الريم وسارة والهنوف وبنات خوالهم على أغنية موضي الشمراني
حبيبي اللي سكن بالعين عليه أحسد أنا عيني ألا ياليت لي قلبين وأحبه بكل قلبيني .
في المجلس
مها مارفعت عينها منزله راسها في الأرض
فارس رفع راس مها : مبرووك عليك فرووس .
مها مستحييه حدها وتضحك : الله يبارك فيك .
فارس وهو ماشال عينه عن مها : وش هالقمر اللي قاعد جنبي تهبلييين .
مها وهي منحرجه : تسلم .
فارس : مبسوط يا مها حاس أني أحلم للحين موب مستوعب خلاص مافي حواجز بيني وبينك
مها قلبها يدق بسسسسسرعه .
فارس حط يده في يد مها وقرب من أذنها وبصوت أشبه للهمس : أحبـــــــــــــــــــــــــــــــــــــــــــك .
مها سآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآحت .

فارس : أحم يعني ماراح أسمعها منك ؟
مها منحرجه : وأنا بعــــــــــــد
فارس : وأنتي بعد وشو ؟
مها : أحبـــــــــــــــــك .
وطوووووط << هههههههه شفره
الساعه صارت 10 ونص وصاروا الناس يتعشون
بعدها بشوي سارة تعذرت لنهى أنها بتروح البيت
سارة : تهبل مها الله يحفظها وحتى المعرس ماشاء الله وسيم .
نهى : أجلسي سوسو .
سارة : لازم أروح غلاتؤؤ باي
نهى وصلت سارة لبرا وإلا بطلعة عبد العزيز من المقلط
عبد العزيز يبي يستوعب اللي قدامه نهى موب قادر فعلا ً كان شكلها روووعه ومتغيره , أخونا في الله عبد العزيز دااااخ ونهى حست بإحراج ومن غير كلام ركضت لدااخل زين ما أنكسر كعبها وقلبها دق بسرعه وعبد العزيز مييت ضحك على شكل نهى بس الرجاال صار خبر كاااان

البارت التآسع والعشرين

اليوم يوم حلوو يوم ولا أرووع وأخيرا ً فآرس خطب بنت عمه مها يعني بيشوفون بعض كل يوم
طبعا ً بعد الخطوبه رجعوا الأهل لويـــن ؟ للعزبه
الساعه 5 المغرب البنات في غرفتهم
نهى : مهوووي كيف كآن شعورك لما جلستي أنتي وفرووس مع بعض في المجلس .
جنى تناظر مها بنص عين : أكيييد كآنت في العلآآآآليييي .
غلآ : هههههههههه أسكتوااا ترآآهاااا ساااااحت
حلى : ههههههههههههههه أستحوا على وجيهكم البنت صار وجهها أحمر .
البنات : مهووي يلا قوولي وش كآن شعورك ؟
مها وهي تبتسم : ماأقدر أوصف لكم شعوري .
كل وحده من البنات حاطه يدها على خدها : قوولي .
مها : أول مره أحس إني منحرجه من فارس وماحطيت عيني في عينه , كآنت طول الوقت في الأرض
نهى تستهبل : يعني مسوويه فيها مستحييه
البنات : ههههههههههههه
مها تناظر نهى بنص عين : مآآلت علييك زين بكره بنشوف وش بتسوين لا أنخطبتي ؟
نهى والإستهبال شغال عندها : عآدي وإذا مارفع رآسي أنا برفع رااسه هههههههههههه .
البنات : هههههههههههههههههههههههههه ليكون شنننب أنتي وراسك .
نهى : هههههههههه مالت عليكم وش شايفيني واحد معضل ترآ أستهبل لأحد يصدق
جنى وهي ميته ضحك : أصلا ً وش هالبنت اللي ما تستحي ؟
نهى تتدلع : ممدريي !
البنات فالينها ضحك وإستهبال
خلونا نشووف مود الشباب .
نواف يستهبل : يآمعيريس عين الله ترآك القمر والنجوم حنا طبعا ً تمشي ورآآك
وطلال يكمل الأغنيه : ويتغنى القمر والنجووم ترد عليه
عبد العزيز وقف : وخروا شوي خلوني أصور المعرس .
الوليد : ههههههههههههه فرقه ما يحتاج فروس تجيب لعرسك شباب يطقون << الفرقه جاهزه .
فارس : هههههههههههههه , عقبال ما نفرح فيكم , وبعدين أنا فتحت لكم باب محد نآوي يخطب .
كل واحد صار ينآظر في الثاني
فارس يضحك : والله ياريت لو تخطبون في ليله وحده وتريحونا .
طلال : هههههههههه الناس بيقولون وش هالمصااريع .
نواف : ياشيخ والله يصكونا بعين يسدحوونا .
عبد العزيز : خلاص بنسوي زي طآبور الصبآح على أثنين , أثنين .
الشباب : هههههههههههههه .
خلونا نروح لأم فآرس وأبو فآرس
أبو فارس : تصدقين يا أم فآرس مبسووط حيل , يعني بفرح بولدي الكبير وبشوفه معرس قريب إن شاء الله وأشوف عياله
أم فارس : الحمدلله يا أبو فارس والله يطول بعمرك إن شاء الله وتشيل عياله .
أبو فارس : آآآمين يا الغآلية , وعقبال جنى ونواف إن شاء الله
أم فارس : آآآمين يآرب الله يبلغنا فيهم .
في غرفة الجد والجدة
الجد : هاه يا أم محمد كيف كانت الخطوبه
الجدة : والله تجنن وأنبسطنآ كثير .
الجد : والناس
الجدة : والله الناس ماغير يذكرون أسم الله على مها طالعه تهببل الله يحفظها .
الجد مبسوط : الحمدلله , الله يهنيم ويسعدهم يارب .
الجدة : اللهم , آآآمين وعقبال باقي البنات والعيال .
الجد : آآمين .

نرجع فوق وتحديدا ً غرفة أبو الوليد وأم الوليد
أبو الوليد : الحمدلله يارب , تطمنت على بنتي .
أم الوليد بإبتسامة : الله يوفقهم ويسعدهم ويهنيهم ونفرح إن شاء الله باالوليد وطلال .
أبو الوليد : آآآمين يارب .

نرجع للبنات
البنات جالسين يسولفون ويتكلمون عن الخطوبه ودق جوال غلآ
غلا تنآظر الرقم
البنات : وش فيك , ردي
غلا تعقد حواجبها : رقم غريب ؟ !
حلى : ردي طيب يمكن وحده من البنات اللي معنا في الجامعه .
غلا ردت : آلو
المتصـل : ..................
غلا : آلو مين معي ؟
المتصل : ........
غلا بدت تعصب : ياللي متصلين بتردون ولا كيف
والمتصل للحين سآكت
غلا قفلت الخط .
نهى بإستغراب : ميين ؟
غلا : وهم ردوا عشان أعرف مين
مها : أنتي متأكده إنك ما عطيتي أحد رقمك ؟
غلا : لا
رن جوال غلا مره ثانية .
جنى : ردي غلا
غلآ : مآبي أرد
حلى : غلآ وش فيك ردي طيب
غلا بدت تقفل معها : يوووه زين سندرتوني
غلا : لو سمحتوا ردوا ولا لآ عاد تتصلون على هالرقم .
المتصل : كيفك غلا
غلا وبدت ترتجف : أنت وش عرفك في أسمي .
المتصل : مآ عرفتيني
غلا بإستغراب : أنت منو أصلا ً ومن وين جبت رقمي
المتصل : هدي أنا ماني متصل عشان أزعجك , أنا أبي أقولك كلمتين وأقفل
غلا : أنت مين ؟
المتصل : ............
غلا : تكلم يا أخي أنت ميين ؟
المتصل : أنا رآكان يا غلا .
غلا وقفت على حيلها وبعصبيه واضحه في صوتها : راكاااان
البنات : وشوووو , ونهى توترت أعصابها
غلا بدت تصرخ : ولك عيين تتصل عقب اللي صار , ولد عمي بغى يموت بسببك ومتصل , بس صدق اللي قآل شين وقواي عين .
راكان : تكفين غلا أسمعيني
غلا : مابي أسمع منك ولا شي يكفي ما جاني منك , ابتعد عني يابن الناس .
راكان بحزن : غلا أرجوك أسمعيني , أنا تغيرت ماني راكان اللي خبرك , أنا صرت ملتزم دينيا ً أنا تغيرت يا غلا وربي تغيرت كل شي فيني تغير .

غلا بدت تهدى وصارت تاخذ نفس وكأنها بدت ترتاح لكلام راكان : أجل ليه داق علي ؟
راكان : غلا طلبتك ولا ترديني وأنا متأكد أنك ماراح ترديني بإذن الله , أبي أعتذر لنواف والله ودي أشوفه وأظمه حييل ودي ترجع علاقتي فيه زي قبل وأحسن وطلبتك يا غلا إذا تعزين نواف وتحبينه , إنك تساعديني عشان أشوفه . ومستعد أجي العزبه .
غلا وبدت تحس بإحراج من راكان : راكان أنت صدق تغيرت ولا هذا كلام .
راكان : والله العظيم يا غلا واللي خلقك إني تغيرت وعلى وجه زواج لقيت لي بنت حلال , أنا ما أبي أحد يدعي علي أبيكم تدعولي وتذكروني بالخير أدري أني غلطت وكنت راح أكون سبب في موت ولد عمك في يوم من الأيام لو لا رحمة الله بس خير الخطائين التوابين .
غلا : طيب يا راكان راح أساعدك بس بشرط بعد ما تصفى النوايا مابيك تدق على رقمي
راكان : أوعدك إني أمسحه بعد ولا عاد تشوفين هالرقم مره ثانية .
غلا : طيب متى بتجي
راكان : الوعد بكره إن شاء الله , اليوم ما أقدر أجي .
غلا : طيب أنا راح أكلم نواف , والباقي عليك .
راكان بسعاده : مشكوره يا غلا والله أنك بنت أصول وما تقصرين فيك الخير , وأحس بسعاده ما يعلم فيها إلا الله , وأفهم من كلامك أنك مسامحتني
غلا وكلنا نعرف إن قلبها أبيض ونظيف : سآمحتك
راكان : أبيك تقولين إنك مسامحتني دنيآ وآخره .
غلا : مسآمحتك دنيآ وآخره .
راكان : أجل أنا أخليك , مع السلامة .
غلا : مع السلامة .
البنات : وش يبي راكان داق عليك ؟
غلا وهي تتكلم براحه : راكان تغير ويحلف لي أنه تغير ومتصل عشان يعتذر مني ويبيني أكلم نواف عشان يقابله .
نهى وموب مرتاحه : وأنتي يعني قال لك كذا خلاص يعني صدقتيه !
مها : نهى صادقه يا غلا يعني ما كفآك اللي جاك منه , ونواف اللي بغى يروح منك في غمضة عين .
غلا : أنا أول مره أحس أني أكلم راكان وأنا مرتاحه وما أحس بخوف , أنا أحس إن هالمره صدق رآكان تغير صآر إنسآن ثاني .
حلى : ومتى بيقابل نواف
غلا : بكره إن شاء الله .
نهى : ياريتك لو مارديتي كان أحسن
جنى : يا بنات أذكروا الله وش فيكم الجو متكهرب , بكره يجي راكان ويبين الصادق من الكذاب , وخلاص عاد فضوها سيره .
الشباب نزلوا تحت يلعبون بليارد
فارس : شباب عن أذنكم شوي .
طلال يغمز لفارس : شكله بيكلم الحُب .
عبد العزيز : طبعـــــا ً لازم يسمع الصووت هههههههههه .
نواف : أحسدوا أخوي بعد
الوليد : ياحبكم للقافه تلآيطوا .
فارس وهو يتمشى في الحديقة : هلا والله
مها مبسوطه : هلا فروس .
فارس مبسوط : يآعيني ع الدلع .
مها طبعا ً بضحكه كلها غنج : ههههههه
فارس : لبى هالضحكه ورآعيتها .
مها : وش تسوي ؟
فارس : والله أنا والشباب برا في غرفة البليارد .
فارس : حبيبي أبي أشوفك بعدين أووك .
مها بدلع : لاااا .
فارس مستغرب : ليه قلبوو .
مها : كذاا عشان أوحشك .
فارس يضحك : أنتي توحشيني كل دقيقه وكل ثانيه .
مها : أممم وبعد
فارس : وأحبـــــك بعد .
مها وجها صار علبة ألوان
فارس يضحك : طيب حبيبتي أنا أخليك اللحين .
مها : طيب .
وقفل فارس من مها , ومها كانت مبسوووطه ودخلت الغرفة عند البنات تغني ][ حبيب الحب , يا الحب وحبيبي نفس روحي بعد عمري وحآلي ][
جنى تستهبل : بنااات عندنا محمد عبده هنآ ؟
البنات : ههههههههههههههههه
نهى : أسكتوا عنها تراها دااخله جو
مها : شي طبيعي أدخل جو لأني كلمت فروس حبيبي .
البنات يستهبلون : أدلع يا كايدهم , أدلع يا كايدهم عطهم درس بعيونك .
البنات جلسوا يشوفون فلم وطبعا ً كيسة الجوكليت شغاله .
نهى كانت تفكر بعبد العزيز
نهى بينها وبين نفسها : مافي إلا أرسل له رساله .

الرسالة :- أشتاق لك لو غبت عني دقيقة * حتى ولو لحظات أنا لك حيل أشتاق . حارت بك بيوت القصيد الرقيقة * وشلون توصف لك على بيض الأوراق . بنات فكري علمتك الحقيقة * مافي أحد غيرك سكن وسط الأعماق . كن الليالي علمتك الطريقة * وشلون تجذب قلب صارت له أشواق . ][ وياريت لو تدققون بداية حروف القصيدة اللي أرسلتها نهى لعبد العزيز تكون كلمة [ .... ] ][ . عبد العزيز كان جواله فوق . غلا : جنى كلمي نواف قولي له إني أبي أكلمه . جنى : تكرم عينييك . جنى تدق على نواف نواف : هلا بخيتي . جنى : كيفك خيوو ؟ نواف : بخير , وش فيك جنو ؟ جنى ممكن دقايق بس : نواف مستغرب طيب . جنى عطت غلا الجوال , وغلا طلعت برا . غلا : آلو نواف مستغرب من شوي جنى مين صوته ! : آلو مين معي ؟ غلا : بنت عمك غلا نواف تلخبط ومبسوط وموب عارف وش يسوي طلع برا : هلا , هلا غلا كيفك ؟ غلا : الحمدلله بخير , أنت كيفك ؟ نواف : دامي سمعت هالصوت أكيد بخير . غلا تبتسم : جعله مديم يارب . نواف : ويآآك . غلا بإحراج : تسلم . نواف : آمريني غلا : ما يآمر عليك ظالم , نواف بكره في ناس يبون يشوفونك ووصوني أقو لك . نواف بإستغراب واضح في صوته : نآآآس , ومين هالناس أعرفهم ! غلا : إيه وما أقدر أوضح لك أكثر . نواف : طيب . غلا : أنا أخليك نواف : أحم امم وين بتسكرين غلا : ههههه يعني مطول تبي تسولف نواف يستهبل : والله ياريت غلا : نواااااااااااف خلاص سكر . نواف مايبي يسكر : طيب مع السلامه , سكري أنتي . غلا قفلت الخط وتضحك على إستهبال نواف نواف يضرب راسه بالجوال ع الخفيف : يالبىىىى هالصووت يا نااااس . دخل نواف عند الشباب فارس يستهبل : يقولون في ناس يكلموون من ورانا عبد العزيز يناظر نواف : تو الناس أنت وراسك نواف : اللحين تأخرت وبعدين أخت تكلم أخوها فيها شي هاذي . الوليد : تعال أفلقني إذا كنت تكلم أختك . نواف يستهبل : داايم تفكيركم شييين , إن بعض الظن ِ إثم . عبد العزيز : أنا بروح أجيب جوالي في أحد يبي شي طلال : جيب لاب توبي معك . عبد العزيز : طيب راح عبد العزيز فوق وأخذ الاب , وشاف جواله رساله عبد العزيز مستغرب : رساله من مين ؟ فتح عبد العزيز صندوق الوارد وفتح الرساله , قلبه صار يدق بسسرعه لما شاف أسم نهى عبد العزيز يبتسم : يعني يهمها وجودي في حياتها أرسل رساله لنهى يعني يهمك سؤالي عنك . وصلت الرساله لنهى اللي كانت طول الوقت تنتظر رساله من عبد العزيز وفتحتها بسرعه وقرت الرساله وطيرت حاجب , وأرسلت له أكييد يهمني ! عبد العزيز شااق فييسه من الونااسه وأرسل لها تطمن وأرقدوآمن.. وخلك واثق وضامن.. مكانك بالحشا آمن.. ‏«وصعبه يسكنـــهثاني» أبحفظ حبك بصدري.. لاأخر يوم في عمري.. وآآآهـ .~..آآآهـ لوتــــدري.. ‏« غرامك وين ودانـــي» ومن بعد هالرساله نهى ماردت أستحت من عبد العزيز أجوااء حلوه بين المحبين , ويازين المحبة النقيه النظيفة .

البارت { الثـلآثين من روآية غرق الغرقآن أكثـر ~ الأهل في مكانهم المعتآد في العزبة , والجو كآن رآآيق وحلوو , الساعه تقريبا ً 4 العصر . نهى كانت في الحديقه تتمرجح دقت على سارة سآرة : هلا والله نهووي . نهى تبتسم : هلا فيك سارونه كيفك ؟ سارة مبسوطة : بخير قلبوو أنتي كيفك ؟ نهى : أنا بخير الحمدلله . سارة : جعله مديم غلآتؤؤ . نهى : ويااك سووس . سارة : وش فيك نهوي حآسه إنك موب على بعضك ! نهى : مافيني شي بس ودي أسولف معك , أفض فض لك . سارة : أسمعك يآقلبي قولي وش فيك ؟ نهى : سوس وش معنآة الإنسان لما يرتاح لإنسان ثاني ؟ سارة : هاذي يبيلها سؤال , معنآته يحبه نهى : طيب وبعد ؟ سارة تضحك : هييي وشو اللي طيب وبعد ! وبعدين ليكوون تحبين نهووي . نهى : ولد عمتي يحبني سوس سارة تصرخ : يعني بشووفك عروس ويا وجهك ! نهى : وجع فقعتي طبلتي , للحين مآ صار شي هو أعترف لي وأنا مدري مرات أحس إني أرتاح له ومرات أحس إني أحبه , ومرات أحس إني ما أقدر أستغني عنه يعني شعور مختلط . سارة : نهووي هاذي كومة المشآعر كلها لها معنى واحد وهو إنك تحبين ولد عمتك . نهى : أخاف أتعمق في الشعور هذا . سارة : والله يآ نهووي القلب ما ينتظر منك إشارة عشان تقولين مدري أحبه ولا ما أحبه . نهى تستهبل : وش عندك صايره بنت عم المتنبي ؟ سارة : ههههههههههههههههههههه نهى : خلاص سوسو أنا بقفل اللحين أكلمك بعدين سارة تستهبل : طيييب يا جوليييت , أنتبهي لا يضيع منك روميو . نهى تضحك : ههههههه تتريقين مالت علييك أنقلعي . سارة : ههههههههههههههه يلا باي نهى : باي قلبوو . قفلت نهى من سارة وصارت تفكر بكلامها وبدت تحس أنها فعلا ً ما تقدر تتهرب من هالشعوور . عند الشباب فارس : شباب خلونا ننزل تحت نلعب بلي ستيشن عبد العزيز : قداام . الوليد : يلا شباب . طلال : يلا نواف . نواف : روحوا أنتوا مالي خلق . فارس : نواف وش فيك ؟ نواف : مافيني شي راسي مصدع وأبي أرتاح . الشباب : على راحتك . نروح للبنات مها : وين راحت نهوي ؟ غلا : مدري أختفت . جنى : يمكن تتمشى في الحديقة حلى : ما قالت دخلت نهى الغرفة عند البنات غلا : وين كنتي ؟ نهى : رحت المول مها : تستهبلين صح ؟ نهى : لا اتكلم من جد حلى تضرب نهى بالمخدة . نهى تستهبل : يعني وين بروح أتمشى تحت في الحديقة . جنى : وش عندهاا صايره شآعريه هالأيام مها : ليكون القلب يهوى من ورآنا . نهى : يووه أنا وين وأنتوا وين , إلا ما قلتوا لي وشو الجدول اليوم ؟ غلا تستهبل : تآريخ و رياضيات البنات : ههههههههههههههههه نهى : يا شييينه ذكرتيني بالسكوول . نرجع لغرفة الشباب ونواف اللي كان جالس في الغرفة لحاله نواف أخذ جواله ودق على جنى جنى : هلآ نواف نواف : هلا جنى . جنى : وش فيك نواف غلا قلبها أنقبض نواف : مافيني شي . جنى : أنت تعبان نواف : حآس نفسي مرهق وراسي مصدع . جنى : سلامتك يا الغآلي . نواف : الله يسلمك , امم جنى ابي اكلم غلا ممكن تعطينها الجوال شوي . جنى : طيب خيوو جنى تكلم غلا : نواف يبي يكلمك غلا خذت جوال جنى وطلعت برا غلا : هلا نواف نواف : كيفك غلا ؟ غلا بخوف : أنا بخير , أنت طمني عليك وش فيك تعبان نواف يضحك : وش فيك يا غلا هدي مافيني شي , بس مجرد صدااع وإرهاق , وبعدين يهمك إذا كنت تعبان ولا لأ غلا : طبعاً يهمني نواف : وأنتي بعد تهميني كثييير . غلا وجهها ألواان وسييييييين ولا كلمه نواف : طيب بغيت أسألك مين الشخص اللي يبي يقابلني تراني من أمس وأنا أفكر غلا : لا تتسرع يا نواف كل شي بوقته حلوو. نواف : يعني ماراح تقولين لي ؟ غلا : لا نواف : طيب , أنا أخليك غلا : ما يهون علي زعلك , بس ما أقدر أقول لك مع السلامة نواف : مع السلامة غلا دخلت عند البنات

البنات : وش عندكم أنتي ونوافووه ؟
غلا : نواف يبي يعرف مين اللي بيجي اليوم عشان يقابله
نهى : طيب كان قلتي له !
غلا : لا أنا أبي أعرف ردة فعله .
حلى : والله ما أقول إلا الله يستر .
جنى : إن شاء الله ما يصير إلا كل خير .
مها : إن شاء الله
نروح لغرفة الجد والجدة
الجد : أنا بطلع يا أم محمد بنروح أنا وعيالي لأبو راشد عازمنا على العشى .
الجدة : الله يحفظكم , بس ما قلت لي متى بتروحون ؟
الجد : بنروح بعد صلاة المغرب إن شاء الله .

نروح لغرفة أم حلى وأبو حلى
أم حلى : ليه عازمكم ؟
أبو حلى : والله مدري أبوي يقول عازم رجاجيل بعد .
أم حلى : طيب لا تتأخر .
أبو حلى يضحك : ليه ؟
أم حلى : وشو اللي ليه ؟
أبو حلى : أقصد ليه ما تبيني أتأخر ؟
أم حلى : يعني أبي أجلس أسولف معك , وبعدين ودي أطلع يا بو حلى من زمان ما طلعنا .
أبو حلى يبوس راس زوجته : أدري من زمان عن الطلعه , بس أبشري يا الغالية مالك إلا طيب خآطر
أم حلى : الله يرضى عليك دنيآ وآخره ويخليك لنا ولا يحرمنآ منك .
أبو حلى : ولا يحرمني منك ولا من بناتي .

نرجع للبنات
البنات جالسين يشوفون برنامج على قناة المرأة العربية
للفاشن والميك آب
مها : واااو يجنن , حلو الفستان .
غلا : ألوانه رووعه .
حلى : بسوي كذا لعرسك مهوي
نهى : يهبببل .
جنى : وهذا الموديل حلو بعد

نروح للشباب

الوليد : القعده موب حلوة من غير نوافوه
عبد العزيز : فروس وش فيه نوافوه ؟
فارس : والله مدري عنه سألته قدامكم وقال مصدع ويبي يرتاح يمكنه ضايق خلوه يرتاح شوي
طلال : طيب اللحين بيأذن قوموا خلونا نتوضأ
الشباب : يلا قاموا الشباب يتوضون عشان يصلون , أذن المغرب وبعد ما صلى الجد مع عياله وصى العيال ينتبهون للحريم .
الجد : يا عيال أنتبهوا لأهلكم أنا و العيال , معزومين على العشى عند أبو راشد , لا أوصيكم على بنات عمكم وجدتكم وحريم عمامكم .
الشباب : إن شاء الله يا جدي .
أبو فارس مستغرب : فارس وين نواف ؟
فارس : يبه نواف يقول راسه مصدع خليناه يريح شوي
الجد : فارس أكيد نواف مافيه شي ؟
فارس : والله مافيه شي أسألوا الشباب .
الجد : خلاص أجل توكلنا على الله .
طلعوا الرجاجيل والجد من العزبة وبقوا الشباب , والحريم , والبنات .
طلال : خلونا نطل على نواف
عبد العزيز : يلا خلونا نشوفه .
دخلوا الشباب وراحوا فوق عند نواف

نرجع للبنات
البنات للحين يشوفون التلفزيون , طبعا ً بعد ما خلصوا صلاة
دق جوال غلا
غلا : آلو
راكان : هلا غلا شلونك ؟
غلا : راكان .
راكان : إيه .
غلا : أنا بخير الحمدلله .
راكان : جعله مديم يارب .
غلا : تسلم وياك إن شاء الله
راكان : غلا أنا اللحين جاي للعزبه , أنا في السيارة صليت وركبت سيارتي على طول .
غلا صار قلبها يدق بسرعه من الخوف : اللحين وش أسوي يا راكان ؟
راكان يتوسل غلا : غلا الله يرحم لي والديك مابيك تتركيني في هالموقف أبيك تكونين معي أنا ونواف الله يخليك .
غلا : بسس يا راكان
راكان : تقفين يا غلا طلبتك لا ترديني .
غلا : إن شاء الله يا راكان
راكان : جزاك الله خير وعسى الله يجمعك بنواف قريب إن شاء الله , خلاص أنا بقفل اللحين وإذا وصلت للعزبه بكلمك .
غلا : طيب أنتظر إتصالك , فمان الله .
مها : شكله جاي
غلا : إيه في الطريق
نهى : الله يستر من ردت فعل نواف .
جنى : إن شاء الله ماراح يصير إلا كل خير وبعدين نواف أخوي وأعرفه زين قلبه أبيض ويسامح .
غلا : راكان طلب مني أكون معهم .
حلى بإستغراب : ليه ؟
غلا : لأني حسيت إن راكان بعد خايف من ردت فعل نواف .
نهى : كيف تجلسين معهم ؟
غلا تستهبل : بشعري وملابسي , بعد كيف بتستر كني بطلع لمكان بعبايتي وحالتي .
غلا : أسمعوا مابي أمي ولا جدتي ولا أي أحد يحس بالموضوع بس أنتوا سامعين , وبكلم نواف لا يدرون الشباب
البنات : طيب

عند الشباب
الشباب خذوا البلي ستيشن وجلسوا يلعبون تحدي
وأنواع الإستهبال والدجه وكان الوضع عادي وروقان .

وصل راكان للعزبة , ودق على غلا
غلا : ألو , هلا راكان
راكان : هلا غلا أنا وصلت واقف برا , بس باب العزبة مسكر .
غلا : في جرس برا للسواق , مجيد رن هالجرس ويرد عليك
قول له أنك صديق عيال عمي وبيدخلك وروح للخيمه .
راكان : طيب , لا تتأخرين يا غلا .
غلا : بس ألبس عبايتي وأجي
وقفل راكان من غلا
راكان رن الجرس وطلع له مجيد
مجيد : نعم بابا
راكان : أنا صديق فارس , نواف , عبد العزيز , طلال , الوليد .
مجيد فتح الباب : تفضل بابا أنا كلام بابا
راكان أرتبك : لا أنتا روح غرفة أنا في كلام بابا , هو كلام خلي مجيد يبطل الباب .
مجيد يهز راسه : أااا ودخل الغرفة , بعد ما تطمن راكان إن مجيد دخل راح للخيمة وجلس فيها .
البنات : طيب نبي نتطمن عليك غلوو
غلا : ليه الرجال بياكلني , مابي أحد يجي معاي , تبون تتطمنون علي طلوا من البلكونه عشان ترتاحون .
البنات : طيب

أنزلت غلا بسرعه من الدرج وصارت تركض والبنات يطلون عليها من البلكونه ولما وصلت صارت تاخذ نفس عشان تبين لراكان أنها هاااديه دخلت غلا داخل
غلا : السلام عليكم
راكان : وعليكم السلام ورحمة الله , كيفك غلا .
غلا أنصدمت بشكل راكان اللي أول كان ماشي ع الموضه بتسريحة شعره ولوكه في الملابس واللحين لابس ثوب وشماغ وطالعه له لحية مو كبيرة يعني بس متغير 180 درجة ولا رفع راسه وحط عينه في عينها
غلا : أنا بخير الحمدلله , ما شاء الله عليك تغيرت يا راكان
راكان : هذا من فضل الله الحمدلله , وأتمنى من نواف أنه يسامحني .
غلا : الله يصفي النوايا والقلوب , ع العموم أرتاح وأنا بروح أكلمه عشان يجي .
راكان : بإنتظاره
غلا طلعت من الخيمة ودقت على جنى
جنى : هلا غلا
غلا : أسمعي كلمي نواف قولي له تقولك غلا أنزل تحت من غير ما يحسون فيه الشباب أنتظره بسررعه .
جنى : طيب , طيب
جنى دقت على نواف
نواف : آلو هلا جنوو
جنى : أسمعني نواف غلا تبيك هي تحت في الحديقة بس تقولك أنزل لها من غير ما يحسون الباقين .
نواف متحمس : طيب , نواف قام من السرير
طلال : وين بتروح ؟
نواف : بروح لأمي ولا ممنوع , كملوا اللعب شويات وراجع لأحد ياخذ دوري .
الشباب مندمجين مع اللعب : طيب
نزل نواف بسرعه تحت وراح لغلا اللي كانت تنتظره نواف كان مستغرب ليه غلا لابسه العبايه والطرحه وكأنها متوتره وموب على بعضها .
نواف بإستغراب : غلا وش فيك وليه لابسه عبايتك ؟ !!!
غلا سحبت يد نواف : تعال معي وتعرف
والبنات للحين واقفين ويطلون مع البلكونه وخايفين من ردت فعل نواف .
نواف دخل الخيمة أنصــــــــــــــــــــــــــــــــدممممم صدمة قووووووويــــــــــــــــــــــــــــــه .
نواف بعصبية : رااااااااااااااااااكــــــــــــــــاااااااااااااا ااااااااان
راكان حط عينه في عين نواف ولأول مره بعد الحادث يلتقون
راكان مد يده لنواف : السلام عليكم .
نواف مسك راكان من رقبته من عند الثوب : وبعد تسلم ولا وجاي برجولك هنآ يا الحقير يا الخسييس , جاي وبكل قوات عين عقب اللي سويته في غلا وفيني .
راكان ساااكت وخوفه في محله وترك نواف يبرد حرته على راحته ما قال ولا كلمه
غلا تبعد يد نواف عن رقبة راكان : نواف عييب موب كذا يستقبلون الضيف , ولا تنسى إن راكان صديقك .
نواف صار يصرخ : وتدافعين عنه بعد , عقب اللي سواه فيك , أي صديق اللي تتكلمين عنه هذا شيطان على هيئة بشر .
غلا : نواف الرجال جاي عشان يعتذر منك على كل اللي صار , تكلم يا راكان .
راكان وضاقت أنفاسه : يا نواف أنا أعترف أني تعديت حدودي وغلطت غلطه كبيرة وتوقعت إنك راح تقابلني بهالطريقة لكن أنا ماراح أطلع من هنآ إلا لما تسامحني يا نواف , راكان اللي قدامك مهب راكان اللي كنت تعرفه قبل أنا ربي هداني الحمدلله واللحين على وجه زواج , أنا جاي أقولك سامحني يا نواف سامحني على غلطه بدرت مني , سامحني ع الجروح اللي سببتها لك واللي للحين ما طابت .
نواف : أطلع برا مابي أشوفك قدامي
غلا تناظر نواف : نواف وش قاعد تقول , راكان متعني وجاي لك , سامحه يا نواف
نواف وحس أنه بينفجر : قلت لك أطلع برااااااااااا
غلا صارت قريبه من نواف : نواف أرجوووك , حرام اللي تسويه
نواف : شوف أنا للحين ماسك أعصابي قلت لك أطلع برا مابي أشوفك هنآ .
راكان حس بضييق ما يعلم فيه إلا الله : بطلع يا نواف , بس والله إني جاي عشان أتسامح منك وأوعدك ما عاد تشوفني مره ثانية .
طلع راكان اللي كان خاطره مكسور << بس لا تلومون نواف لأن موقوفه صعب وأول مره يشوف راكان من عقب الحادث ويمكن لو نواف زاره هو بالمستشفى كان الموقف بيكون أقل حده وحساسيه شوي .
غلا وبصوتها نبرة حزن : نواف ليه تسوي كذا , أنا ما توقعت إنك تعامله بهالصورة .
نواف بعصبية : يعني كيف تبيني أكلمه ألمه بالأحضان , تكلمي يا غلا .
نواف أحس أنه مخنوق وصار يفتح أزاريره
غلا بخوف : نواف وش فيك ؟
نواف : حااس إني مخنوووق , مخنوووووق
غلا : بسم الله عليك .
نواف طلع من الخيمة , وطلعت وراه غلا وراح لغرفة مجيد
أخذ منه مفتاح السيارة , لأنه مايبي يركب فوق عند الشباب وهو بهالحاله .
غلا شوي وبتصيح : نواف وين رايح ؟
نواف بحزن : بطلع بشم هوا أحس إني مخنووق يا غلا .
غلا : الله يخليك , قول لفارس يروح معك
نواف لف عشان يطلع من العزبة : ما بي أحد يروح معي
غلا مسكت يد نواف وصارت تبكي : تكفى نواف مانبي يصير لك زي ماصار ذيك المرة مانبي نخسرك تكفى كلم فارس يروح معك عشان خاطري .
نواف ترحم لحالة غلا اللي تترجاه : طيب , روحي فوق
غلا : اللحين كلمه قدامي عشان أروح
نواف يناظر غلا وصار يمسح دموعها وطلع جواله ودق على فارس

فارس : هاه نواف .
نواف : أنزل تحت بسرعه أبيك
فارس : خير وش صاير .
نواف : يووه يا فارس أنزل وخلاص
فارس مستغرب : طيب , طيب
غلا راحت فوق , ونزل فارس والشباب مستغربين وش فيه نواف
غلا دخلت الغرفة وهي متضايقة
البنات : وش فيك غلا وش صار
غلا : نواف طرد راكان , واللحين كان بيطلع لحاله
جنى بخوف : ليكون طلع لحاله ؟
غلا براحة : لا ما جيت فوق إلا لما خليته يكلم فارس عشان يطلع معه
البنات براحة : زين سويتي فيه .
نهى : أنا قلت هالليلة ماراح تعدي على خير .
نروح لنواف وفارس اللي كانوا يدورون بالسيارة وفارس اللي كان يسوق .
فارس : وش فيك يا نواف منت بعلى بعضك اليوم , صاير شي وأنا أخوك .
نواف : مخنووق وأبي أتنفس يا فارس
فارس : بسم الله عليك من الضيقة يا خوي
نواف بعد ما هدى شوي : خلنا نرجع للشباب
فارس بإبتسامة : إي هذا نواف اللي أعرفه
وبعد ساعه من الف لفه رجعوا فارس ونواف للعزبه وعطوا مجيد المفتاح وراحوا عند الشباب , اللي كانوا يتطمنون على نواف
أما فارس دق على مها
مها : هلا حبيبي .
فارس : مها أطلعي من الغرفة أبي أجلس معك شوي
مها : طيب
مها : بنات فارس يبيني أنا بروح أتطمن عليه .
البنات : أخذي راحتك .
مها طلعت ولقت فارس ينتظرها عند الدرج وراحوا للمقلط
فارس باس يد مها بحناان : وحشتيني .
مها ووجها صار أحمر : وأنت أكثر يا قلبي .
فارس باين على وجهه الضيقه .
مها ويدها في يد فارس : حبيبي وش فيك ضايق ؟
فارس : والله يا مها احترت مع نواف مدري وش فيه ضايق اليوم وأنا أحس إن فيه شي
مها وطبعا ً عارفه نواف وش فيه : معليه حبيبي يمكنه تعبان
فارس : يلا ما علينا , طمنيني عليك ؟
مها : أنا بخير دامك بخير
فارس : دامك بخير الحمدلله
مها : فروس روح تطمن على أخوك وبينا فون .
فارس وقف ووقفت معه مها وصارت عينه في عين مها وأنفاسه قريبه من أنفاسها : الله لا يحرمني منك ياروحي .
مها : ولا يحرمني منك يا الغالي
ركبوا فارس ومها فوق فارس دخل عند الشباب
ومها عند البنات والجو كان متعكر
وراكان اللي كان يبكي من الضيقه ويتذكر صديقه اللي فرطه من أيديه بسبب طيش

دخــل ..

رواية غرق الغرقان اكثر كامله - صفحة 4 Fjvmohwmlzsb

تشوفين الورده الحمراء
تراها شكلك بعيني..‏
وتراك أحلى بعد منها وأجمل يارياحيني..
وتراكي أغلى وأحب إنسان وأروع شخص يعنيني..
وأعذب من تبسم لي
وذابت له شراييني..
وأطهر قلب قابلته فديته وصار يفديني
رواية غرق الغرقان اكثر كامله - صفحة 4 CE_DP_Stealer

الأهل كالمعتاد في العزبة اليوم جمعة والأجواء حلووة
وباين إن الكل مرووق بس ماندري بعد هالهدوء راح
تسبقها العاصفة , ولا فعلا ً مروقين اليوم خلونا نشوف
أبطال روآيتنا وش يسوون

في الصالة
البنات جالسين مع الحريم ومع جدتهم
الجدة : إلا ماقلتوا لنا متى عرس مها وفارس إن شاء الله .
مها وجهها صار أحمر من الإحراج
نهى تساسر مها : أهم شي الشخصيتين المهمة اللي يتكلمون
عنهم .
مها فيها الضحكة : مالت عليك بروحي منحرجه
أم فارس : إن شاء الله هالإجازة ترى فارس مستعجل
أم الوليد : الله يوفق يا أم فارس ويتمم لهم على خير إن شاء الله .
الكل : آآآآمين
الجدة : عقبال بنياتنا , وعيالنا الباقين
أم حلى : آآآمين يمه .

خلونا نروح للرجاجيل اللي كانوا في المقلط .
الوليد يشآور أبوه يبي يشتري سيارة نيسان الجديدة
فارس : أهنييك صراحة إذا بتشتري نيسان الجديدة فخمة
عبد العزيز : أصلا ً النيسان معرووفة لها مميزات غير عن باقي السيارات
الوليد : إي والله صدقتوا , وش رايك يبه
أبو الوليد : والله مثل ماقالوا عيال عمك , النيسان سيارة جيدة وتتحمل المناطق الصحراوية الوعرة , وتعمر سنين ماهيب مثل هالسيارات السبورتيه على قولتكم اللي مطيحين فيها الشباب اللحين .
الجد : والله يا ابو الوليد , البلا ماهيب بهالسيارات , إلا البلا صار طيش وإستهتار في شباب هاليومين يجيك واحدن مسرع إلا ملبسك الخط السريع ضيعوا أنفسهم .
ابو حلى : أي والله صادق يبه أكثر الوفيات التي نسمع عنها بسبب الحوادث وكلهم شباب اللي 18 , واللي 19 , واللي 20 وفوق .
ابو فارس : الله يصلحهم هالشباب .
نواف : بس يبه موب كل الشباب كذا
ابو عبد العزيز : والأغلب كذا , الله يصلح جيل هالأيام والله يستر من الجيل الجاي

نروح للبنات فوق
جنى : بنات نبي نستانس .
غلا : وش نسوي ؟
مها : امم نتنكس وش رايكم ؟
حلى : نو نو
نهى : جاتني فكره جهنمييه ههههع
البنات متحمسين : وشو يلا قولي !!
نهى : الشباب وين ؟
البنات : مع الرجاجيل
نهى تضحك : تعالوا معي بسسرعة .
طلعوا البنات يراكضون ودخلوا غرفة فارس والوليد وعبد العزيز .
جنى : وش بتسوين يا مجنوونه ؟
غلا : ههههههههه والله أنتي مووب صاحية يا نهوي .
نهى تضحك : أسمعوا أحنا اللحين في غرفة فارس والوليد وعبد العزيز
نهى : مهوي أخذي موبايل فرووس وأي شي ثاني
مها خذت الفون وقلم فارس
نهى : يلا جنوو أخذي فون وليدووه وأي شي ثاني بسسرعة
جنى خذت الفون والكاب .
أما نهى خذت فون عبد العزيز وخذت الخيوط اللي عطته إياه إذا تذكرون .
طلعوا من الغرفة ودخلوا غرفة نواف وطلال .
نهى : يلا غلوو أخذي فون نوافوه
غلا خذت الفون وخذت الأي بود
نهى حلى يلا
حلى خذت فون طلال والاب
نهى : وش رايكم نعفس الفرش شوي
البنات يضحكون : أوكي , وعفسوا الفرش شوي
وطلعوا من غرفة نواف وطلال وعفسوا غرفة فارس والوليد وعبد العزيز , طلعوا البنات يركضوون رجعوا للغرفة حقتهم

حلى : نهووي أنتي مجنوونه تدرين وش سوينا ؟
نهى : اللي يسمعك اللحين يقول بايقين فلوس .
مها تضحك : ههههههههههههه أتخيل اشكالهم مصدومين ليه الغرف معفوسه كذا !
غلا : ههههع والله أكشن شوي خلونا ننبسط
جنى : والله يااا أنتي يا نهوووي لبىىى كللك .
نهى تستهبل : عشان تعرفون بس محد يونسكم غيري
حلى : والله يقول المثل مدااح نفسه
البنات يكملون : يبيله رفسه .
نهى تناظرهم بدلع : إلا يبيله بوسه على خده .
البنات : ههههههههههههه .

نرجع للشباب
الوليد : يلا شباب نروح فوق
نواف : لا تقول تحدي كورة
طلال : لااا هالمرة ورقة
فارس : يلا قوموا خلوني أكسسر روسكم .
عبد العزيز يناظر فارس : نشوف مين اللي يكسر راس الثاني
الجد : هههههههه يلا يا عيالي أنا بروح غرفتي ارتاح الكل طلع من المقلط والشباب ركبوا فوق , وكلهم دخلوا غرفة فارس والوليد وعبد العزيز , الشباب طبعاً مصدوومين وش فيها الغرفة كذا معفووسه وكل واحد يصار يدور جواله
فارس : وين جوالي والقلم بعد !
الوليد : وأنا بعد جوالي مختفي , وكنت حاط على الطاولة الكاب ؟؟؟؟؟؟
عبد العزيز صار يدور جواله : وأنا بعد جوالي ماهوب موجود هنا , والخيوط حقتي
نواف بإستغراب : بسم الله الرحمن الرحيم وين اختفت يعني ؟
فارس : مدري أغراضنا كلها هنآ
طلال : شباب تأكدوا ؟
عبد العزيز للحين مستغرب : طيب الجوالات والأغراض الثانية اختفت , بس أكيد في أحد داخل الغرفة شوفوا كيف الفرش معفووسة ما كانت كذا كانت مرتبة ؟؟!
نواف وطلال صاروا يناظرون بعض وراحوا الشباب لغرفة نواف وطلال يفتحون الباب بشويش خايفين ينصدمون , بس الصدمة باانت على وجيه الشباب كلهم , نفس الشي غرفة نواف وطلال معفوسه
طلال : جوااالي والاب حقي ؟؟ !
نواف : أووووووو جوالي والأي بود

في غرفة البنات
نهى : يحبوون يقلودنا كلهم بلاك بيري
مها تضحك : أكيد اللحين ركبوا ومالقوا أغراضهم !
غلا : وش رايكم نفتح الباب شوي , شوي ونطل
البنات نطوا : يلاااا
افتحوا البنات الباب , وصاروا فوق بعض يطلون شافوا غرفة فارس والوليد وعبد العزيز مفتوحة , وعقبها طلعوا الشباب من غرفة نواف وطلال , صاروا يسكرون الباب بشوويش عشان ما يشوفونهم
البنات : هههههههههههههههههههههههههههههههههههه يكسروون الخاااااطر . ههههههههههههه
عند الشباب
فارس : يعني بنسكت لازم نسأل الكل عن أغراضنا
طلال : ياخي شاك في الشغالات .
نواف : لا حرام لا تظلمهم لين ما نعرف وبعدين هم مسلمات ويخافون الله ياخي .
عبد العزيز : أنا مع نواف لا نظلمهم
وصل الخبر للكل إن جوالات الشباب ضايعه ومايدرون مين اللي أخذهم

فارس : يمه شوفي البنات سأليهم .
أم فارس : طيب يمه راحت ام فارس لغرفة البنات
ولقت التلفزيون شغال والبنات متسدحين تحت ومسوين نفسهم نايمين ومطفين لمبة ومخلين اللمبة الثانية تشتغل
أم فارس : حبايبي ناموا طلعت ام فارس المسكينة اللي صدقت إن البنات نايمين .
فارس : هاه يمه وش قالوا لك
أم فارس : والله البنات شكلهم خدرانين , شكلهم كانوا يناظرون فلم وناموا ع الأرض
فارس شك بالموضوع البنات ينامون هالوقت : طيب يمه خلاص روحي عند أبوي وأحنا بندور مرة ثانية
أم فارس : خلاص حبيبي إذا بغيت شي دق الباب
فارس : إن شاء الله يمه
نرجع للبنات
البنات مبسووطين ع الاكششن اللي يصير وفاااطسين ضحك وترحموا لام فارس اللي صدقت أنهم غااطين في سبات عمييق .
نرجع لشبابنا
نواف : هاه أمي سألت البنات ؟
فارس : أمي تقول إن البنات شكلهم كانوا يناظرون فلم وغطوا . بس أنا شاااك فيهم مدري ليه ؟
عبد العزيز : والله يسوونها
الوليد : إذا كانهم هم , أجل يبشروون بعزهم .
طلال : والحل عشان نكشفهم .
فارس : خلونا نطل مع الباب وكأن الباب مسكر يمكن يطلعون ولا شي
الشباب : طيب
نرجع للبنات << خلونا نشوف وش بيسوون ؟!
نهى : يلا بنات شدوا الهمة الخطة رقم 2 بننزل تحت في الخيمة
مها : وش بنسوي ؟
نهى : بنجمع أغراضهم في هالكيس ونخليها على المكتبة .
حلى : يلا تراني مرره متحممسه .
غلا : وأنا متحممسه أكثر منك .
جنى : وأنا متحمسه بس خايفة ننكشف .
نهى : لا إن شاء الله ماراح ننكشف
والشباب واقفين ينتظرون متى بيفتحون الباب وجاات اللحظه اللي أنكشفوا فيها
فتحوا البنات الباب شوي , شوي , شافوا مافي أحد ومايدرون أنهم مراقبين , نهى تأشر لهم يلا تعالوا , ونزلوا البنات تحت
ينزلون من الدرج بشوويش ويضحكون وطلعوا من داخل , والشباب وراهم وهم ما يدرون , دخلوا البنات الخيمة
وخلوا المفتاح برا , نسوا يقفلون الباب , والشباب جالسين ورى الخيمة
عبد العزيز : المجرمين , يعني هم اللي سارقين جوالاتنا
فارس يضحك : وش نسوي فيهم
نواف يستهبل : الحكم عليهم بالإعدام شنقا ً
الوليد : ههههههههههههه كيف يا فاالح ؟
طلال : جاتني فكرة قبل لا يطلعون القفل حق الباب برا خلونا نقفل عليهم الباب , الشباب قفلوا الباب على البنات بشوويش
عشان ما يحسون وجلسوا يتسمعون البنات وش يقولون ؟
البنات : حطينا أغراضهم يلا نطلع , البنات يفتحون الباب مقفول وش السالفة ؟
نهى : في أحد قافل الباب
البنات : لااا , وصاروا يحاولون بس مافي فايدة
نواف يناظر الشباب بخبث : الخطة الثانية , جااك الموت ياتارك الصــــــــلاة , وفصلوا الشباب الكهرب ع البنات
البنات : ااااااااااااااااااااااااااااااااااااااااااااااا يمممممممممممممااااااا . << ههههههه كما تُدين تُدان
وكل وحده لامه الثانية وخايفين وشوي ويصيحون
نهى فيها الصيحه : هذا وقته يفصل الكهرب , البنات ميتين من الخوف والشباب برا فاقعينها ضحك
نواف : شباب بنهبل فيهم زياااده أنابدخل داخل عندهم في الظلمة وبسحب فيهم
الشباب : ههههههههههههه عليك أفكاار اووكي
فتح نواف باب الخيمة بشويش ودخل عندهم وصار يسحب
بملابس نهى , هو مايدري مين هاذي بس يبي يهبل فيهم
نهى تتلفت في الظلمة : وجع مين اللي تسحب ملابسي
البنات : هذا وقته أنتي ووجهك تنكتين .
بعدها سحب ملابس جنى
جنى فيها الصيحة : بنات عاااد عن الإستهبال لا تسحبوون ملابسي
مها تبلع ريقها : بناااات شكله جني هذا اااااااااااااااااااااااااااااااااا
البنات صاروا يصرخون , وحتى في الظلمة ربي جمع نواف بغلا , غلا ضمت نواف بسم الله الرحمن الرحيم , بس غلا استغربت محد من البنات جسمها كذا , نوااف مييت ضحك في نفسه , وكل ما بعدت غلا جرها نواف
غلا تصرخ : بناااااااااااااات حرااااااااااااااااااااميييي
البنات : ااااااااااااااااااااااااااااااااااااااااااااااا
غلا شردت من عند نواف , والبنات ماغير يصارخون , واللي صقعت , واللي قامت توسوس إن في جني , واللي تحسب في حرامي , يعني أدبوووهم الشباااب عدلللل .
شغلوا الشباب اللمبة وأنصدموا بنواف واقف قدامهم ونواف ميييت من الضحك على أشكالهم
البنات : نوافووووووووووووه
دخلوا الشباب داخل الخيمة
البنات : أوووو أووووووووووووووووووووو
جنى تناظر البنات : قلت لكم راح ننكشف

البنات صاروا يركضون طلعوا من الخيمة بس الشباب مارحموهم ورااهم
ونواف اللي كان يلحق غلا
نواف : صرصوووور على شعرك
غلا بععد سمعت صرصوور : صارت تناقز في مكانها , ونوااف ويلعوزها
غلا : نواااااااااااااااااااااااااااااااااااااااااااااااا اااااف , غلا من الخوف صاحت شوي , ونواف يمسح دموع غلا وهو فاااطس ضحك
غلا تضرب صدر نواف
نشوف الباقين
فارس يلحق مها وأخيراً مسكها وشالها صار راسها تحت وهي تضرب ظهر فارس
فارس : أجل ماخذين جوالاتنا وأغراضنا
مها تصرخ : فاااارس لااااااااااا نزلني
فارس : وهو يضحك مااافيه
والوليد عذب جنى بالمويه حقت الزرع غرقها بالمويه
جنى تتوسل الوليد : لاااااااا بللليييز والله ماعاد نعيدها
عبد العزيز يتحلف في نهى : أوريك يا نهووي يا الراس المدبر .
نهى تطلع لسانها لعبد العزيز : ما تقدر علي أنا بنت نصووري .
بعد التعذيب اللي شافوه البنات اليوم من الشباب ركبوا فوق وضحكهم واصل لتحت , والشباب خذوا أغراضهم وركبوا ومبسووطين ع التعذيب اللي ذووقوه البنات
ماعدا فارس ومها اللي جالسي بالحديقة
مها بدلع : خربت شعري وحالتي حاله
فارس وهو ضام مها : شكلك عاجبني وحلوو .
مها : أحبـــــك
فارس : وأنا أمووت فيــــــــــــــــــك .
وبعد هالأجواء الرومانسيه الحلووه ركبوا فارس ومها فوق
عند البنات
جنى : زين كذا سويتي فينا الله يقطع خططك يا شييخه .
نهى وهي فاطسه ضحك : بس بالذممه موب روووعه
مها : والله أنبسطنا سوينا شي أكششن
غلا : ههههههههههههه كله كوووم والظلمة كوووم .
حلى وهي تضحك : الله يقطع بليس نوافوه أثاريه هو اللي يسحب ملابسنا .
نروح للشباب
فارس يضحك : صايرين عصاابه اليوم .
عبد العزيز : والله أنبسطنا
الوليد : شباب أبي أقول لكم شي مهم .
الشباب : وشو قوول
الوليد : الصراحة ناوي أخطب
الشباب : من جدك ولا تمزح
الوليد : هههههههههه لا من جدي والله
نواف يناظر الشباب : دام الوليد بيخطب أنا بخطب بعد
الشباب : نواافوه أحلف
نواف : والله من جدي , بخطب غلا بنت عمي ناصر
الشباب : وش عننده هههههههههههههه
الشباب : الوليد مين إن شاء الله ؟
الوليد يناظر فارس ونواف : والله إذا ما عندكم مانع طاالب القرب أبي أخطب جنى أختكم .
الشباب كانوا مبسوووطين كثيير بهالأخباار
عبد العزيز : حلووو خلاص أجل خلوا خطوبتكم في ليلة وحدة وعشى عائلي , وبعدكم إن شاء الله أنا وطلوول
فارس مبسوووط : يا عيني يا عيني , الظاهر سرقة الجوالات جابت نتيجة معكم عشاان تتحركون
الشباب : هههههههههههههههههههههههههههههههههه
بعد هالجو الحلو والمناقشات الجادة عن الخطوبة
الوليد طلع برا ودق على جنى
جنى وقلبها يدق : هلا الوليد
الوليد : هلا ياقلبي , كيفك ؟
جنى : أنا بخير دامك بخير
الوليد : جعله مديم يارب
جنى : ....................
الوليد : جنوو حبيبتي بكرة إن شاء الله في أخبار حلوة تسر
جنى ماطرى في بالها إن الوليد معزم يبي يخطبها : وشو
الوليد : اممم ماراح أقولك بكرة تعرفين
جنى بدلع : اممم طييب
الوليد : أنا أخليك اللحين , أنتبهي لنفسك .
جنى بإبتسامة : طيب , بااي
مها : وش عنده خيي ؟
جنى : يقوول بكرة في أخبار حلووووة
نهى : وشووو الاخبار الحلووة نبي نفررح
جنى : والله ماقال لي بس إن شاء الله خييير .
البنات : إن شاء الله .
أنتهى البارت أتمنى يكون عجبكم
والله يتمم لنواف والوليد على خيير
دمتوا بخير وسعآدة { إحسآس دوسرية } رواية غرق الغرقان اكثر كامله - صفحة 4 Paint

رواية غرق الغرقان اكثر كامله - صفحة 4 Paint

م خـرج ..
وأغلا من عرف قلبي
وكتبته في دواويني..
‏وأنقى نسمه هبت تحرك ساكن سنيني..
وأعظم شوق قابلني
رضيته وصار يرضيني..
وأقوى من تملكني وأخذ يصافح يديني

رواية غرق الغرقان اكثر كامله - صفحة 4 9upb0508rd7z

رواية غرق الغرقان اكثر كامله - صفحة 4 9upb0508rd7z

مــد خ ل
إيآك تلحقني ,‘ مخطوبه , مخطوبه
بن عمي يعشقني والغيره أسلوبـهـ
هو اللي في قلبي كل دنيتي و حبي
وعيني بس تشوفه وأنا له مكتوبه
رواية غرق الغرقان اكثر كامله - صفحة 4 9upb0508rd7z

البارت { 32 }
الأهل موجودين في العزبة وللحين العطلة حلووة والأحداث
اليوم أكييد أحلى وأحلى وخلونا نروح لـ { الصبايآ }

حلى : بنات وش رايكم اليوم ندخل المطبخ نسوي حلى ونجهز القهوة والشآهي , يعني نسوي أي شي ؟
غلا : وش عندها , مطبخ منال العالم هههههههههه .
جنى : بنت عمي مره سننعه ماهوب أنتي وياها
نهى : قلبتي علينا اللحين أنتي ووجهك , وبعدين حلى شكلها تبي تعرس عشان كذا تبي تبدع اليوم .
مها تضحك : ههههههههه المعرس موجود
حلى تناظرهم بنص عين : اللحين بتقومون ولا وش السالفة ؟
البنات : بنقوم يلا .
رن جوال غلا , وغلا عرفت الرقم .
البنات : يلا غلوو
غلا : بنات أنتوا سبقوني
البنات : أووكي .
غلا عادت الرقم
راكان وباين على صوته التعب : آلو السلام عليكم
غلا : وعليكم السلام هلا راكان .
راكان : كيفك غلا إن شاءالله بخير .
غلا : أنا بخير الحمدلله , راكان وش فيك أنت تعبان
راكان بحزن : أنا مرقد في المستشفى
غلا بصدمة : ليه وش فيك يا راكان عسى ما شر ؟؟
راكان : والله يا غلا من بعد ما طردني نواف من العزبة وأنا حالتي النفسية متدهوره وما أنام الليل , أبي أرتاح يا غلا عشان أطلع من هالمستشفى , ضغطي دايم منخفض .
غلا وعينها متغارقه بالدموع على حال راكان : خطاك الشر ياخوي , يعلم الله إني كنت أتمنى إن نواف يستقبلك إستقبال أحسن من كذا ويجلس يتفاهم معك لكن شفت بنفسك وش صار أنا نفسي أنصدمت .
راكان : أمنتك الله يا غلا إنك تقولين لنواف إني بالمستشفى قولي له يرضى عني عشان أرتاح أنا تعبان حيل , حيل يا غلا قولي له أخاف أموت وأنا ما شفته , أخاف أموت وصديق عمري زعلان مني وشايل بقلبه علي تكفين يا غلا .
غلا بضيق : من عيوني يا راكان بس أنت أهدا شوي وريح نفسك وإن شاء الله بجلس أتفاهم مع نواف , لا تحاتي أترك الموضوع هذا علي وإن شاء الله ماراح يصير إلا كل خير وترجعون أنت ونواف زي قبل وأحسن .
راكان وكأن ردت له الروح شوي من كلام غلا : ما تقصرين يا غلا فيك الخير , لو وحده ثانية مكانك على كل اللي سويته فيها ما سامحتني وما عطتني مجال أعتذر من الأساس .
غلا بإبتسامة : لا تقول كذا يا راكان من يوم ما أعتذرت مني وقلت لي أنك تغيرت وأنا أعتبرك مثل أخوي واللي فات , فات وأحنا عيال اليوم والمسامح كرييم يا راكان .
راكان : جزاك الله ألف خير يا غلا والله معروفك هذا ماراح أنساه طول عمري , وأنا أخليك اللحين لأن الدكتور بيجي بعد شوي يقيس لي الضغط .
غلا : خلاص أجل ما تشوف شر مرة ثانية
راكان : الشر ما يجيك يا الغالية , في حفظ الله
غلا : مع السلامة
خلونا نشوف { الشباب }
فارس : متى ناوين تكلمون جدي وأهلكم ؟
الوليد : اليوم إن شاء الله .
نواف : أحسن حل نقول لجدي السالفة وبعدين يجمع أبوي وأمي , وعمي .
عبد العزيز : أهنيك ع الفكرة حلووة .
طلال : أحسن عشان تخلصون مره وحده , وعقبالنا أنا وعزوز .
الشباب : آآآمين .
نروح لغرفة { أم حلى وأبو حلى }
أبو حلى : الله لا يهينتس يا أم حلى سوي لي شاهي
أم حلى : من عيوني يا الغالي .
أبو حلى بإبتسامة عذبه : تسلم لي عيونتس .
نزلت أم حلى تحت ودخلت المطبخ لقت البنات شغالين
اللي تسوي كيك واللي تسوي قهوة واللي تسوي شاهي واللي يسوون فطاير
أم حلى : يا عيني يا عيني على بناتنا , والله حريم ماشاء الله
عااد البنات متشققين حححدهم
نهى وفي خشمها آثار الطحين : ماميتا وش رايك فينا اليوم صايرين حريم على غفلة خطط بنتك حلى
أم حلى تضحك على نهى وتمسح الطحين اللي في خشمها والبنات فاطسين ضحك على شكل نهى
أم حلى : أما أنتي يا نهى شكلك بدعتي على هالطحين اللي في خشمك .
نهى : عشان تعرفين بس إن بنتك أشتغلت بذمه وضمير .
أم حلى : هههههههههههههه , الله يعطيكم العآآفية كلكم , وعقبال ما تسوون لنا كيك وفطاير في بيوتكم ويلا كملوا شغلكم وإذا خلصتوا نادونا عشان نذوق اللي مسوينه .
حلى تستهبل : آفا عليك يمه وإذا عجزانين تنزلون ترى في خدمة توصيل منازل .
أم حلى تضحك على البنات وبعد ماسوت الشاهي طلعت من المطبخ
حلى : غلوو جيبي الحليب .
غلا كانت سرحانه وتفكر شلون تقنع نواف إنه يزور راكان
حلى بإستغراب : غلا حبيبتي وش فيك ؟
مها : غلا تعبانه فيك شي ؟
غلا جلست على الطاولة : مافيني شي , بس متضايقة شوي .
نهى جلست جنب غلا وباست خدها : آفااا وأنا بنت ناصر , مين زعلك فينا مين ضايقك ؟
جنى : بسم الله على قلبك من الضيقه يا غلا .
غلا بحزن : بنات راكان كلمني , وهو في المستشفى مرقد ضغطه دايم منخفض ويقول من يوم ما طرده نواف وهو تعبان نفسيا ً .
نهى : غلوي من جدك ولا تمزحين , راكان مرقد في المستشفى ؟؟
غلا تناظر نهى : هذا وقت مزح اللحين يا نهى .
جنى : حرام والله , الله يشفيه إن شاء الله .
مها: حرام لازم نواف يعرف إن راكان تعبان .
حلى : بس نواف معصب من راكان أصلا ً ماراح يعطيك فرصه إنك تكلمينه عن هالموضوع .
غلا : وهذا اللي أنا خايفه منه , إنه ما يعطيني فرصه أتناقش معه في هالموضوع .
نهى : والحل ؟
غلا : أنا راح أكلمه, وغصب عنه لازم يسمعني للنهايه , راكان أمني أوصل له خبر أنه في المستشفى .
نرجع للشباب
الوليد : أنا ونواف بننزل نكلم جدي
عبد العزيز : يلا وش تنتظرون ؟
فارس : الله يوفقكم إن شاءالله ويتمم لكم على خير .
طلال : ونسمع أخبار حلووة .
الوليد ونواف : إن شاءالله .
نزلوا الوليد ونواف تحت وراحوا لغرفة جدهم
الجد : هلا بعيالي
الوليد ونواف باسوا يد وراس جدهم
الجد : خير يا عيالي ؟
الوليد : الخير بوجهك يا جدي بس بغينا نجلس معك شوي ودنا نكلمك أنا ونواف في موضوع .
الجد دام كذا أجل تعالوا نروح للمقلط , وراحوا الجد والوليد ونواف للمقلط .
الجد : والله قلبي يقول إن في أخبار تسر إن شاء الله
الوليد يبتسم : هي تسر يا جدي وتدري أنت كبير العايله وأنت الخير والبركة عشان كذا جينا نكلمك .
الجد يناظر نواف : خير يا نواف وش عندكم ؟
نواف يناظر الوليد : والله ياجدي من غير لف ودوران أنا والوليد قررنا نخطب , وجيناك عشان تجمع أمي وأبوي وعمي أبو الوليد ومرته عشان نتناقش في الموضوع .
الجد يضحك : شكلي بشتغل لكم خطابه .
الوليد ونواف : ضحكوا غغصب هههههههههههههههههه محشووم يا جدي بس أنت كبير العايلة الله يطول لنا بعمرك .
الجد يضحك : ترى أمزح معكم , وهاذي والله الساعة المباركة ودنا نفرح فيكم كلكم ونشوف عيالكم إن شاء الله .
الوليد نواف : إن شاء الله
الجد يناظر الوليد : منهي اللي أمها داعيتن لها ؟
الوليد : أخت هاللي جالس يبي يخطب .
الجد يضحك : يعني جنى , والله كنكم متفقين وخالصين .
الجد يناظر نواف : وأنت يا نواف , منهي سعيدة الحظ ؟
نواف يناظر جده : إلا والله يا جدي إنها هنا في القلب ماهوب حظ .
الجد يضحك على نواف : وأنت ما تخلي سوالفك ؟
نواف : غلا بنت عمي ناصر يا جد وش رايك ؟
الجد بإبتسامة عذبة : والله ونعم ما أخترتوا , جنى وغلا أنا أشهد فيهم من الذرابه والعقل والأخلاق كاملين والكامل الله سبحانه , وحتى نهى وحلى ما شاء الله عليهم , شكلهم هالثنتين اللي بيبقون لعبد العزيز وطلال ؟؟ ولا أنا غلطان
الوليد ونواف يناظرون بعض : وش دراك يا جدي ؟؟!
الجد يضحك : هذا يبي لها تفكير بعد ما شاء الله شبكتوا العايله الكريمه كلها , بس المثل يقول القريب أولى من الغريب .
الوليد : اللحين يا جدي نبيك تكلم أمي وأبوي , وأمه وأبوه
الجد : شوفوا اللحين الساعه 5 إلا ربع بعد صلاة المغرب بنجتمع كلنا زي ما سويت لفارس بسوي لكم بعد أنتوا عشان الموضوع يكون رسمي ونشوف راي البنات وعقبها الله يتمم على خير إن شاء الله .
الوليد قام يبوس راس جده : مشكور يا جدي
نواف : والله أنت أكوس جد بالدنيا هاذي كلها الله لا يحرمنا منك يا الغالي ويطول لنا بعمرك .
الجد يبتسم : ويخليكم لي

أبو الوليد يناظرجنى : جنى وأنا عمتس ولدي الوليد يبي يخطبتس رسمي , موافقه
جنى كانت فرحانه لكنها مرتبكه : وبصوت أنوثي ساحر , موافقه
وغلا كانت عند الدرج تسمعهم وش يقولون
الجد : أجل بكرة الملكة إن شاء الله وعشى عائلي بينا وبين بعض هذا طلب نواف والوليد , وخلوا خسايركم وتجهزكم للعروس مره وحده .
ركبوا البنات فوق ورجعوا الرجاجيل للمقلط والحريم مبسوطين والزغاريد ماليه العزبة
عند البنات
نهى نطت على غلا : أختيييييييييييي مبرووووووووك وأخيرا
مابغيتوووو كلوووووليييش
وبعد غلا راحت لجنى وباركت لها
حلى تضم غلا وجنى : ألف , ألف , ألف مبروووك حبيباتي تستاهلون كل خير
مها : مبروووووووك صبايا ألف , ألف مبروووك وربي فرحنا لكم وعقبال إن شاء الله نهوي وحلى
نهى تناظر حلى : أقول حلى من اليوم بنشيل قشنا مانبي ننام مع مخطوبات .
جنى ومها وغلا : مالت علييييك هههههههههههههههه
حلى : شكله الكيك اللي اليوم جاب نتيجه
البنات : ههههههههههههههههههههههههههههههههههه .
غلا مرتبكه : صبايا وش ألبس بكرة .
نهى : ترى ماراح نسوي زي يوم خطوبة مها وفارس عشى عائلي بس
مها : طيب , بس لازم تلبس فستان ناعم
غلا : بنات تتذكرون الفستان الزهري السمبل اللي شريته ولا لبسته , هذا حلو ولا لأ
البنات : حلووو ناعم , ألبسيه بما أنه عشى عائلي بس
نهى : وأنتي جنوو عندك فستان ناعم .
جنى : عندي فستان لونه تفاحي فاتح
مها : أحسه حلوو
جنى : إيه حلوو وناعم مرره يعني لمناسبه زي كذا عشى عائلي .
حلى : وحنا بنتزقرت بالملابس اللي عندنا , لا تخافون يعني بنكشخ
البنات : هههههههههههههههههه
كان اليوم هذا حلو وأخيرا ً الحلم صار حقيقة الجو العائلي كان رووعه ومبسوطين لكن , داايم في هالدنيا ناس تفرح وناس تحزن محد كان حاس في راكان المسكين وحتى أهله ما يدرون باللي صار لراكان لكن هذا قدره ونصيبه في الدنيا ولازم يرضى فيه .
اليوم الثاني { ملكة نواف , والوليد }
الوليد ونواف كاشخين بالثوب والشماغ والجوتي الكؤؤشخه
والقلم والحركتااات وجالسين بمقلط الرجاجيل مع الشيخ ولازم يوقعون ولازم شهود وبطاقات وعارفين إجراءات الزواج
عند البنات فوق
غلا لابسه فستان وردي حلوو ناعم بدون أكمام وأسترج ع الجسم وله ذيل من ورى وحلى مسويه الميك آب لغلا وجنى لأن حلى ماشاء الله عليها فنانه بالمكياج وفنانه برسمة العين ودمج الألوان فاختارت لغلا لون الشدو الأسود عملت لها ميك آب دخاني طالع روعااا مع اللون الزهر والروج الزهري مع لمعة القلوس وبلشر باللون الزهر , أما شعر غلا عامله تسريحه بسيطه جايه بف ناعم مع قصه ع الجنب وكعكه من ورى طالعه كيووت وفيري سممبل كأنها تسريحة عصر الستينات . يعني غلا طااالعه خققققققه

أما جنى لابسه فستان سمبل باللون التفاحي بعد أسترج ع الجسم وله ذيل من ورى ومن عند الصدر فيه فصوص باللون السلفر وبدن أكمام ومراا حلوو , وحلى أختارت تدمج اللونين التفاحي مع السلفر وكان السلفر أكثر شويه من التفاحي طالع روووعه وبالنسبه للشعر كان مفتوح وويفي وحاطين لها ورده ع الجنب طالعه تخققققق .

مها كانت لابسه فستان لي تحت الركبه باللون الأبيض وفيه ورود باللون الموف الفاتح والأسود ولابسه كعب موفي وحاطه شادو باللون الموف الخفيف السمبل وروج نفس درجة الشدو والبلشر كذلك ومسويه عمله فرنسيه وحاطه ورده باللون المو ع الجنب طالعه تؤؤؤحفه

نهى لابسه فستان لتحت الركبه وجزمه وأنتوا بكرامه مريحه
الفستان لونه أسود وفيه حزام باللون الأحمر العريض عند البطن وكأنه فستان من عصور الستينات الموضه اللي كذا اللحين والجزمه لونها أحمر وبس رسمت عينها بالكحل وماسكرا وبلشر المايل للأحمر مجرد لمسه خفيفه ومسويه زي ذيل الحصان وبف من فوق وحاطه ورده حمره ع الجنب
لبى قلبها طااااالعه عجييييييييبه .

حلى الحلووة لابسه فستان لونه أصفر لي تحت الركبه وكعب أسود فيه فيونكه وحزام أسود عريض عند البطن ومسويه شعرها ويفي ع الجنب ولابسه تاج أصفر فيه فيونكه سوده خققق وحاطه ميك آب ناعم باللون الذهبي الخفيف السممبل وبلشر وقلوس طالعه تزنننن .

وجو أم حلى وأم الوليد فوق عشان ياخذون بناتهم وينزلونهم تحت
ونهى كانت تصور جنى وغلا
وحلى ومها ينثرون الورد على جنى وغلا
والحريم والجدة مبسوطين وزغاريطهم ماليه المكان << وأجواء حلووه صراااحه
دخلوا أبو حلى وأبو فارس عشان ياخذون بناتهم ويودونهم عند رجاجيلهم
أبو حلى دخل بنته عند نواف اللي كانوا في مقلط الحريم داخل
وأبو فارس دخل جنى عند الوليد في مقلط الرجاجيل << طبعا ً بعد ما طلعوا وكل واحد فيهم لبس مرته شبكتها
واتركوا المعاريس على راحتهم .
عند نواف وغلا
غلا كانت مستحيييه كثيير من نواف
نواف يرفع راس غلا بكل حُب : أبيك تناظريني ما أبيك تستحين مني يا غلا .
غلا رفعت راسها وصارت عينها في عين نواف , رغم البساطه إلا أنها كانت آيه في الجمااال
نواف بإبتسامة : وربي قمر ماشاء الله .
غلا أبتسمت لنواف إبتسامة خجل .
نواف : أحبــــك .

نشووف الأجواء الروماانتك عند الوليد وجنى
الوليد إيده في إيد جنى : مبسوووط يا جنى حاس إني أسعد واحد
جنى بإحراج : ليه ؟
الوليد بنظرة كلها حنان : يعني ما تعرفين ليه ؟ أخيرا ً صرتي حلالي مافي أي حواجز اللحين .
جنى تبتسم للوليد
الوليد : وربي عسسل طاالعه تجننييين
جنى : تسلم الوليد
الوليد مسوي نفسه زعلان
جنى : وش فيك ؟!
الوليد يناظر جنى : من اليوم ورايح مابيك تناديني بأسمي
جنى تضحك : أجل وش تبيني أقول لك ؟
الوليد : حبيبي
جنى المسكينه ساااحت ووجها صار ألوان
الوليد فاطس ضحك على شكل جنى
عند البنات طبعا ً عشان ما يصير ملل حاطين مسجل
ويرقصون .
نهى : سوينا ريااضه
مها : ههههههههههه والله على كثر ما رقصنا أحس إني جعت
حلى : أرجووكم لا تجيبون سيرة الأكل والله واااصله معي
أم عبد العزيز كانت طول الوقت تناظر نهى
وما تدري إن ولدها حاط عينه عليها من زماان << لكن هااانت .

رواية غرق الغرقان اكثر كامله - صفحة 4 9upb0508rd7z

م خــرج

الحُب ذا قسمهـ ولا أنته ما تسمع

محبوبي مستني وأنتــه مأخـــرني

البارت { 33 } رواية غرق الغرقان اكثر كامله - صفحة 4 CE_DP_Stealer

الكل موجود في العزبة وطبعا ً تغيرت الأوضاع من بعد
ما خطب نواف , غلا , والوليد خطب جنى
صارت الأوضاع أكثر إستقرار من قبل ورااحة .
خلونا نشوف الصبايا وش يسوون
غلا للحين بالها مشغول وتفكر في راكان
نهى جالسة ع النت تسولف مع سارة والهنوف
جنى تاخذ قيلولة شوي .
حلى جالسة تقرأ كتاب بعنوان الطريق إلى قلوب الآخرين .
أما مها جالسة تتفرج ع المسجات وأنتبهت لغلا اللي سرحاانه
وفي عالم ثاني .
مها : حبيبتي غلا وش فيك ِ سرحانه وفي عالم ثاني .
غلا : مها أنا تعبانه حاسه إن راكان فيه شي قلبي معورني عليه .
مها تمسح على راس غلا : حبيبتي غلا تعوذي من الشيطان , إن شاء الله مافيه إلا كل خير .
نهى : طيب دقي على راكان يا غلا خلينا نتطمن عليه .
غلا خذت جوالها وصارت تدق على راكان لكن , راكان جواله مقفول .
غلا بضيقه : جواله مقفول ليكون فيه شي ؟
حلى تركت الكتاب اللي في يدها وجلست جنب غلا : إن شاء الله مافيه إلا كل خير .
غلا : أنا قلبي مقبووض ولازم أجلس مع نواف وأقوله إن راكان في المستشفى .
نهى تحاول تهدي غلا : غلوو ما يصير تسوين في نفسك كذا أهدي شوي , طيب دقي على نواف وأنزلي وياه تحت وكلميه .
حلى ومها : عدل كلام نهوي , كلمي نواف أجلسي معه وقولي له كل شي .
غلا خذت جوالها ودقت على نواف
عند الشباب
نواف مبسوط : هلا يا قلبي .
غلا : هلا نواف كيفك ؟
نواف : بخير دآمك بخير يا الغلا .
غلا : جعله مديم يارب , نواف أبي أكلمك في موضوع ضروري .
نواف مستغرب : غلا وش فيك ِ تراك خرعتيني وش صاير
غلا : نواف ما ينفع الكلام في الجوال أبي أشوفك اللحين
نواف : طيب بطلع اللحين من الغرفة , أطلعي عشان نجلس تحت في المقلط .
غلا : طيب
مها : هاه وش صار ؟
غلا بخوف : قولي الله يستر وش بيصير , المهم أنا بروح مع نواف تحت عشان أتفاهم معه .
نهى : برجع أسولف مع سوير ونوفي .
نروح للمستشفى عند راكان
راكان للحين تعبان نفسيا ً من قوة الصدمة وهذا يزيد الوضع خطورة على حالته الصحية , فتح راكان جواله شاف إتصالات أخوياه وإتصالين من غلا , راكان حس بحزن للحين ما جاه رد من غلا عن سالفته هو ونواف .
نرجع للعزبة وتحديدا ً في المقلط
نواف ماسك إيدين غلا : آمري وش فيك ِ
غلا ونظرة مصوبه لعيون نواف ونظرة تحاول تتهرب فيها من الخوف : نواف أبي أتكلم معك في موضوع حساس شوي
ونواف وصار أقرب لغلا من أنفاسها : غلا تكلمي أرجوك ِ
غلا بخوف : أبي أكلمك عن راكان
نواف قام من مكانه وبعصبيه : لو أدري إنك بتكلميني عن هالززفت اللي أسمه راكان كان مانزلت تحت
غلا تناظر نواف : حرام عليك يا نواف لا تقول عنه زفت ترى راكان تغير وجاك برجوله عشان يعتذر منك بس أنت ما عطيته فرصه الله يهديك .
نواف بعصبيه وبنظرة حادة : قلت لك ما عاد أبي أشوف رقعة وجهه ولا أبي أسمع سيرته , نواف كان بيطلع من المقلط
غلا وقفت في وجه نواف : نواف تكفى أسمعني شوي
نواف بنرفزه : غلا تكفين أنتي ما أبي أعصب عليك , تدرين إني أحبك .
غلا بنظره كلها حب وإحترام : وأنا أمووت فيك بس أجلس وأسمعني عشان خاطري .
طبعا ًنواف ماقدر يستحمل كلمة عشان خاطري وجلس يسمع غلا .
غلا : نواف , راكان محتاج يشوفك هو كلمني عشان يقولي أكلمك وأوصل لك خبر إنه تعبان وحالته الصحية والنفسية متدهورة ويبي يشوفك يا نواف .
نواف حس بصدمة وتأنيب ضمير بس مايبي يبين لغلا : أنتي من جدك ولا هو يقولك كذا عشان أسامحه .
غلا : والله العظيم يا نواف إن راكان بالمستشفى مره تعبان , ودقيت عليه عند البنات فوق جواله مقفل , أنا أقول تلاحق عليه قبل يصير فيه شي , وبعدين يا نواف يا قلبي أنا أخبرك طيب وتسامح أسمعه ولو مرة والمسامح كريم .
نواف حس بحزن : طيب هو وينه فيه , أي مستشفى ؟
غلا : في المستشفى الحكومي
نواف : طيب بروح له
غلا مبسووطه : والله نواف , ومتى بتروح ؟
نواف : إي بروح اليوم إن شاءالله بعد صلاة المغرب .
نرجع فوق عند الشباب
عبد العزيز : عن أذنكم شباب .
الشباب : وين ؟
عبد العزيز : بروح أشوف الوالدة .
عبد العزيز راح لغرفة أمه وأبوه ودق الباب فتحت أمه الباب

أم عبد العزيز بإبتسامة : هلا حبيبي , هلا ولدي وش فيك يمه عبد العزيز : يمه أبي أجلس أسولف معك . أم عبد العزيز طلعت من الغرفة : تعال يمه وين تبينا نجلس ؟ عبد العزيز : عشان ما تنزلين وأتعبك تعالي نجلس في الصالة هاذي اللي فوق . أم عبد العزيز راحت مع ولدها للصالة . أم عبد العزيز : وش فيك يا يمه أحس في عيونك كلام . عبد العزيز : وش دراك ِ إن في عيوني كلام يمه أم عبد العزيز تضحك : ولدي وأعرفك زين . عبد العزيز : يمه , يمه ولدك يعشق. أم عبد العزيز تضحك وتضرب يد ولدها بحنيه : أجل عنتر وحنا ما ندري عبد العزيز : ههههههههههه أم عبد العزيز : ومنهي سعيدة الحظ اللي أمها دااعيتن لها تاخذ ولدي ؟ عبد العزيز : وحده من الأهل يمه . أم عبد العزيز : منهي يمه عبد العزيز : نهى بنت خالي ناصر . أم عبد العزيز أبتسمت : والله يازين ما أخترت ما شاء الله على هالنهى جمااال وأخلاااق ويازيين روح بنت أخوي عسسل . عبد العزيز وهو متشقق : يعني يمه إذا قلت لك أبي أخطبها بتخطبونها لي . أم عبد العزيز وهي قايمه : أبشر بسعدك يا ولدي وأخيرا ً بفرح فيك إن شاء الله . عبد العزيز : تكفين عجلي بالموضوع يمه . أم عبد العزيز : أثقل يا ولد وما يصير خاطرك إلا طيب , كم عزوز عندي . عبد العزيز باس راس أمه وراح لغرفة الشباب . أم عبد العزيز : الله يرضى عليك يا يمه وأشوفك معرس وأشوف عيالك . نرجع للبنات جنى للحين نايمه وشوي ويأذن المغرب مها : هاذي للحين نايمه ماهيب صاحية نهى : أصبري بس إن ما خليتها تكره النووم ما كون نهووي . دخلت غلا الغرفة البنات : بشري وش صاار ؟ غلا مبسوطه : وافق إنه يروح لراكان المستشفى البنات : والللللللله غلا تضحك : إيه الحمدلله وأدعوا إن الله يصفي النوايا والقلوب . البنات : آآآمين إن شاء الله . غلا : هاذي للحين نايمة ؟؟!!!! البنات : 1, 2 , 3 هجوووم طبعا ً البنات نطوا على جنى المسكينة اللي تخرعت جنى شوي بتصييح : ووجع الله ياخذكم زييين . حلى فاطسه ضحك على شكل جنى : قومي بسسسك كل ذا نووم المخدة تقول يرحم أؤؤؤمك خلااص غرقتيني سعابيل البنات وحتى جنى : هههههههههههههههههه نهى تستهبل : غرق الغرقان أكثر , جيت وش جابك حبيبي من بعد طول المغيبي جنى : خلاااص ذبحتوني وخروا عني . أذن المغرب وطبعا ً الكل قام يصلي وبعد صلاة المغرب قرر نواف زي ما وعد غلا إنه يزور راكان . نواف : شباب أنا بروح لخويي راكان مرقد في المستشفى أبي أزوره أتطمن عليه في أحد حاب يروح معي يسلم عليه . فارس : سلااامته , ما يشوف شر نواف : بتروحون ولا أروح ؟ الشباب : لازم نوجبه نزوره نتطمن عليه . كل واحد من الشباب لبس ثوب وشماغ وراحوا للمستشفى يزورون راكان في المستشفى نواف : لو سمحت أخوي نبي نشوف المريض راكان محمد الموظف : راكان محمد غرفته رقم 20 نواف : أخوي معليش , بس عنده أحد ؟ الموظف : لا , أهله كانوا موجودين من الصبح وراحوا ع العصر كذا . نواف : يعطيك العآآفية أخوي . نواف والشباب متجهين لغرفة راكان , ونواف مرتبك بس مايبي يبين لأحد هالشي . الشباب دقوا باب الغرفة ودخلوا عند راكان وطبعا ً في المقدمة , نواف راكان مبسوووط رغم الألم . والشباب ونواف مصدووووومين وش اللي صار في راكان متغير 180 درجة من التعب , مافيه شعر , مافيه لحيه ولا حتى شنب . نواف حس بصدممه قويه لما شاف راكان بس مشت الأمور طبيعية نواف : السلام عليكم الشباب : السلام عليكم راكان مبسوط بشوفت نواف والشباب : وعليكم السلام . الشباب ونواف : سلامتك يا راكان ما تشوف شر . راكان بصوت كله ألم وتعب : الشر ما يجيكم راكان كانت عينه كلها على نواف الشباب : خير يا راكان وش فيك وش اللي قلب حالك كذا ؟ راكان بحزن : المرض هو اللي يسوي في بني آدم كذا , أنا فيني السرطان الله يكفيكم شره الشباب بصدممه أثرت فيهم : وشوووو نواف بصدممه باينه على وجهه : سرطاااان ومن متى يا راكان . راكان بحزن : صار لهم يومين اللحين وهم يعطوني هالكيماوي , هو اللي طيح شعري وصار حالي كذا نواف : ممكن تخلوني أنا وراكان شوي الشباب : طيب ما تشوف شر يا الغالي . راكان : الشر ما يجيكم والله يجزيكم خير على هالزيارة الطيبة طلعوا الشباب ومابقى في الغرفة إلا راكان ونواف نواف جلس على السرير حق راكان وباس راس خويه نواف وخانقته العبره : خطاك الشر يا راكان , والله لو أدري إنك مريض بهالمرض ما تأخرت دقيقة راكان ماقدر يستحمل الموقف وبكى كثيير وحضن نواف خويه . نواف وهويبكي : على كل اللي صار ياراكان بس لا تحسب إني في غيابك أرتحت , أنا آسف لأني طردتك ذاك اليوم من العزبة . راكان ودموعه ماوقفت : أنا اللي آسف يا نواف على كل المشاكل اللي سببتها لك الهدوء عم المكان والدموع للحين تنزل راكان أنتبه إن نواف لابس دبلة خطوبة : خطبت غلا ؟ نواف ودموعه للحين ماوقفت : إيه يا راكان , والوليد خطب أختي سوينا خطوبتنا في نفس الليلة . راكان يبتسم رغم الألم : الله يوفقكم ويبلغ أهلكم فيكم وتشوفون عيالكم نواف يبتسم رغم الضيق والدموع : إن شاءالله بتحضر زواجي يا راكان , ونذرا ً علي لا جاني ولد بسميه راكان على أسمك راكان ضم نواف بقووة ويبكي بحررقه راكان : ماظنتي يا نواف بحضر زواجك ولا بشوف عيالك . نواف يبكي : لا تقول كذا يا راكان إن شاءالله بتقوم بالسلامة وبتحضر زواجي وبتزفني أنت وعيال عمي . راكان يبكي حييل : أحس يا نواف هذا آخر يوم أشوفك فيه , والحمدلله بموت وأنا مرتاح , ريحت ضميري من العذاب اللي كنت فيه . نواف ماقدر يتحمل كلام راكان وصار يصرخ ويشد ثياب راكان : راكان لا تقول كذا أنت بتعيش , بتعيييش , ونرجع مثل الأول وأحسن راكان أبتسم إبتسامة فرااق : سلم على غلا وقول لها ماقصرت معي , وأنت يانواف أنتبه لنفسك وأنا أخوك للأسف راكان كان يحتضر فجأة صار هدووء وغاب حس راكان عن مسامع نواف نواف واقف بصدمه يناظر راكان نواف يكلم راكان : راكان , لا تموت , لا راكاان قووم راكاان ماراح أخليك أنا نواف , تسمعني راكان رد علي رااااااااااااااااااااااااكاااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااان دخلوا الشباب يركضون والدكتور وأنفجعوا الشباب بموت راكان الشباب دمعت عيونهم على راكان : لاحول ولاقوة إلا بالله العلي العظيم , إنا لله وإنا إليه راجعون , ونواف في حالة هيستيريه والشباب يمسكونه بس خلاص كأنه فقد وعيه الشباب طلعونواف من الغرفة . نواف يبكي ويصارخ يكلم فارس : فارس لا تصدقوون ترى راكان مامااااااااااااااات ما ماااااااااااااااااات فارس يبكي ويضم أخوه لصدره : يا نواف تعوذ من الشيطان قل لا إله إلا الله رحل راكان الإنسان الطيب المصلي اللي كان يخاف ربه , رحل عن الدنيا وترك ذكرى حزينة في نفس خويه نواف , ويا الله , يا الله موتت الخوي صعبه صعبه بالحييييل بالحييل . رجعوا الشباب للعزبة ونواف اللي للحين يبكي ومتأثر موب مستوعب إن راكان مااات فارق الدنيا . الكل نزل على صوت بكا نواف وصوت الشباب اللي يبكون معه لفراق راكان ويبكون على حالة نواف اللي مصدووم الجد : وش فيكم , وش صاير وش فيه نواف فارس وهو يمسح دموعه : راكان خويه مات غلا نزل عليها الخبر مثل الصاعقة , وبكت من غير شعور الجد , وأبو فارس , وأبو حلى , وأبو الوليد , وابو عبد العزيز : لآحول ولآقوة إلا بالله العلي العظيم إنا لله وإنا إليه ِ راجعون . دخلوا نواف في المقلط وجابوا له كاسة مويه عشان يهدا شوي غلا طلبت من فارس إنها تقعد مع نواف شوي طلعوا الشباب وتركوا غلا ونواف في المقلط غلا واقفه وتناظر نواف اللي جالس ويناظر الأرض ودموعه تصب . غلا قربت من نواف ومسكت يده : نواف حبيبي قول الله يرحمه لا تسوي في نفسك كذا نواف وصوته صار أشبه للصراخ : ياناس راكان مات , ما جلست معه راكان مات يا غلا غلا ضمت نواف بالحيييل ونواف صار يبكي مثل الطفل << ماينلام نواف هذا صديقه ولاتنسون قضى معه أيام كانت حلوه أول شاب تعرف عليه في معهد الفنون . وبكره نواف يدفنونه تحت التراب وبيصير ذكرى في حياة نواف . يـا عين هلي الدمــع يـا عيـن هلـيــه لا تبخلـي بالدمـع في شخص غـالــي لا مـا بكيتي اليـوم على اللي فقدتيــه مـا أظـن غيـره ينفقـد في الرجـالـي مـات الصديـق اليـوم وافي الخصالـي أبو محمد في الـقبر ترابـه مغطيــه وفـارق حـيـاة أخـرتـهــا زوالــي أبكي عليـه و من يـعـرفـه بـيبكـيـه وحزنـي عليـه يهـد عـالـي الجبالـي مـات الصديـق اللي نحبـه ونغـليــه راع الوفـاء والطيـب زيـن الفعـالــي يا ما فـزع من دون ما أحـد ينـاديــه ذخـر الرفيـق أليـا بلـتـه الليـالــي مـا صـك بـابـه دون من جـاه ناصيـه يسعـى معـه بالـروح و يا الحـلالــي قبلـه فـقـدنـا مـن نـحبـه ونبغـيـه لكن مـوته والله اثــر بحــالــي والموت حـق وكـل واحـد مـلاقـيــه ويصيـر في قبـر من الـنـاس خـالـي يا رب يا اللي كـل مخـلـوق يرجـيــه تـقبـل دعائي يا عظـيم الـجـلالــي طـالبـك أنـا يـا الله انـك تـنجـيــه وتكتـب لـه الجنة بفضلـك وتعطـيــه فـي جنـة الفـردوس منـزال عـالــي

» رواية (يا حبيبي بس قول لي ودي أعرف شلي فادك جيت ودموعك في عينك والسبب هو عنادك) بقلمي