رواية غرق الغرقان اكثر كامله

تذكير بمساهمة فاتح الموضوع :

دخول..

رواية غرق الغرقان اكثر كامله - صفحة 2 454566667

ودي اضمك من كل قلبي وتزيد تضمني حيل لقلبك~
ودي أنسى العآلم ومــاأحس إلآ (بقلبك)..~
تتكلم وتقووولي "وحشتني يآبعد قلبي"..~

وأقولك أووووووووووش
تعبت أسمع لسآنك
بس فيه شي ودي أسمعه..؟

مسسساءكم و1 صصصبآحكم حب وشوق وعشق:$

روايه قمه في الرومانسسسيه والعششق

رواية غرق الغرقان اكثر كامله - صفحة 2 060

راقت لي كثيرااا فيها الكثير الكثير من الحب

ونقلتها لاعضضضاء وزوار احلى بنات:$
اتمنى تفاعلكم وتوقعاتكم

رواية غرق الغرقان اكثر كامله - صفحة 2 313

قرآءه ممتعه
رواية غرق الغرقان اكثرو1

[size=21]خـــــــــــروج..[/size]

وأقرب وأحط رآسي قريب من "ضلوعك"وأسمع دقآت قلبكِ..

وكل ماأقرب لأجل أسمع أوضح

ألقى ــآ قلبك "تزيد نبضآته"

أبتسم بلآ شعوووور~

وأضم صـــــــــدرك حـــيل~

تهزني وتقول قلبي يقولك إرحمه

أقولك إرحم قلبي الأول ..!! وقرب.. وزيد ..وضمـــــــني.

..

الوليد : جدي يقول تعالوا كلكم داخل يبونا نجلس كلنا سوا الشباب عاجبهم الوضع : صاروا يوزعون إبتسامات نواف : شفتوا لي قلت لكم جدي مافي منه الشباب يضحكون . الوليد : يلا مشينا الشباب : يلا وراحوا الشباب وصاروا يتنحنحون والبنات صاروا يلبسون عباياتهم وطرحهم الجد : حياكم يا عيالي مابه احد غريب هنا ذولي بنات عمكم الشباب : السلام عليكم البنات والجدة : وعليكم السلام وصاروا الشباب يسلمون على جدتهم لما دخلوا الشباب , حثلوها شوي نسوا أنفسهم سوالييف وضحك وقهوة وشاهي والكل غير جوا ع الساعة 9 طلعوا الشباب بعد القعدة الحلووة والجدة طلبت من البنات يروحون يدرسون شوي لين وقت العشى الساعة 11 عند البنات في الغرفة حلى : يازين جدي وجدتي مافي منهم والله . مها : أي والله قولوا آمييين البنات : آآآآآمييين مها : يا جعل ربي ما يحرمنا منهم البنات : آآآميين الله يسمع منك غلا : صبايا خلونا نراجع شوي , وبعدين نسولف على راحتنا نهى : أفففف يا شييين الاختبارات جنى : لازم نشد حيلنا إن شاءالله عشان نرفع راس أهلنا ونفرح جدي وجدتي حلى : أي والله صدقتي البنات : يلا نراجع شوي لين وقت العشا وفعلا ً كل وحدة طلعت كتابها وصاروا يراجعون نروح للشباب في الخيمة عبد العزيز : يلا شباب نبي نلعب بلوت طلال : أنت أكووس واحد عرفته بحياتي , تفهمها ع الطااير فارس : يلا خلونا نلعب وصاروا يلعبون , عاد الله لا يوريكم اللعب طقاق وهواش وصراخ في بيت أم حلى أم حلى كانت جالسه في غرفتها وتفكر في بناتها وتحاتيهم وشلون بتقدر على فراقهم أسبوعين من غير ما تشوفهم أبو حلى : وش يفكروون فيه الغاليين أم حلى حست إنها شوي وبتبكي : وحشوني البنات يا بو حلى أبو حلى كان مقدر موقف أم حلى وإن هاذي مهما كان أم : وأنا بعد بيوحشوني أم حلى صارت تناظر أبو حلى وعيونها متغارقه : الله يوفقهم يارب أبو حلى صار قريب من أم حلى ومسك يدها وباس راسها : آآآميين يا الغالية نروح لبيت راكان الريم جالسة في غرفتها تذاكر , طرت على بالها غلا وحبت تسلم عليها وتسأل عن أخبارها الريم ما كان عندها رقم حلى بس رقم جنى وغلا خذت الريم جوالها بتدق على غلا , بس جوال الريم ما كان فيه رصيد الريم : وش ذا الحظ مافيه رصيد بروح أشوف راكان إذا بيشتري لي بطاقة شحن الريم راحت لغرفة راكان , الريم تدق الباب طبعا ً راكان منشغل بالسواليف في الشات ويغازل هاذي وذيك راكان : يوووه مين هذا بعد , يعني لما الواحد تحلى له السواليف مييين الريم : أنا راكان : يالييييل راكان : أدخلي الريم : آسفه على إزعاجك ياخوي راكان : أخلصي وش تبين الريم : جوالي يبيله شحن راكان : طيب وش أسوي لك يعني راكان : وبعدين مين بتكلمين وأنتي وراك دراسة عندك اختبارات يوم السبت ذاكري أحسن لك الريم : أبي أكلم صديقتي ما يصير أربع وعشرين ساعة مقابلة هالأوراق راكان : وأي صديقة هاذي بعد اللي بتكلمينها اللحين الساعه 10 << كلن يرا الناس بعين طبعه الريم : والله بكلم صديقتي وإذا موب مصدق بتصل تسمع الصوت عشان لا يروح فكرك بعيد راكان : طيب أقلقتينا أفتحي الدرج هذا تلاقين بطاقة شحن بـ 30 أخذيها الريم وهي مبسوطه : مشكور يا خوي وما تقصر راكان : العفو يلا روحي ذاكري وسكري الباب وراك الريم : إن شاءالله وطلعت الريم من غرفة راكان ورجع راكان يكلم فلانه وعلانه نروح لبيت أم عبد العزيز أم عبد العزيز : عساهم البنات يركزون في دراستهم أبو عبد العزيز : إن شاءالله , الله يوفقهم أبو عبد العزيز : خلينا نتعشى يا الغالية أم عبد العزيز بابتسامة : من عيووني أبو عبد العزيز مبتسم : تسلم لي عيوونك نروح لبيت أبو الوليد أم الوليد جالسة في الصالة وحاسة أن البيت فضى لما راحوا العيال أبو الوليد جلس : وش فيك ياأم الوليد بالك مشغول أم الوليد : أفكر بالعيال وتبي الصدق وحشوني أبو الوليد مسوي نفسه زعلان : وأنا وين رحت , طيب أنا أخليك أم الوليد مسكت يد أبو الوليد : أبو الولييد لا تزعل مني أبو الوليد للحين يتغلى : زعلااان أم الوليد : لا تزعل مني الله يرضى عليك أنت الخير والبركة بس تدري بعد ذولا عيالي قطعة مني ومنك ومن ريحتي وريحتك أبو الوليد ابستم وحضن أم الوليد بصممت : أم الوليد حست براحة في حضن زوجها وأبو عيالها << الله يخليه لها هههع نرجع لبيت الجد والجدة الجدة تنادي الشغالات : كريمة , سلام << شغالاتهم مسلمات الشغالات : نعم ماما الجدة : كريمة نادي البنات عشان ينزلون يتعشون كريمة : إن شاءالله ماما الجدة : سلام تعالي ساعديني عشان نحط العشى على الطاولة وراحت كريمة تنادي البنات صديقاتنا كانوا للحين يدرسون , الا الباب يدق البنات : ميييين ؟ كريمة أدخلت : ماما محمد << يعني أم محمد , في كلام أنا نادي البنات عشان في أكل عشى نهى : كانت بتفقعها ضحك على كلام الشغالة بس مسكت نفسها في اللحظه الأخيرة مها : طيب كريمة قولي لماما كبير اللحين جايين . نهى : ماقدرت تمسك نفسها وجلست تضحك حلى : نهووي وجع نهى : شوفي ما أبي أغلط أولا ً إحتراما ً لك وثانيا ً عشاني أسمع كلام أمي جنى : مسويلي فيها أنتي وياها أقوول قوموا خلونا نساعد جدتي البنات : يلا ونزلوا البنات وراحوا لجدتهم في المطبخ الجدة : يالله إن تحيي بناتي البنات : الله يحيك يا جدة خلينا نساعدك وصاروا البنات يساعدون الجدة يحطون معها العشى والسلطات والعصيرات الجد : يالله إن تعطييهم العاافيه وتوفقهم يارب البنات مبسوطين : آآمين الجد : خلصتوا العشى يا أم محمد الجدة : إيه خلصنا يا أبو محمد الجد : خلاص أجل حنا بنروح الخيمة نجلس فيها لين ما تحطون عشاكم وتجهزون السفرة في المقلط البنات : إن شاءالله يا جدي الجد : الله يعطيكم العافية الجدة والبنات : الله يعافيك

وراح الجد للخيمة يجلس مع الشباب لين ما البنات والشغالات يجهزون العشى طلال : جدي ما خلص عشاهم , تراني ميييت من الجووع. الجد يضحك : خلاص خلصوا بس اللحين البنات والشغالات يجهزون سفرتنا وصار سواليف مع الجد وضحك , عشان يخففون حدة الجوع شوي البنات في مقلط الرجاجيل نهى : وين أحط المرقه غلا : حطي باديتين هناك وحطي باديتين هنا حلى : مهوي ساعديني شوي خلينا نحط الرز جنى : كريمة , جيبي السلطة هاذي هنا وصاروا البنات يصفون وينسقوون السفرة << هههه عشان تنفتح نفسهم للأكل بس ما قصروا صقيقاتنا أنا أشهد أنهم حرييم وبعد ما طلعوا البنات قالوا للشغالة تناديهم عشان يتعشون كريمة فتحت باب الخيمة : بابا كلاص << خلاص ,, عشى في يحط داخل مجلس الجد : طيب يا كريمة خلاص روحي حنا بنروح المجلس نواف ماسك بطنه : الإنسان من غير أكل [ مثل السيارة من غير بترول ] الجد وهو يضحك : صحيح كلامك يا ولدي الأكل هو اللي يعطي الإنسان طاقة مثل السيارة لو ما تعبيها بترول ما تمشي . طبعا ً الشباب فقعوها ضحك , وحاسين نفسهم جالسين في حصة علوم عند البنات والجدة الجدة : ها يا بنات إن شاءالله درستوا زين نهى قالبه وجهها : درسنا يا جدة البنات : يضحكون على شكل نهى الجدة : وش فيتس قلبتي وجهتس لما سألتكم عن الدراسة نهى : تكفين يا جدة لا تجيبين طاري الاختبارات خلونا ناكل اللحين وبعدين يصير خير الجدة : أبيكم تشدوون حيلكم ما بقى لكم إلا بكرة بس واللي بعده إختبار جنى وحلى ومها : إن شاءالله يا جدة الجدة تناظر في نهى : وأنتي ما سمعتس تقولين إن شاءالله , ولا تبين لشششطه عشان أسمعها نهى قالبه خشتها وفيها الصيحة : تكفين يا جدة إلا هاذي عاد ترى إذا مسطتيني بتطير المعلومات اللي مخزنتها في مخي الجدة والبنات : يضحكون على نهى طبعا ً خلصوا عشى وصاروا البنات يضفون سفرتهم وصحونهم والشغالات راحوا للمجلس عشان يضفون سفرت الرجاجيل بعد ما خلصوا العشى الجد والجدة طلبوا من البنات يراجعون على الأقل لين الساعه 11 ونص وبعدين ينامون عشان يقومون الصبح بدري وراحوا لغرفتهم أما الشباب رجعوا للخيمة صار لعب بلي ستيشن تحدي ع الفوتبول طبعا ً نروح للبنات في غرفتهم نهى : بنات خلونا نشغل المسجل شوي حلى : نهوي أدرسي أحسن لك ولنا مها : والله ماهي بشيينه غلا : من جد خلاص قفللت مخي ما عاد يستوعب أكثر من هالمعلومات جنى : في سي دي حق موضي الشمراني 2010 نهى : يااالبيييه حطي السي دي خلينا نتنكس شووي حلى : أقول أدرسوا أحسن بدال ما تطلع كل وحدة فيكم تصيح بعد بكرة مها سحبت الكتاب من يد حلى : محد فينا بيراجع شي كلنا بنرقص قومي غلا : سحبت بكلة حلى اللي كان شعرها أسود ويوصل لين ظهرها وصاروا البنات يفتحون شعورهم وحطوا السي دي على رقم [ 4 ] [ القوس قوسك والسهام سهامك ] وصاروا البنات يرقصون ويسوون حركات هاذي المذاكرة << عزت الله أنجحوا هههههههه طبعا ً بعد ما البنات كسروا نفسهم وأتعبوا من الرديح << عارفين إن الجدة موب حولهم حلى : حسبي الله على بليسكم تعببت مها وهي تضحك : اللي يسمعك يقوول ما تتحركين ولا ما تدخلين مع ذا الباب نهى : والله عجييب صوت موضي أحب صوتها وش رايكم نحط رقم [ 6 ] غلا : وشو الأغنية نهى تسوي نفسها تسوق : حسبي على السواق عياا يدق برييك البنااات : ألااااه عجييبه حلى : والله بترقصون كيفكم أنا بنزل المطبخ أبي موويه تعبت البنات : الله يخليك جيبي لنا مويه حلى حلى : طييب , بس قصروا ع المسجل لا تجينا جدتي تمسسطنا بالخزران البنات فاقعينها ضحك ورقص وهبااال آآآخر حد نزلت حلى للمطبخ خلوني أوصف لكم شكل حلى حلى لابسه بيجامه لونها موف ومنقطه بأبيض وكانت راسمه عينها بالكحل خط بس وحاطه قلوس زهري فاتح وشعرها كان مفتووح ولين نص ظهرها وحلى لاهي نحييفه مرره ولا سمينه جسمها مرره حلو بالمختصر [ حلى بنت جذاابه ] دخلت حلى المطبخ وفتحت الثلاجه وطلعت 5 قراش مويه وحطتهم في طوفريه , كان في قطوه تحت الطاوله وحلى ماتدري موب قتلكم من قبل إن للمطبخ بابين باب من داخل البيت وباب من ورا الحديقة الا حلى سمعت صوت خرفشه حلى خايفه : بسم الله الرحمن الرحيم ,, وش هالصوت القطوة : مياااااووو حلى وهي ماسكه الطوفريه وتصرخ : اااااااااااااااااااااااااااااااااااااااااااااااااا اااا حلى كانت مرره خوافه ما تحب شي أسمه قطاووة طلعت حلى تركض برع من الباب اللي يطلع على الحديقة وطبعا ً قطت الموية والطوفرية << والله ظنتي القطوة اللي تخرعت من صراخ حلى موب حلى اللي خافت هههههههه حلى وهي تركض وتلتفت لوراها صدمت في طلال . طلال مستغرب يحسب صاير شي : حلى , حلى وش فيك تركضين وتصرخين حلى تنتفض موب قادره تتكلم : أكتفت بالصيااح طلال خايف على حلى : حلى بسم الله عليك وش فيك قولي لي شفتي شي حلى : صارت تصيح في حضن طلال << ما تنلام البنت القطوة الله يهديها مندعسسه تحت الطاولة وفجأة طلعت في وجهها وتقوول ميااااوو بعد طلال حس أعصاابه خددرت لما حلى رمت نفسها في حضن طلال من الخوف << ويمكن هاذي أول علامة من علامات الحب يا طلال . حلى بدون شعور بعدت شوي عن طلال : أنا آ سفه , آسفه طلال بس خاايفه طلال : من وشو حلى : القطوة خرعتني كانت تحت الطاولة وفجأة طلعت في وجههي وأنا ديني ودين هالقطاوة طلال ماقدر يمسك نفسه من الضحك : ههههههههههههههههه كل هالصرااااخ عشاان القطوة بس حلى شوي وبتصيح : هذا اللي ربي قدرك عليه يا ولد عمي طلال صار يمشي مع حلى : طيب تبيني أشوف القطوة ولا لا حلى وماسكه شعرها لانه كان طوويييل : تسوي فيني خيير طلال وهو مبتسم : طييب دخل طلال عشان يشوف القطوة بس ما كانت موجودة ولما تأكد نادى حلى حلى : أكييد مافيه شي طلال يضحك : وربي مافيه شي جلست حلى ع الأرض تلم الموية اللي قطتها والطوفرية وجلس طلال طلال : عطيني المويه خليني ألمهم ولم طلال المويه والطوفريه حلى ووجها صار أحمر من الأحراج : مشكوور ولد عمي طلال مبتسم : ولا يهمك عادي طلال وهو مبتسم شال يد حلى عن شعرها : كذا تجننين حلى والأحراج وصل التوب خذت الطوفريه : عن إذنك طلال جلس ع الكرسي : وش هالجمااال وش هالشعر سبحان اللي خلقها ملاااااك بس بصوورة بشر وصار يتذكر طلال حلى لما رمت نفسها في حضنه الخوف وحلى نفس الشي تفكر في طلال وكيف صارت هالصدفة ودخلت الغرفة البنات : وينك حلى حلى تصرف : جدتي تقول ناموا اللحين بكرة بتقومنا بدري تقول واللي ما تقوم بتذووق تمسسط الخزران نهى : والله أحس جدتي متحللفه فينا خلونا ننام حلى : ايه خلاص رقصنا واستهبلنا شوي عن خاطرنا اللحين الساعه 12 مها : خلاص بناات بننام وفعلا ً البنات أخيرا ً قرروا ينامون وصارت كل وحدة تحط مخدتها وفراشها وتسدحوا صقيقاتنا نروح للشباب في الخيمة فارس : شباب خلونا نلعب بلووت أنا أبي أكسر راس عبد العزيز عبد العزيز يضحك : بنشووف مين اللي بيكسر راس الثاني وصاروا الشباب يلعبون بلوت عبد العزيز وفارس والوليد وطلال أما نواف راح للغرفة اللي ينامون فيها نرجع للبنات البنات أستسلموا للنوم ما بيدهم شي خلاص بعد بكره إختبارات ماعدا حلى اللي كانت تتذكر طلال تتذكر ملامحه تتذكر وشلون حضنها بصممت ,, تتذكر لما بَعد يدها عن شعرها وقال إن شكلها كذا يجنن ,, أبتسمت حلى وبدت تودع شريط يومها مع طلال شوي شوي ليين ما استسلمت للنوم نرجع لنواف اللي كان بالغرفة نواف جالس على السرير ويفكر بينه وبين نفسه , أنا لازم أروح وأكلمها لازم أشوفها وأعرف وش فيها ولازم اليوم أعطيها الهديه ولا ماراح أرتاح وخذا نواف الخريطه اللي حاط فيها الهديه << وأنتوا عارفين وش هي الهدية وراح للبلكونه حقت غرفت البنات اللي تطل على الحديقة وسبحان الله على حظه قبل ما يطق الدريشة قامت غلا من النوم تبي تروح لدورة المياه << أكرمكم الله , إلا بصوت الدريشه غلا : بسم الله الرحمن الرحيم وش هالصوت وصارت غلا تمشي اتجاه الدريشه عشان تشوف وش هالصوت ونواف واقف تحت فتحت غلا الدريشة وفتحت ثمها نوااااف , وصارت تأشر له وش تبي ونواف مبتسم يأشر لها أنزلي تحت غلا راحت بسسرعة صوب الباب فتحته شوي شوي عشان محد يصحى من البنات ونزلت تركض ع الدرج فتحت غلا باب الصالة وطلعت براا للحديقة وقفت غلا مع نواف لأول مرة غلا : نعم وش فيك تطق الدريشة نواف : على طوول طيب مافي شلونك ولد عمي وش أخبارك غلا : نواف مابي أحد يشوفنا مع بعض وبعدين لازم أروح لان جدتي بتقومنا الصبح بدري نواف مبتسم : أخذي هاذي الخريطه وأقري الورقة بس أبي منك رد يلا تصبحين على خير راح نواف وصار يناظر غلا من بعيد , وغلا كانت واقفه تناظر نواف كان ودها تعتذر له لكنها ماقدرت . وماراح نواف لين ماغابت غلا عن عينه ودخلت داخل وراح نواف غلا قفلت الباب وركضت بسرعة فوق كان فيه صالة فوق فيها تلفزيون يعني الصالة للقعدة جلست غلا على الكنب وفتحت الخريطة ولقت لوحة بيضة عليها عليها شريطة حمرة أستغربت غلا وش هاللوحة اللي جايبها لي نواف فتحت غلا الشريطة << وكانت مصدووومة وأنربط لسانها عجزت حتى توصف بينها وبين نفسها دقة الشكل ودقة الرسمة << عرفت غلا إن نواف فناااان بمعنى الكلمة غلا : نواف راسمني أناااا , وشلون رسمني مع أني ضايقته مني وزعلته وشلون ركز في ملامحي ذاك الوقت وطلعت غلا الصندوق من الخريطة ولقت داخل الصندوق دب أحمر وميدالية فيها قلب ومفتاح وحرفها ووردة حمرة ولقت ورقة فتحتها كانت بخط يد نواف الرسالة بسم الله الرحمن الرحيم السلام عليكم ورحمة الله وبركاته تحية ملؤها الحب والمودة والإحترام إلى [ أغلى من سكن قلبي ] .. غلآ .. غلا أنا ودي أعرف ليه عطيتيني ذاك الكف وش سويت عشان تصدين وتجفيني كذا , غلا إذا في شي مضايقك قولي لي إذا زعلتك في شي قولي وصدقيني راح أجي وأعتذر منك ما يهون علي زعلك بس هذا اللي أبي أعرفه وش فيك علي إن شاءالله عجبتك لوحتي , وإن شاءالله عجبك ذوقي اللي في الصندوق واللي أبيك تعرفينه إني [ أحبــــــــــــــــك ] وربي يشهد علي ونهاية رسالتي .. أتمنى لك التووفيق إن شاءالله .. شدي حيلك ولد عمك [ نـــــــــواف ] غلا لما قرت رسالة نواف ماقدرت تمسك نفسها جلست تبكي وحطت رسالة نواف على صدرها وتمنت لو أنها تقدر تقوله إن السبب صديقه راكان << لكن بيجي اليوم يا غلا اللي بتقولين لنواف كل شي غلا دخلت كل شي في الخريطة ودخلت الغرفة وحطت الخريطة بين أغراضها أما نواف كان في الغرفة وأرتاااح لما عطاها الهدية ويتمنى لو يتعدل الحال بينه وبين غلا طبعا ً ع الساعه 2 ونص الكل كان نايم

البارت السادس عشر [ أنت كآفي وما أبي غيرك أحد ]
اليوم الجمعه الساعه 7 ونص صباحا ً , البنات نايمين للحين ما قاموا
عند الجد والجدة :
الجد : البنات قاموا
الجدة : والله للحين ما شفت أحد قام
الجد : قوميهم يدرسون يا أم محمد بكره إختبارات متى بيراجعون
الجدة : والله مافي إلا الخزران تطير عقولهم عشان يقومون
الجد يضحك : من جدتس يا أم محمد عاد أنتي لا لشطتي خليتي الواحد ينسى أسمه
الجدة وهي رايحة فوق : هذا اللي بيصير .
وخذت الجدة الخزرانه المنقعه في مويه وملح وراحت للبنات << جاك الموت يا
تارك الصلاة وخذت معها الشغالة عشان تساعدها ودخلت الغرفة لقت البنات
نايمين في العسسل
وكانت أول وحده نايمه مها وتمسطها الجدة ذيك المسسطه مها نططت
وصارت تسمي بالرحمن وش ذا حلم ولا علم إلا شافت جدتها واقفه على
راسها
مها وهي شوي وبتصيح : لييه يا جدة
الجدة : تشوفين الساعه اللحين 7 ونص متى بتراجعون وبكره إختبارات
مها قالبه خشتها وبتصيح : طيب يا جدة اللحين بقووم , أستسلمت مها
وقامت من النوم
وطبعا ً الجدة ما قصرت في الباقين خلتهم ينطوون نطه وحده كلهم ما
سلموا من الخزران المنقعه في مويه وملح << تبي تجربها
وخلتهم يوقفون طابور عند دورة المياه << أكرمكم الله
الجدة : أخلصوا عشان تنزلون تفطرون وبعدين تذاكرون
البنات : إن شاءالله ياجدة
الجدة نزلت تحت والبنات صاروا يتشكون كل وحده تشوف مين اللي
مسسطتها أقوى من الثانية .
نهى وشوي وبتصيح : الله يسامح جدتي لو أدري أنها بتسوي فينا كذا
كان جلست عند أمي وأبوي أبرك .
غلا : أهىء أهىء << تسوي نفسها تصيح << وهي شوي وبتصيح
ودي أكسر هالخزران تعوور حششى
جنى : ليكوون كل يوم على هالحال مسسطه عشان نقوم من النوم .
مها وعيونها متغارقه : والله أنا أول وحده أنمسطت طااار عقلي من محله
أحسب جني مدري انها جدتي وواقفه تناظرني
البنات فقعوها ضحك على مها
حلى وتحك كتفها : والله تعور هالخزران جدتي شكلها منقعتها في خل وملح
موب مويه وملح
وصاروا البنات يضحكون كنهم مهسترين << والله من قوو الجللد اللي جاهم .
بعد ما غسلوا البنات وكل وحده لمت شوشتها نزلوا تحت
البنات : صبااح الخير يا جدة
الجدة : صباح النوور
نهى : جدة وش هالتمسسط اللي جانا
الجدة : عشان تقومون
البنات يناظرون بعض
الجدة : أجلسوا يلا أفطروا
وجلسوا البنات يفطرون مع الجدة
نروح للشباب
الكل كان نايم ما عدا طلال اللي كان جالس , طلال ما يدري وش يسوي
طفش وهو جالس بلحاله وجاته فكره جهنميه
راح لدورة المياه وعبى الطشت مويه
ووقف عند كل واحد من الشباب وصار يرش عليهم بيده , والشباب يصارخون
الوليد معصصب : ووجعع الله ياخذك
عبد العزيز : والله يا طلال إن قمت لك لصقتك في الجدار
طلال : مييت من الضحك
فارس : يا شينك أنت ووجهك ما تخلي الواحد يناام
نواف : أصلا ً اللي يعرف هالوجيه وين يعرف الراحة
طلال : أقوول لا يكثثر ولا كبيت هالطشت كب على رووسكم قوموا خلصوني
الشباب : طلااااال
طلال : ووجع إن شاءالله قوموا عازمكم على الفطور
الشباب طبعا ً سمعوا فيها عزييمة ونطوا من الفرش
نواف : من جدك عازمنا ولا تستهبل طلوول
طلال : والله من جد يلا قوموا
الشباب قاموا وصاروا يتهاوشون مين اللي يدخل دورة المياه أول << يعني
هالبيت اللي وش كبره وعجزانيين يتوزعوون .
نرجع للبنات
البنات : الحمدلله
الجدة : يلا اللحين كل وحده تمسك كتابها وتدرس ومابي أشوف وحده تدووج
مها : طيب يا جده نبي نجلس في الحديقه نذاكر نبي نستنشق الهواء الطلق
البنات نطوا : ايه يا جده تكفيين
الجدة : طيب روحوا بس عن المهايط في الحديقة
البنات يضحكون على الجدة
البنات : إن شاءالله يا جدة
وما صدقوا على الله البنات وراحوا للحديقة حلى ومها جالسين على المرجيحه
يذاكرون وجنى وغلا جالسين على العشب ونهى تدوور وتذاكر
وهم يذاكرون إلا الشباب طالعين وكاشخين حددهم
البنات صاروا يراكضون داخل لأنهم مالبسوا طرحهم والشباب شافوهم
جلسوا يضحكون على أشكالهم
ركبوا الشباب في سيارة الوليد وراحوا يفطرون والبنات طلعوا بعد ما راحوا
الشباب
نهى مطيره حاجب : وش عندهم ذولي كاشخيين كل هالكشخه
مها : تلقينهم متواعدين مع أخوياهم
نهى تناظرهم بخبث : أخوياهم ولا خوياتهم
وصاروا البنات يلاحقون نهى على كبر الحديقه
نهى تصاارخ : أمزح معكم يا مجانيين ووجعع
نروح للشباب
الشباب طلبوا من طلال أنهم يروحون كوفي وراحوا الشباب للكوفي
وجلسوا على الطاولة , الا يرن جوال نواف
نواف : يا هلا والله
راكان : هلا فيك وش أخبارك
نواف : يسرك الحال
راكان : جعله مديم إن شاءالله
نواف : تسسلم وأنت بشرني عنك
راكان : أنا بخيير ومشتااق لشوفتك
نواف : شوف أنا وعيال عمي في كوفي نت تعال كل أبونا هنا
راكان : أنا في السيارة أصلا ً ومتصل لك عشان أبي أقولك نطلع نفطر براا
نواف : خلاص حيااك كلنا بنفطر سوا
راكان : طيب يلا جاي
نواف : طيب سلام
وقفل راكان من نواف
طلال : هذا خوينا راكان
نواف : ايه جاي اللحين كان بيمر علي عشان نفطر سوا لأنه يوم الأربعاء
ما جا المعهد
عبد العزيز : حيااه الله
فارس : أجل بننتظره لين ما يجي ونطلب سوا
وصاروا يسولفون لين ما يجي راكان
نرجع للبنات
نهى : بنات أنا بروح للخيمة أدرس هناك
حلى : نهووي أدرسي ولا تشغلين التلفزيون
نهى : يووووه جاتنا جدتي الثانية
وصاروا البنات يضحكون على شكل نهى
دخلت نهى الخيمة وجلست على الكنب وهي ماسكه الكتاب لمحت سبحه
سوده عليها فصوص منثوره بالفضي عجبتها السبحه وحطتها في وسط
الكتاب وطبعا ً نهى ما تدري هالسبحه لمين بالضبط
رن جوال نهى [ سارة يتصل بك ]
نهى كانت مبسوووطه لما شافت أسم سارة
نهى وهي مبتسمه : هلا , هلا وغلا يالبى هالصووووت
سارة تضحك : نهووي يا شينه وحشتيني ماالت عليك .
نهى تضحك : وأنتي أكثر يا قلبووو
سارة مسويه نفسها زعلانه وتتشره : ويوم أني واحشتك ما كلفتي نفسك
تسألين عني .
نهى : والله أنك واحشتني يا سوسو بس تدرين بكره اختبارات وجالسين نذاكر
وأنا بعد ما أبي أعطلك عن مذاكرتك .
سارة : أنتي في غرفتك
نهى : غرفتنا أنا وخواتي تسلم عليك
سارة مستغربه : ليييه ؟
نهى تضحك : أنا في بيت جداني من يوم الأربعاء أنا وخواتي وبنات عمي
سارة : من جدك وش تسوون ومتى بترجعون بيوتكم

نهى : أبشرك موب راجعين إلا بعد الاختبارات
سارة تضحك على نهى : طيب كيف الأجواء في بيت جدانكم
نهى وقالبه خشتها : والله اليوم جانا تمسسط بخزران منقعه بمويه وملح
سارة ومييته ضحك : من اللي مسطكم
نهى وشوي بتصيح : جدتي مسطتنا
سارة ماقدرت تسكت من الضحك
نهى مسويه نفسها بتصيح : وجع سوير لا تضحكين ما ذقتي المسطه اللي
جربناها للحين تعورني .
سارة : بسم الله عليتس حياتووو
سارة : نهوي أمي شكلها جايه إذا شافتني أسولف بالجوال بتاخذه مني
نهى : طيب قفلي لا تشوفك أمك تهاوشك وتهاوشني معك ماني ناقصه
سارة تضحك : طيب قلبوو أنتبهي لنفسك وراجعي كويس أشوفك بكره
في المدرسة .
نهى : أووكي عمري أشوفك على خير وأنتي بعد أنتبهي لنفسك
سارة : إن شاءالله سلام
نهى : في حفظ الله
وقفلت سارة من نهى ورجعت نهى تذاكر ونست سالفة السبحه
نروح لبيت أم حلى
أبو حلى ماخذ إجازه اليوم , عشان يتطمن على أم حلى
أبو حلى جالس على السرير يقرا كتاب وأم حلى نايمه , أبو حلى وهو منشغل
بالقراءه حس بيد تمسك كتوفه
أم حلى : صباح الخير
أبو حلى : صباح الورد
أم حلى : الساعه 9 ليه ما قومتني يا بو حلى
أبو حلى مبتسم : أبيك ِ ترتاحين يا الغالية .
أم حلى : بقوم أسوي لك فطور
أبو حلى من عطفه وإحترامه لزوجته وأم بناته سند ظهرها على السرير مرة
ثانية : أرتاحي يا الغالية أرجعي نامي
أم حلى حطت راسها على كتف أبو حلى
نرجع للشباب
وصل راكان للكوفي
راكان : السلام عليكم
الشباب طبعا ً وقفوا : وعليكم السلام
راكان جلس جنب نواف : آسف لأني تأخرت
فارس : ولا يهمك
نواف : بما أنه وصل خوينا وش تشربون
طلال يستهبل : أبي مرقه
الشباب يضحكون على طلال
الوليد : أقوول وش تحس به قال مرقه
طلال : أنا أدري عنكم يعني كوفي وش فيه يا دلخ أكيد كوفي
عبد العزيز شوي وبيضرب طلال : والكوفي يا الدافور نوع واحد أنواع
الشباب فقعوها ضحك على عبد العزيز حتى طلال
أطلبوا الشباب كوفي وصار سواليف وضحك وإستهبال من االصبح
وعقب جلسوا يفطرون و مسوين قلق في الكوفي وكل من يمر
يقول وش فيهم ذولي << ههههههههههههههه يحسبون نفسهم في البيت
أخوانا في الله
نروح لبيت أبو الوليد
أبو الوليد : أقول يا أم الوليد
أم الوليد : لبيه
أبو الوليد : بوديك اليوم أرقى مطعم في المملكه
أم الوليد مبسوطه : من جد يا أبو الوليد
أبو الوليد مبتسم : وأنا عندي أغلى منك
أم الوليد : عسى الله لا يحرمني منك يا الغااالي
أبو الوليد : ولا يحرمني منك يا رووح وقلب أبو الوليد
صحيح أبو الوليد وأبو فارس وأبو عبد العزيز عندهم عيال كبار لكن كانت
قلوبهم ما تخلا من العاطفه اللي تمليهم وكان كل واحد فيهم يحب زوجته
وعياله وله طريقه خاصه في تعامله مع زوجته .
نرجع للبنات
البنات للحين يذاكرون صارت الساعه 10 الوقت في الصباح دايم يمر بسرعة
الجدة طلعت للحديقة : يا بنات أدخلوا داخل بدت على شوي شوي تطلع الشمس
جنى تستهبل : جدة خلينا نسوي حمام بخار
مها تضرب كتف جنى : وش ناويه تتبخر المعلومات مع ذا الشمس
غلا وحلى يضحكون على جنى ومها
الجدة : لا تكثرون هرج ويلا أدخلوا داخل
البنات : طيب يا جدة
أدخلت الجدة داخل والبنات قاموا عشان يدخلون داخل وهم رايحين تذكروا
نهى قالت لهم بتذاكر في الخيمة
حلى : يووه نسينا نهووي
مها : أي والله نهوي التعيسه ما بينت
غلا : خلونا نشوفها
وراحوا البنات للخيمة وصاروا يتسحبوون مثل الحرامية يطلون على نهى
لقوها الأخت نايمه وحاطه الكتاب ع الكنب
حلى : شف الخبلة
مها : هههههههههههههه والله فالتها هنا وأحنا نقول تذاكر
غلا : صراحه حتى أنا دخخت من الساعه 7 ونص قايمين
جنى : جاتني فكره
البنات يناظرون جنى وش بتسوي وتروح جنى وتفتح الثلاجه << في ثلاجه
صغيره في الخيمة فيها مويه وعصيرات لتجمعات الشباب
وطلعت قرشة مويه ووقفت عند نهى ورشت على وجهها مويه
نهى شهقت : ححححححههااااا << وش ذي الشهقه مدري
البنات : فاطسيين ضحك
نهى وفيها الصيحة : ووجع الله ياخذكم كلكم
حلى فاتحه ثمها : والله ياخذك معنا حضرتك نايمه وحنا نحسبك تذاكرين
نهى قامت متنرفزه : ماني مذاكره طيب
حلى بدت تعصب من صراخ نهى : لا بتذاكرين على راسك ريشه
نهى وصارت تصارخ : ماني مذاكره واللي موب عاجبه يضرب براسه في الجدار
وطلعت نهى معصبه و البنات يلحقونها وحلى كانت بتكووفن نهى بس البنات
مسكوها .
نهى داخله داخل معصصبه والبنات يمشون وراها
الجدة : نهى , نهى وش فيك
نهى : .................. سييين وماترد حتى على جدتها
حلى معصبه : هاذي وش فيها ماهيب صاحيه الظاهر استخفت قبل الاختبارات
الجدة : حلىىىى خلاااص
الجدة : جنى وش فيها نهى راكبه معصبه وما تكلم أحد
جنى : والله ياجدة أحس إن حنا ضايقناها لأن رشينها على وجهها مويه بارده
وهي نايمة في الخيمة
الجدة : وليه تسوون كذا لأن هاذي الحركه تنرفز وأكيد إنها كانت غاطه في النوم
غلا : أنا بروح أشوفها
الجدة : كلكم أبيكم تشوفونها وإذا تبون تنامون تريحون لين الساعة 12 بقومكم
تصلون وبعدين ترجعون تذاكرون
البنات : طيب يا جدة
وركبوا البنات فوق عشان يروحون لنهى , بس نهى قافله الباب
غلا تدق الباب على نهى : نهوووي أفتحي الباب
نهى معصبه : مابي أفتح لأحد
جنى : نهوي حبيبتي أنا جنوو أفتحي الباب أبي أكلمك
نهى قامت تفتح الباب عشان جنى : وش تبون
البنات صاروا يلمون نهى
نهى تناظر حلى
حلى حضنت نهى : آآآسفين يا شينه
نهى مسويه نفسها زعلانه : صحيح أنكم نرفزتوني بالمويه البارده بس أحبكم
والله يعيني عليكم يا الدوافير
البنات فقعوها ضحك
غلا انسدحت على السرير : بنااات أبي أقولكم سر خطيير
البنات نطوا عليها : وشـــــــــــوو قولي
غلا : بعد ما نخلص اختبارات
مها تضرب غلا بالمخدة : يلا قوولي وشو
غلا : والله ماراح أقول لكم اللحين
جنى : والله أنك سخييفه تحمسسنا وبعدين تقول بعد الاختبارات
نهى : أنا بنام شوي أحسن من مقابل وجيهكم
البنات : لا تنامين اللحين الساعة 10 ونص
نهى : وطيب خير يا طير
حلى : حنا بنريح بعد الغدى لين العصر
نهى شوي وبتصيح : أكره الشهر اللي يقولون فيه اختبارات تجيني عقده نفسيه
البنات يضحكون على نهى
ورجعوا يذاكرون لين وقت الغدى
نرجع للشباب
نواف : يلا شباب عشان نروح البيت لا تنسون ورانا صلاة جمعه
الوليد : صادق يلا مشينا
راكان : أنا بروح البيت
طلال : حياااك معنا صل ويانا وبعدين تغدى عندنا
راكان : لا معليه بروح للبيت
فارس : خلاص أجل نشوفك بالليل
راكان : إن شاءالله بالليل راح نتلاقى , يلا أنا أستأذن سلام شباب
الشباب : سلاااام
وراحوا الشباب ورجعوا لبيت جدانهم وراكان راح لبيتهم ومثل ما تواعدو راح
يلتقون فيه بالليل
رجعوا الشباب لبيت جدانهم ع الساعه 11 بالضبط وكل واحد دخل يسبح
ولبس ثوبه وشماغه عشان يروحون المسجد سوا , عبد العزيز تذكر ان سبحته
في الخيمة نساها ع الكنب وراح عشان ياخذها دخل الخيمة يدورها
ما لقاها فيه
عبد العزيز : مين أخذ سبحتي ليكون الشغالات ينظفون وشالوها << ظلمهم
وعبد العزيز ما خلا مكان ما دورها فيه , عبد العزيز ما يستغني عن سبحته
هاذي لأنها من أمه .
نرجع للبنات
نهى كانت في دورة المياه << عزكم الله , تتوضى عشان تصلي
جلست مها على السرير وكانت تتصفح في كتاب نهى ولقت السبحه داخل
حلى مطيره عيونها : من وين جات هالسبحه
مها مستغربه : مدري لقيتها في كتاب نهوي
غلا : ونهوي من وين لها هالسبحه
جنى : يمكن ماخذتها من أبوكم
طلعت نهى من دورة المياه ولقت البنات ملتمين على كتابها ويسألون بعض
من وين لها نهوي هالسبحه
نهى مطيره حاجب : وش عندكم ملتمين كذا على كتابي كنكم ذبان
حلى تناظر نهى : نهووي من وين لك هالسبحه
نهى شافت السبحه وفتحت ثمها نستها
نهى : يووووه نسيتها والله
جنى : ليه مين حقته
نهى تناظر البنات : والله مدري مين حقته لقيتها على الكنب عجبني شكلها
غلا : أفرضي طيب حقت وحده من عيال عمي روحي رجعيها بسرعه قبل
لا يجوون << والبنات ما يدرون إن الشباب موجودين
نهى : طيب بروح أرجعها
ونزلت نهى بسسرعه وتركض ركض ع الدرج ودخلت الخيمة ولقت عبد العزيز
يحووس وكأنه يدور شي توها بتطلع الا عبد العزيز يناديها
عبد العزيز : نهى وقفي
نهى بارتباك : لبيه
عبد العزيز : إذا تبين شي أنا بطلع اللحين بروح أصلي
نهى تبي تتأكد إذا عبد العزيز يدور سبحه له ولا لا : وش تدور
عبد العزيز : سبحتي مدري وينها عاد هالسبحه أحبها حييل وما أستغني عنها
نهى حست بصدمة وكأن أحد كب عليها مويه بارده وتفكيرها قام يودي
ويجيب ليه عبد العزيز ما يستغني عن هالسبحه
عبد العزيز يناظر نهى : بنت خاالي وش فيك وين رحتي
نهى : عبد العزيز بقولك شي بس لا تزعل أوكيه
عبد العزيز يبتسم : وأنا أقدر أزعل منك قولي
نهى حست بلخبطه , وحطت يدها في مخباها وطلعت السبحه
نهى : هاذي سبحتك صح
عبد العزيز يبتسم : ايه سبحتي
نهى : آسفه لأني أخذتها بس والله ما أدري أنها لك
عبد العزيز يناظر نهى : طيب فرضا ً مهوب لي , لغيري ليه خذتيها
نهى حست بإحراج : عجبتني حيييل وحطتيها وسط كتابي ونسيتها داخل
الكتاب والبنات ذكروني فيها ولا أنا ناسيتها وجيت أركض بسرعه ولقيتك هنا
تدورها
عبد العزيز يضحك : حصل خير يا نهى
وصار صمت وكل واحد فيهم يناظر الثاني
نهى : عن أذنك بروح أصلي
عبد العزيز : وأنا بعد الله يتقبل إن شاءالله
نهى : منا ومنك صالح الأعمال والطاعات
وطلعت نهى وراحت لفوق , وعبد العزيز طلع وركب السيارة عشان يروحون يصلون
عبد العزيز مو مصدق كيف جمعته الصدفه بنهى
ونهى بينها وبين نفسها : وش هالصدف ما توقعت صراحه إن السبحه سبحة
عبد العزيز
دخلت نهى الغرفة عند البنات
البنات : رجعتيها
نهى : ايه حطيتها مكانها << تصرفهم
مها : زين أجل خلونا نصلي ونقرا قرآن شوي , البنات فرشوا سجاداتهم و
صاروا يصلون ويقرون قرآن
والشباب كانوا في المسجد مع جدهم
ع الساعه 12 و10 رجعوا الشباب مع جدهم وسفرت الغدى كانت ممدوده في
المقلط والبنات صاروا يتغدون مع جدتهم وسواليف وضحك ووناسه مع الجد والجدة
ع الساعه 1 ونص البنات استسلموا للنوم << صاروا ماعاد يدلون الدرب
والشباب جالسين ع النت أما عبد العزيز يتذكر الصدفه اللي جمعت بينه وبين
نهى

تكملت البارت [ الســـآدس عشر .., أنت كآفي ومآ أبي غيـــرك أحــــد ]
زي ما قلت لكم سآبقا ً << أحلى يا لغه عربية إن اليوم جمعه وبكرة إختبارات
الساعه 8 المساء
نروح للشباب
الشباب جالسين في الخيمة حاطين القهوة والشاهي وسلة الجوكليت
ومجهزين الورقه والبلي ستيشن << كل أنواع الألعاب الشبابيه
وضحك وسواليف وطبعا ً متواعدين مع راكان .
نروح للبنات تحديدا ً في الغرفة
حلى : أبي جوكليت
نهى : في , في الكيسة
جنى : الله يرحم والديك ِ ما عاد فيها شي
غلا : لاااااااااااااااا بليييز لا تقولين خلصت
مها فاتحة ثمها : لا تقولون مافي جوكليت ترى يجيني صدااع نصفي
البنات يضحكون على مها
نروح لبيت أم حلى
أم حلى دقت على أم فارس
أم فارس : آلو
أم حلى : السلام عليكم يا أم فارس
أم فارس : يا هلا ومرحبا حياالله هالصوت
أم حلى تضحك : الله يحيك يا أم فارس
أم فارس : كيفكم يا أم حلى كيف أبو حلى وكيف البنات ويا الدراسة
أم حلى : والله بخير الحمدلله بس البنات ما كلمتهم بكلمهم بكره أشوفهم وش
سوو باختباراتهم .
أم فارس : الله يوفقهم يارب
أم حلى : آآآمين
أم حلى : خلاص أجل يا أم فارس أنا أخليك ِ عشان أبو حلى جا حبيت أسلم عليك
أم فارس : سلمي على أبو حلى ولا تقطعين يا الغالية
أم حلى : الله يسلمك فديتك وجعل ما بينا قطاعه إن شاءالله
أم فارس : الله يحفظك
أم حلى : فمان الله
نرجع للشباب
وصل راكان واقف بسيارته براا بيت الجد والجدة
دق جوال نواف
نواف : هلا راكان
راكان : هلا نواف أنا برا
نواف : طيب أنا جايك اللحين
الشباب : جا راكان
نواف : أيه بدخله
وراح نواف يدخل راكان
راكان : السلام علييكم
نواف : وعليكم السلام حياالله راكان
راكان : الله يحيك
نواف يسحب يد راكان : وش فيك أدخل حيااك
ودخل نواف راكان الخيمة عند الشباب
الشباب : يا هلاااا حيا الله من جانا
راكان يبتسم : الله يحيكم
وجلس راكان وضيفوه الشباب قهوه وشاهي << وكل ما لذ وطااب
نرجع للبنات
نهى : يا ناس أبي جوكليت حراااام عليكم
مها : أي والله حنا ما عندنا جوكليت
حلى : شوفوا لكم حل ما يصير
غلا : بنقوول لجدتي
جنى : أيه عشان تاخذين مسسطه من جدتي
البنات يضحكون على جنى
نهى : مافي إلا نقوول للشباب يجيبون لنا جوكليت من السوبر ماركت
مها : أي والله فكرة مش بطالة
جنى : بتكلمين أخوانك ولا أكلم أخواني
مها : بشووف الوليد
مها دقت على الوليد مع السواليف والإزعاج ما انتبه الوليد لجواله
البنات : وش فيك
مها : ما يرد الوليد
جنى : بتصل على فارس
فارس أنتبه لجواله يرن
فارس : آلو
جنى : هلا فروس
فارس : وش عندك جنى
جنى : ما أسمعك وش هالإزعاج أنت براا
فارس طلع برا الخيمة : أنا كنت في الخيمة وعندنا خوينا
جنى : طيب خيوو نبي جوكليت
فارس : جووكليت من وين
جنى : عندكم عطونا , ما عندكم أشتروا لنا الله لا يهينكم
فارس : بروح أشتري لكم الله يعيني عليكم .
جنى : طيب لآ هنت خيوو
وقفلت جنى من فارس
البنات : بشري وش صار
جنى : فارس بيروح يشتري لنا جوكليت
نهى : قولوا آآآآمييين
البنات : آآآآمين
نهى : يالله إن تخلي لنا فرووس ولد عمي
البنات : آآآآمين << كله عشان الجوكليت .
جنى : يقول عندهم خويهم
مها : أي خوي هذا بعد
نهى : ليكون هذا اللي أسمه راكان
غلا حست إن قلبها نغزها وبينها وبين نفسها : معقووله راكان هنا وش جابه
حلى : يا هييه وين رحتي .
غلا : أبد معكم
دق جوال جنى [ فارس أخوي يتصل بك ]
جنى : هلا فروس
فارس : بروح للسوبر ماركت تروحين معي
جنى : أيه بروح معك
البنات نطوا : بنروح معاكم
جنى : بسم الله الرحمن الرحيم
فارس يضحك : طيب يلا أنتظركم
جنى : بنقول لجدتي أنا بنروح معك للسوبر ماركت
فارس : طيب لا تتأخرون علي
جنى : ماراح نتأخر سلام
ولبسوا عبيهم البنات ما صدقوا على الله ونزلوا تحت وشافتهم الجدة
الجدة تناظرهم : على ويييين إن شاءالله
البنات : جدة تكفيين نبي نروح السوبر ماركت
الجدة : وش تسوون في السوبر ماركت
البنات : نبي جوكليت يا جدة
الجدة : وش جوكليت ذا بعد
البنات : جدة كاافي كاافي
الجدة : مين بيوديكم للسوبر ماركت
البنات : فارس
الجدة : عندكم فلووس
البنات : لااا
الجدة : طلعت الفلوس وعطت كل وحدة من البنات 200
البنات مبسووطين : عسى الله لا يحرمنا منك يا جدة
الجدة : يلا روحوا لا تتأخرون بكره وراكم اختبارات
البنات : إن شاءالله
وصاروا البنات يراكضون كن لاحقهم أحد
فارس شافهم وجلس يضحك على أشكالهم

البنات : السلام عليكم
فارس يضحك : وعليكم السلام
جنى : فروس وش فيك فاطس ضحك
فارس : أضحك على اشكالكم
فارس : توكلنا على الله أي سوبر ماركت تبون
نهى : أبي العثيم
البنات فاتحين أثاميهم : أنهبلتي أنتي العثيم وين وحنا وين
فارس يضحك : خلاااص بوديكم بنده قريب من بيت جداني
نهى : أووف يا ذا البنده
حلى: أحمدي ربك بعد أنك طلعتي بتروحين بنده
فارس موب قادر يمسك نفسه من الضحك
وأخيرا ً وداهم بنده طبعا ً نزل فارس معهم
البنات راحوا أول شي لقسم الجوكليت
نهى : اممممم كيندر حطي في السلة
غلا : سنيكرز نبي كيسة
حلى : فيريرو روشيه
مها : نبي كتكات ونبييي تايم أوت
جنى : لا تنسون التولا
نهى : نبي كيسة كليجة بعد << إحسااس غرامها وعشقها الكليجه
وصاروا البنات يدورون على كبر بنده يخلصون من الجوكليت يروحون للحلويات
يخلصون من البطاطس يروحون للعصاير
وأخيرا ً خلصوا البنات بنده
فارس : خلااااص خلصتوا
البنات مبسوطين : أي
فارس : عطوني الأغراض عشان أحاسب
جنى : فرووس أغراضنا واجد وبعدين جدتي معطى كل وحده فينا على 200
فارس : معلييه أنا بحاسب خلوا فلوسكم عندكم الخير واجد
وأخذ فارس العربة حقت البنات وصار يحاسب طلع الحساب كله 460 <<
مدري وش شارين
وطلعوا البنات من بنده وركبوا السيارة
فارس يناظر البنات في المراية وتحديدا ً مها : تبون شي بعد
نهى : أي
حلى تضرب كتف نهى : وش تبين بعد
فارس : حلى خليها تقول وش تبي
نهى تستهبل : كح كح يووه آسفه حكرتكم بالغباار ,
البنات وفارس يضحكون على استهبال نهى
نهى : أبي آيس كريم من باسكن روبنز
فارس : أممم هاذي مافيه
نهى شوي وبتصيح : ليييه فارس
فارس : لأني أخاف عليكم تمرضون وبكره اختبارات بس أوعدك آخر يوم
اختبارات بجيب لك وللبنات ولا بعد أعشيكم على حسابي
نهى مسويه نفسها زعلانه : وععد
فارس يضحك : وعد
ورجع فارس البنات للبيت
نزلوا البنات مبسوطين ودخلوا بأكياسهم البيت
الجدة : هاه شريتوا مدري وش سميتووه
البنات يضحكون : ايه يا جدة
الجدة : خلاص روحوا فوق دراسه يلا
نهى تتحلطم : رجعنا للغثى
الجدة : وش قلتي يا بنت ناصر
نهى : أقوول لبى أبووي ناصر ولبى جدتي
البنات يضحكون على نهى << زين ما خذت تهزيئه
نرجع للشباب
الشباب يلعبون ورقه رن جوال راكان
راكان : أنا أستأذنكم شوي بطلع برا عشان أكلم الأهل
الشباب : البيت بيتك خذ راحتك
راكان طلع برا يكلم << وطبعا ً ينصب موب الأهل ولا شي
نرجع للبنات
البنات صاروا يرتبون الأغراض اللي شروها أما غلا راحت عند البلكونه فتحت
الدريشه تفاجأت براكان تحت << بس هالليله ماراح تعدي على خير لأن راكان
شاف غلا
غلا جلست مع البنات , بس كان باين عليها الارتباك
مها : غلا وش فيك
غلا تصرف البنات : أبد بس حسيت بدوخه فجأه
نهى : بسم الله عليك غلوو وش فيك تعبانه
غلا : لا تخافون مافيني شي أنا بخير
نرجع تحت لراكان
راكان بينه وبين نفسه : الحلوو هنا لازم أشوفها بأي طريقة
ودخل راكان الخيمة وكملوا لعب بس راكان معهم ولا هو معهم كل همه
يخطط كيف يوصل لغلا
نروح لأستاذة دلال
أستاذة دلال ماسكه جوالها وتقلب فيه , شافت رقم نهى مكتوب [في القلب ]
قالت تبي تدق عليها تتطمن عليها << صحيح أستاذة دلال تصرفاتها موب
تصرفات وحده عاقله بس كانت حنونه وقلبها طيب وقالت بترسل لنهى رساله
نرجع للبنات
البنات كانوا يراجعون وياكلون جوكليت الا جوال نهى صوت رساله
نهى فتحت الجوال
نهى : رساااله من مين

فتحت جنى صندوق الوارد شافت أسم أستاذة دلال نهى بينها وبين نفسها : يعني هاذي ما عندها كرامه وفتحت الرسالة الرسالة مساء الخير .. نهى كيفك إن شاءالله تمام نهى ممكن تكلميني أبي أتطمن عليك بلييز خذت نهى جوالها وطلعت برا الغرفة عن البنات نهى دقت على أستاذة دلال أستاذة دلال مبسوطه نهى : آلوو أستاذة دلال : هلا وغلا نهى : كيفك أستاذة دلال : بخير دامك بخير يا قلبي نهى : ياريت لو تكلميني زيي زي أي طالبة أستاذة دلال : ياريت لو أقدر نهى : وليه إن شاءالله أستاذة دلال : لأني أحبك وأعزك ومكانك غيير عن باقي الطالبات نهى بعصبيه : أنتي وبعدين معك نهى : أقوول مع السلامة وراي مراجعه بكره اختبارات ماني فاضيه وقفلت نهى الخط في وجه أستاذة دلال أستاذة دلال : سوي اللي تبين يا نهى لكن ماراح أتركك نهى : فعلا ً هاذي مثل الجدار ما تحس حتى الجدار يحس وهي أعوذ ُ بالله ثقيلة دم . دخلت نهى الغرفة حلى : وينك أنتي نهى : يعني ويني في المريخ قداامكم وربي في نفس البيت جنى : حلى الله يهديك وش فيك ِ صايره كنك المحقق كونان حلى مطيره حاجب : أقول أدرسي أنتي وياها ولا يكثثر نرجع للشباب راكان : نواف أبي دورة المياه أكرمك الله نواف على نياته : أول ما تطلع من الخيمه روح سييده ولف يسار تلاقي حمام برا قريب من مقلط الرجاجيل راكان : طيب نرجع للجدة الساعه صارت10 الجدة تنادي الشغالات : سلام كريمة الشغالات : نعم ماما الجدة : سلام نادي البنات وراحت سلام لفوق ونادت البنات ونزلوا البنات مع الشغاله تحت عند الجدة الجدة : يلا بنحط العشى يا بنات وصاروا البنات يساعدون الجدة ويحطون العشى الجدة : ودوا العشى مع الشغالات لمقلط الرجاجيل ومثل العاده ودوا البنات العشى للمقلط وراكان كان يناظرهم من بعيد << كل همه يوصل لغلا غلا كانت لابسه ساعه في يدها وهم يحطون السفرة والأكل فصخت ساعتها ونستها طلعوا البنات والشغالات من المقلط وراحوا داخل الجدة : خلصتوا حطيتوا الأكل البنات : أي البنات : وين جدي الجدة : اليوم رايح المزرعه مع أبو بندر وأبو خالد الجدة : كريمة قولي لفارس ولا الوليد يروحون للمقلط عشان يتعشون غلا تذكرت ساعتها غلا : كريمة أصبري نسيت ساعتي هناك الجدة : وينها فيه غلا : نسيتها في المقلط الجدة : خلاص أجل حنا بنزين سفرتنا لين تجين غلا : طيب يا جدة وراحت غلا المسكينه للمجلس وماتدري إن راكان يراقبها عشان يوصل لها غلا صارت تدور على السفرة ما حصلتها تدورها على المكتبه مافي ما حست غلا إلا والباب يتسكر غلا بغى يغمى عليها حست بصدممه وخوف رهييب غلا بصدممة : راكاااان راكان وعلى وجهه نظرة إنتصار : أي راكان غلا خايفه : وش تبي راكان صار يقرب من غلا أكثر : وش أبي أبيك يا عسسل غلا صارت تدور على السفره مع راكان : راكان أحسن لك أبتعد عني لا أصرخ وألم عليك عيال عمي كلهم راكان يضحك ضحكة إستهزاء : ومين بيسمعك الباب مقفول والمفتاح عندي غلا شوي وبتصيح : أنت واحد ووقح وما تخاف الله يانذل راكان صار يلحق غلا وكان في طوفريه مع الأكل غلا خذت الطوفريه وضربتها على راس راكان بقووه وخذت السكين اللي مع الفواكه غلا : شوف يا حقيير إذا ما طلعت المفتاح من جيبك صدقني برتكب فيك جريمة وترى ذبح أمثالك موب حراام يا نذل راكان من قو الضربه اللي جاته على راسه : عطى غلا المفتاح غلا وهي ماسكه السكين : والسااعه يا حقير وطلع راكان الساعه وخلت راكان يفتح الباب وكانت السكين في ظهر راكان بالضبط طلعت غلا تركض ورمت السكين لما قربت وكانت تصيح المسكينه ومرتبكه وتمسح دموعها وتعدل حالتها وعقب راحت للمطبخ أما راكان يتوعد غلا وما راح يخليها في حالها وخصوصا ً بعد ما جاته هالضربه رجع راكان للخيمة ولا كنه مسوي شي أما حلى لاحظت الارتباك على وجه غلا حلى : وش فيك غلا ليه ما تاكلين غلا خايفه بس ما تبي تبين هالشي لحلى ولا للبنات وجدتها : مافيني شي آكل . نروح للشباب كانوا يتعشون بس راكان كان يتذكر اللي صار له مع غلا راكان بدون ما يحس حط يده على راسه وشال يده وكان فيه شوية دم الشباب مستغربين وش هالدم وش فيه راكان نواف : راكان وش هالدم الشباب : سلامااات راكان وش فيك راكان مرتبك : سلامتكم بس فيني جرح في راسي وشكلي حركته بقوو وطلع هالدم . فارس : طيب لازم تروح للدكتور عشان ما ينزف الجرح راكان : إن شاءالله نواف يناظر راكان : وكأنه متشكك في السالفه راكان حس بارتباك من نظرات نواف له : عن إذنكم بغسل يدي الوليد : راكان عندك صيدليه صغيرة عند المغسله عقم الجرح عشان يوقف الدم راكان : إن شاءالله مشكورين وراح راكان لدورة المياه ووقف عند المرايه يشوف راسه ولقى راسه مجروح من قوة الضربه راكان : طيب يا غلا أنا تسوين فيني كذا بس معليه وين بتروحين مني رجع راكان بعد ما عقم جرحه وصاروا يتعشون الشباب وسواليف وضحك نرجع للبنات البنات خلصوا عشاهم وصاروا يضفون السفرة الجدة : يلا يا بنات روحوا أدرسوا الساعه اللحين صارت 10 ونص الشغالات بيضفون سفرة العيال البنات : إن شاءالله ياجدة راحوا البنات لفوق للغرفة غلا عشان تخفف حدة الخوف اللي فيها خذت لها ملابس عشان تاخذ دش نهى : وين ليكون بتروحون المسبح وأنا أخر من يعلم جنى : أسمع بس هاذي وين وأحنا وين أنهبلتي نهوي أي مسبح وأي بطيخ غلا : باخذ دش دخلت غلا دورة المياه وصارت تبكي وكيف يتجرأ هالحقير ويسوي فيها كذا غلا حست أنها رااح تنفجر << وعارفه أكييد نواف ما يدري إن صديقه يحاول يتجرأ عليها . نرجع للشباب راكان : أنا أستأذن الشباب : وين بتروح راكان بدري نواف : أجلس شوي تو الناس الساعه 11 إلا ربع راكان : لا برووح تدري بكره السبت وراكم أشغاال وأنا ونواف عندنا معهد أكرمكم الله وماقصرتوا الشباب : فيه العافيه وحياك الله نواف وصل راكان للباب نواف : إذا وصلت البيت طمني عليك راكان : طيب أشوفك على خير راح راكان بس للحين نظرة الشك في عين نواف قلبه موب متطمن لسالفة الجرح . نرجع للبنات للحين يدرسون البنات مها : بنات بسوي لي كوفي في أحد يبي كوفي نهى : يا شييخه بعد شوي بننام خلي الكوفي للصباح مها : نهوي ما تبي للمره الأخيرة في أحد يبي البنات : لااا

ونزلت مها للمطبخ تسوي لها كوفي خلصت مها الكوفي وحبت تطلع برا
تتمشى شوي في الحديقة
مها وهي تتمشى فارس كان طالع من الخيمة
أبتسم فارس لما شاف مها وحس قلبه بيوقف << من الفرحة طبعا ً هههههه
جا فارس صوب مها
فارس : كيفك مها
مها بابتسامة : بخيير
فارس وعينه في عين مها : جعله مدييم
مها : وياك يارب
فارس يستهبل : وش تشربين
مها وهي صااده : كووفي
فارس بحركه سريعه : سحب الكوب من يد مها وصار يشرب الكوفي
مها تضحك واقفه تناظر : فااارس الكووفي حقي
فارس يقهر مها : تبين سوي لك واحد ثاني , وأدرسي كوويس
مها اكتفت بالإبتسامة
ودخلت مها وراحت فوق
لقت البنات كلهم متسدحين << صارت الساعه 12
مها توها بتحط راسها مع البنات الا غلا تصارخ << لاااااااااااااا
مها قامت تركض فتحت اللمبه والبنات صحوا
مها حضنت غلا : غلا بسم الله عليك الرحمن الرحيم وش فيك فديتك
حلى مسكت يد غلا : غلا حبيبتي وش فيك
نهى قامت تجيب مويه لغلا : وصارت تشربها مويه
جنى : بنات خلوها ترتاح
وطفوا البنات اللمبه وشغلوا الأباجوره
الشباب كلهم كانوا في الغرفة كل واحد يكبر مخدته ما عدا فارس جالس
يسمع أغنية حسين الجسمي

انته كافي وما أبي غيرك أحد
إنته كافي وانت بزياده عليه
أوعدك ما تلتفت عيني لأحد
ايش أبي أكثر مدامك إنته ليه

إنت واحد بس تغني عن بلد
حي حبك يا بعد روحي يا حيه
تنعمي عيني إذا خزت أحد
وتنقطع لو صافحت غيرك يديه

في ربيع أنا معاك وفي رغد
أنا في نعمه وفي عيشه هنيه
نجم غيرك ينزل ونجمك صعد
أصلا انته اللي امتلكت الجاذبيه
فارس يحب يسمع هالأغنية تذكره بمها
طبعا ً ع الساعه 12 ونص الكل ناام بكره اختبارات وأشغال

exams [ البارت السابع عشر ] <<
اليوم السبت << يوم الررعب بالنسبه للطالبات , ويوم التعب
في بيت الجد والجدة
الساعه 6 الصباح << اكيد الصباح يعني المساا
البنات جالسين على طاولة الفطور مع الجدة وكل وحدة ماسكه كتابها
وتراجع
الجدة : أفطروا يا بنات عشان تركزون في الاختبار
البنات : إن شاءالله ياجدة
نروح للشباب << تحديدا ً في الخيمة
الشباب بعد جالسين يفطرون
فارس : مين بيودي البنات للجامعة
الوليد : السواق
فارس : والله مدري
نروح لبيت راكان
راكان جالس يفطر مع أهله
الريم : يلا راكان عشان توصلني للجامعة
راكان وماله نفس : طيب يلا
الريم : وش فيك راكان تعبان , في شي مضايقك
راكان بعصبية : يووووه يا الريم بلا أسئله مااصخه
الريم مسكينه حست بضيق : طيب يلا خلنا نروح
راكان حس أنه ضايق أخته : يلا مشينا , الريم لا تزعلين مني بس ما أحب أحد
كل شوي يسألني وش فيك .
الريم سااكته وماردت على راكان .

نرجع لبيت الجد والجدة
نهى : جدة مين بيوصلنا
الجدة : مجيد السواق
مها : جدة لازم نروح اللحين الساعه صارت 6 ونص
جنى : أدعي لنا يا جدة
الجدة : الله يوفقكم
البنات : آآآميين .
طبعا ً البنات خذوا كتبهم وأغراضهم وطلعوا , والشباب كانوا بيطلعون بعد
الوليد : صبااح الخير يا بنات
البنات : صباح النور والسرور
الوليد كيفكم ويناظر جنى : البنات بخير << وجنى طبعا ً راحت مملح من نظرات الوليد
فارس : إن شاءالله ذاكرتوا كوويس
البنات : الحمدلله
عبد العزيز : نهى مارديتي كيف مذاكرتك
نهى حست بشعور غريب لما كلمها عبد العزيز : اممم يقولون شكلي بجيب العييد
البنات والشباب يضحكون
نواف وهو يناظر غلا : موفقين إن شاءالله
غلا في داخلها : وربي أحبك يا نواف , بس كيف اقولك اللي في داخلي
طلال : أكتفى بالابتسامه وشوي بياكل حلى بعيونه
حلى حست باحراج وبينها وبين نفسها : يازين هالصبح بشووفته .
نهى : يلا بناات مطولين تأخرنا يلا
وركبوا البنات السيارة وفتحوا الدرايش ويسون باااي باااي للشباب
وطبعا ً الشباب كل واحد فيهم ركب سيارته وراحوا لشركاتهم وأشغالهم

البنات في السيارة
نهى تعلق على جنى : شفتوا ناااس بغوا ياكلوون جنوو بعيونهم , هذا واحنا
قداامه بعد
البنات يضحكون على نهى
جنى تضرب نهى بالكتاب : وجعع نهووي تراك ِ باايخه على هالصبح
نهى تستهبل : يااااي لااااا أقوول أسكتي بس أنتي تموتين فيه وهو يموت
فيك وإن شاءالله تنجحين ويتقدم لك عشان نفتك منك ومنه .
مها تناظر جنى : آآآمين
البنات صاروا يضحكون على جنى << لأنها شوي وبتدخل في ثيابها
وصلت نهى للمدرسة , البنات واقفين عند باب المدرسة
حلى : يلا أنزلي وسمي بسم الله
نهى مبين عليها الارتباك : وربي أحس بنفظه كنهم حاطيني في كهرب من الخوف
غلا تضحك : أجل فيك شووط أنزلي لا تكهربينا
نهى تضرب غلا : والله أنك سخييفه أنا خايفه وأنتي تستهبلين
مها : ربي يوفقك قلبوو ولا تتسرعين في اجاباتك ركزي كويس
نهى وهي نازلة : ويوفقكم يارب يلا سلام
جنى : خلاص عندك جوالك اذا خلصتي الاختبار دقي
نهى : اوكي باي
نهى وهي داخله شافت الهنوف

داخل المدرسة الثانوية
نهى تفصخ عبايتها , جاتها الهنوف
الهنوف : كيفك وحشتيني
نهى تبتسم للهنوف : وأنتي أكثر قلبوو
الهنوف : كيف المذاكرة معك
نهى : تمام الحمدلله
الهنوف : يبتدي الامتحان الساعه 7 ونص , اممم ممكن أجلس معك شوي
نهى : طبعا ً ليه لا
الهنوف سحبت يد نهى وجلست معها على الكرسي
الهنوف : نهى بقولك شي بس ما بيك تزعلين مني
نهى : أولا ً لا تناديني نهى << قولي لي نهووي , وثانيا ً قولي اللي في
خاطرك وماراح أزعل منك .
الهنوف : نهوي أنا أحبك وأعزك كثييير بس مدري ليه كل ما جيت أكلمك ومعاك
سارة أحس أنها تتضايق لما تشوفني .

نهى حست بلخبطه : أحمم شوفي الهنوف سارة موب سالفة تتضايق منك
بس عشان سوسو صديقتي من زمااان وتحبني وتقدرين تقولين فيها غيره
شوي .
الهنوف وجهها تغير وكأنها تضايقت من كلام نهى
نهى : الهنوف وين رحتي
الهنوف قامت من عند نهى : لازم أروح وآسفه اذا ازعجتك أو ضايقتك بكلامي
نهى مسكت يد الهنوف : الهنوف وش فيك
الهنوف : مافيني شي بس ابي أراجع شوي وأنتي بعد راجعي سي يو
نهى وقفت تناظر الهنوف
الهنوف وهي رايحة صادفت سارة وحاولت تتجاهلها أما سارة
سارة : قططع يا كرهي لذا البنت مدري ليه ما أبلعها وتنفقع كبدي لا شفتها
واقفه مع نهوي
نهى جالسة على الكرسي وتفكر في الهنوف وش فيها
سارة من بعيد : نهووووي عؤؤؤمري
نهى وهي رايحة لسارة : يالبىىىىىىى رووووحها ياناااااس
وطبعا ً كل وحده لمت الثانية << لازم الأفلام الهندية بعد غياااب طوويييل
سارة وهي مبسوطه بشوفت نهى : وحشتيني يا شييينه
نهى : وأنتي أكثر يا قلبي
سارة تناظر نهى ومطيره حاااجب
نهى تحط القلم في شوشتها : وش فيك تناظريني كذا كني مسويه شي
سارة : صادفت الهنوف وانا جايه ليكون كانت جالسة معك
نهى تسوي نفسها تذاكر << وطنشت سارة
سارة وخرت الكتاب عن وجه نهى : نهووي كنتي جالسة معها صحح
نهى : ايه
سارة : كم مرة قلت لك ما أحب هالبنت
نهى مطيره حاجب : سوير وش فيك ع البنت ترى والله حبووبه وعسسل
وكيووت .
سارة عصبت على نهى وقامت من عندها
نهى وهي فااطسسه ضحك : سوييير يا مجنوونه تعالي
والبنات كانوا يناظروون نهى << اللي تناظر نظرات إعجاب واللي تقوول
وش ذا الإزعااج
نهى جلست تناظر البنات وتربعت على الكرسي وغطت وجها تسوي نفسها
تذاكر .

نروح للجامعة تحديدا ً في [ الكـــوفي ]
مها : الله يعين والله اني خايفة
الريم : لا تخافين حبيبتي وكلي أمرك لله .
حلى : من جد الاختبارات تقلق الواحد ما ترتاحين الا اذا طلعتي من الاختبار
غلا : عساه سهل بس ما يطلعوون عيونا .
جنى : أبي كوفي ثاني عشان أركز بعد
وصاروا البنات يراجعون لين موعد الاختبار .

من جهه ثانية نروح لمعهد الفنون
دخل نواف المعهد ولقى راكان جالس يرسم وسرحاان وكأنه يفكر في
شي مهم وشااغل باله
نواف : صباح الخير
راكان : هلا نواف صباح النور والسرور
نواف يناظر راكان : كيف راسك اليوم
راكان حس بارتباك شوي : راسي أي الحمدلله أحسن
نواف وكأنه يبي يعرف راكان وش فيه : راكان ممكن أسألك سؤال
راكان بارتباك : تفضل
نواف : وش اللي جرح راسك ياراكان
راكان أسترجع شرييط اليوم اللي كان يبي يتجرأ فيه على غلا
نواف يحرك كتف راكان : راكان هيييييييه وين وصلت ؟
راكان بارتباك : لا ولا شي معك معك
نواف : ما جاوبتني على سؤالي وش منه هالجرح
راكان يحاول يخترع قصة لنواف : هذا أنا وأختي الله يسلمك تهاوشنا بسبة
الجوال وضربتها من حرتي منها , وردتها لي ضربتني بالتحفه على راسي من
قهرها << هي ما كانت تقصد بس لأني أنا عصبت عليها وهزأتها ومدييت يدي
عليها وبس وطلع الدم عاد لما كنت عندكم نسيت الضربه حركت راسي وصار
اللي صار
نواف يضحك : وليه تسوي في أختك كذا دامك مديت يدك عليها أجل تستاهل
اللي جااك منها وأزوود
راكان حس بالقهر : ياخي وش فيك أنت أقول ضربتني بالتحفه على راسي
زين ما فقدت الذاكره وتقولي تستاهل ياخي ما عندك إحساس

نواف وهو ماسك فرشاة الرسم : خليت الإحساس لك يا بو إحساس يا حبيبي
البنت كتلة من المشاعر والأحاسيس البنت مثل الوردة كلها رققه
كيف تتعامل معها كذا البنت كلمها بأسلوب حلو ورايق ما تشوف منها إلا اللي
يسرك أما إذا جيتها بأسلوب همجي توقع منها أي شي موب بس تكسر
راسك إلا تذبحك بعد .
راكان يناظر في نواف : وجلس يفكر بالكلام اللي قاله نواف << وياريت نواف
لو ما تكلم لان راكان شكله يبي يطبق الكلام اللي قاله مع غلا .

نرجع للبنات في الجامعه كانوا في قاعات الإختبار .. يعني في حالة صممت

نرجع للمدرسة الثانوية بعد في حالة [ صمت لانه وقت اختبار ]

نروح لبيت الجد والجدة
الجدة جالسة في الصالة وتناظر التلفزيون وتشرب شاهي دق تلفون البيت
الجدة : ألو
أم حلى : هلا يمه كيفك إن شاءالله بخير .
الجدة : هلا حبيبتي , والله بخير جعل ربي يسلمتس
أم حلى : طمنيني على أبونا وطمنيني عن صحتك.
الجدة : والله أبو محمد طيب وبخير وننشد عنكم
أم حلى : جعله مديم يارب
الجدة : جعل ربي يسلمتس
أم حلى : يمه شخبار البنات
الجدة : البنات طيبين وبخير لا تحاتينهم
أم حلى : افطروا يمه قبل يروحون
الجدة : أفطروا ما عليتس
أم حلى : ونهووي افطرت زين
الجدة تضحك : وش فيتس يا أم حلى كاثرتــ(ن) أسئلتس عن بناتس
أم حلى تضحك : يا يمه , تدرين أنا أم بعد والله أني أحاتيهم وبالي مشغول عليهم
الجدة : لا تحاتين فديتس هالأسبوع بيطير بسرعة والأسبوع اللي وراه نفس
الشي وبعدها إن شاءالله نسمع عنهم الأخبار الزينة بس أنتي أدعي لهم
ربي يوفقهم
أم حلى : والله إني كل يوم أدعي لهم ربي يوفقهم
الجدة : وهذا اللي يبونه منتس يا بنتي
أم حلى : طولت عليك يمه أعذريني بس كنت أبي أتطمن على بناتي
الجدة : أي وقت تبين تطمنين عليهم وعلى أخبارهم أرفعي السماعة
أم حلى : الله يطول لنا بعمرك يا الغالية تآمرين على شي .
الجدة : أبي سلامتس ولا تشغلين بالتس نامي وأنتي مرتااحه بناتي كلللهم
بخير وسلمي لي على ولدي ناصر .
أم حلى : يوصل يا الغالية مع السلامة
الجدة : هلااا يحفظتس ربي
نروح لبيت أبو فارس
أم فارس جالسه في الصالة رن جوال أم فارس
أم فارس : هلا حبيبي
فارس : صباااح الوورد يا أحلى من الورد كله
أم فارس أستحت : شخبارك حبيبي وش أخبار أخوك وأختك
فارس يضحك : كلهم طيبييين وبخير وجنى بتمووت عشان تشوفك
أم فارس : حبيييبتي ربي يوفقها إن شاءالله , فارس أنتبه لأختك يا يمه
فارس : لا توصين حريص يا الغالية
فارس : يمه لازم أسكر اللحين عندي أوراق أبي أخلصها بس حبيت أسمع
هالصوت الحلوو .
أم فارس تضحك : ما تخلي حركاتك يا فارس
فارس : تآمرين على شي يمه
أم فارس : أبي سلامتك يارووح أمك
فارس : فمان الله
أم فارس : الله يحفظك حبيبي .
نروح لبيت أم الوليد
أم الوليد في المطبخ تسوي قهوة
الشغالة : ماما تليفوون
أم الوليد : مين متصل
الشغالة : ماما أم فهد
أم فهد هاذي يا طويلين العمر والسلامة جيران أم الوليد << وبتعرفون اللحين
وش سالفتها .
أم الوليد راحت عشان تكلم أم فهد
أم الوليد : يا هلا يا أم فهد
أم فهد برووح طيبة : يا هلا فيك يا الغالية
أم الوليد : وينك يختي لا حس ولا خبر
أم فهد : أبد والله بس تدرين يا أم الوليد الدنيا أشغالها كثييرة وما تخلص
أم الوليد: في هاذي معاك ِ حق الدنيا تشغل اللي ما ينشغل يا بنت الحلال
ربك يعين . وأنتي طمنيني عنك وش أخبار فهد وعبدالله وميلاف وش أخبارها
أم فهد : والله كلهم طيبين وبخير , ميلاف والله دايم تقولي تبي تجلس مع
مها وبنات عمها .
أم الوليد : ربي يخليها إن شاءالله , لا خلصوا اختبارات الجامعة هي والبنات
<< ميلاف في جامعة غيير , إن شاءالله نشوف لنا يوم نجتمع فيه
أم فهد : على خير إن شاءالله
أم الوليد : سمي يا أم فهد
أم فهد : سم الله عدوينك
أم الوليد : وعدوينك
أم فهد: والله يا أم الوليد أنا داقة عليك أبي أكلمك في موضوع
أم الوليد باستغراب : آمري يا أم فهد ناقصك شي تبين شي محتاجه شي
ترى حنا خوات وأكثر .
أم فهد : تسلمين يا الغالية أدري أنك أجودية بس موب هذا موضوعي
أم الوليد وزادت الحيرة : عيوني لك يا أم فهد قولي كل اللي تبين أسمعك
أم فهد : تسلم عيونك , والله يا أم الوليد أنا ما أبي أعطلك عن أشغالك بس
أبي أقولك إني أنا وأبو فهد طالبين القرب منكم .
أم الوليد حست بفرحة : يعني أفهم من كلامك .....
أم فهد وبدت تحس بالراحة أكثر : أي نبي نخطب بنتكم مها لولدي فهد
والله يا أم الوليد ولدي فهد لو يلف السعودية كلها ماراح يلاقي أحسن من مها
ما شاءالله عليها [ ذرابة وسنع وعقل وأخلااق وفوق كل هذا جمااال ] ربي
يحفظها من كل حاسد .
أم الوليد : تسلميين فديتك , والله فهد رجاال ونعم فيه أي بنت تتمناه وتتمنى
أوصافه , وأنتي يا أم فهد عزيزة وغالية ونسبكم يشرفنا .
أم فهد : تسلمين حبيبتي , أنتي كلمي بو فهد عشان أبو فهد يكلم أبو الوليد
وتاخذون راي مها
أم الوليد : خلاص إن شاءالله , بس أقول أحسن نأجل راي مها لبعد الاختبارات
مابي هالموضوع يشغلها عن اختباراتها
أم فهد : على راحتك بس كلمي أبو الوليد لأن يمكن أبو فهد يتصل له الليلة
عشان يكلمه في الموضوع ولا خلصت إختبارات نجي نتقدم لها رسمي
أم الوليد : على خيير إن شاءالله , والله يكتب اللي فيه الخير
أم فهد : أجل أنا أخليك اللحين أشغلتك معي
أم الوليد : حيااك الله فديتك وهاذي الساعة المباركة .
أم فهد : الله يسلمك , مع السلامة
أم الوليد مبسووطة : في حفظ الله .
قفلت أم الوليد وهي مبسوطة بهالخبر وودها تشوف بنتها عروس ولا بسه
فستانها الأبيض << طبعا ً هاذي أمنية تتمناها أي أم لبنتها .
في بيت أم فهد
فهد: ها يمه بشري وش صار
أم فهد تضحك : وش فيك يا فهد للحين ماصار شي بس أبوك اليوم بيكلم أبو
الوليد وبعد الاختبارات تروح تتقدم للبنت رسمي
فهد: إن شاءالله تكون من نصيبي
أم فهد : إن شاءالله يا ولدي الله يكتب لك اللي فيه الخير

نرجع للمدرسة الثانوية
الساعة صارت 9 ونص البنات طلعوا من الاختبار , البنات موزعين كل وحدة
قاطينها في قلعة وادرين << لازم المصطلحات العامية
نهى طلعت من الاختبار وكانت تناظر يمين ويسار تدور سارة , بس نهى لمحت
الهنوف كانت جالسة على الكرسي بلحالها .
نهى تنحنح : أحمم ممكن أجلس جنبك
الهنوف : طبعا ً
جلست نهى جنب الهنوف
نهى : أممم ممكن اعرف الحلوة ليه جالسة لحالها
الهنوف حست بالإحراج من نهى : أبد ولا شي
نهى : طييب وش سويتي في الإختبار
الهنوف : الأسئلة كانت مرة حلوة وكم سؤال بس محور << أكره الأسئلة
المحورة
نهى : أمم كوويس
الهنوف : وأنتي وش سويتي
نهى : كل شي تمااام وتغمز للهنوف
نهى سبحت يد الهنوف : يلا قومي خلينا نتمشى شوي
الهنوف : لا نهى ما أبي أسبب لك مشاكل مع سارة
نهى : قووومي بس يرحم أوومك ما تعبتي من القعدة في لجنة الاختبار
الهنوف : بس سارة ما تطيقني يا نهى
نهى : أنتي لا تشيلين هم ترى سووير قلبها طيب وخببله , لازم أقربكم من
بعض وصدقيني راح تحبينها وتحبك .
وراحت الهنوف مع نهى
سارة كانت واقفة مع طالبة معها في لجنة الاختبار وتسألها عن الأسئلة
سارة شافت الهنوف مع نهى وصدت عنهم
نهى : نوفي << من اليوم ورايح هذا دلعك , أسمعي أجلسي على
هالكرسي شوي بروح لسوير
الهنوف بابتسامة : طيب نهوي
وراحت نهى لسارة
نهى تكلم البنت اللي مع سارة .., لو سمحتي ممكن تخلينا على انفراد
سارة كانت بتروح بس نهى مسكت يدها
سارة بعصبية : خيير وش تبين هاذي ست الحسن والدلال الهنوف معك وش
تبين مني

وآلحيين نزلت جزء بسسيط وكل مآآ آفضى من عيوني آكملهآ لكم

نهى : سوسو أنتي أنهبلتي أنا ما أقدر أعيش بدونك وأنتي ما تقدرين تعيشين
بدوني , سوسو يا تعيسه ترانا نكمل بعض وبعدين وش فيها الهنوف والله
البنت تحترمك كثير بس انتي الله يهديك من تشوفينها معي كنك شايفه ابليس
البنت تبي تصادقنا ونبي نكون كلنا قلب واحد ترى والله الهنوف حبووبه
حرام تسوين فيها كذا وبعدين هي مارضت تجي معاي من الأول قالت لي
ماتبي تسبب لي مشاكل معاك ِ ما تبي تخرب بيننا
سارة ساكته وبس تناظر نهى
نهى تحظن سارة وتظرب ظهرها بالخفيف : يلا سوسو خلاااص عاد ما نبي
نخسر بعض ونخسر الهنوف
سارة استسلمت : طييب بكلمها
نهى مبسوووطة : واللللللله
سارة تضحك على شكل نهى : والله يا شينة
نهى باست سارة وصارت تغني : يلوموني حبيبـــــــــي فيك صراحة قمة الرووعة
نهى تستهبل : أعرفك نووفي سوسو
نهى : أعرفك سوسو هاذي نووفي
ويلا بسكم دلع أنتوا الثنتين ولا ترى أنا اللي بزعل منكم لا تسوون لي قلق
وكل وحده تمد يدها للثانية أخلصوا علي
وفعلاً لأول مرة صافحت يد سارة يد الهنوف وبكل سعة صدر
نهى قالبة خشتها : والله حسستوني كنا جالسين نصور مسلسل تركي
وأنا بطل المسلسل وجالسين تتهاوشون عشاني
سارة والهنوف : جلسوا يضحكون على ثقة نهى الزاايدة بنفسها
نروح للجامعة
البنات طلعوا من الاختبار وطبعا ً اللي نست سؤال واللي طالعة مبسوطة
واللي باقي شوي وتصيح واللي تفكر باختبار بكرة << ما يحتاج أشرح لأنكم
عارفين الأزمات اللي يمرون فيها البنات فترة الإختبارات .
مها : الاختبار زين اليوم
جنى قالبة خشتها : الله يعين على اختبار بكرة افففف
غلا : ياريت لو بكرة آخر يوم إختبار
الريم : ياريييت عشان أناام لين أقوول بس مليييت
حلى : يا مكثر ما تتمنون , بتصل على نهوي أشوفها خلصت عشان نروح بيت
جداني
نرجع للمدرسة الثانوية
نهى وسارة والهنوف جالسين سوا وسواليف وضحك , رن جوال نهى
نهى : مااي سستر
حلى : هلا نهووي كيفك
نهى : تمام أنتوا كيفكم
حلى : ماشي الحال
حلى : خلصتي امتحان عشان نمر عليك
نهى : من زمااان شوفي الساعه كم اللحين 10 ونص باقي بناات شووية ولو
تأخرتوا شكلهم بيخلوني بدل الحارس هههههه
حلى : جربي شوي صيري حارس المدرسة وش بيضرك
نهى : أقوول تعالوا بس قالت وش بيضرك بكره علي تاريخ اخلصوا
حلى : ياشين الاختبارات يلا جالسين نشل عفشنا عشان نجيك يلا باي
نهى : بااي
سارة : مين تكلمين صارلك ساعة
نهى تستهبل : ياااحبك للقافة
سارة تضرب كتف نهى : ووجع
الهنوف تضحك عليهم
نهى : أكلم أختي حلى تقول جايين
الهنوف : طيب حبايبي أنا أستأذن
سارة ونهى : وين ؟
الهنوف : أبوي برا مرسلي مسج تدرون بكره علينا تاريخ الله يعين
نهى : ربي يوفقك قلبوو أنتبهي لنفسك
سارة : نشوفك على خير
الهنوف تناظر سارة : يعني خلاص صرنا صديقات ياسارة
سارة بإحراج : أكييد طبعا ً
الهنوف مبسوووطه : أوكي أجل سي يو تومورو
نهى وسارة : سي يو
نهى : شفتي البنت كيف طيووبة
سارة : أحس أني منحرجة منها
نهى : ولا يهمك أنسي اللي صار وابتدوا صفحة جديدة قطع كلام نهى جوال سارة
سارة : آلو هلا يمة , أي خلصت , أنتي برا , خلاص طالعة اللحين بااي
نهى قالبة خشتها : لا تقوولين بتروحين
سارة : يس ماي ماذر أوت سايد
نهى : أفففف
سارة : أشوفك على خير بكرة ياسؤؤكره أدرسي كويس نهوي باي قلبوو
نهى : باي
نهى كانت تقلب بالجوال رن جوالها [ أستاذة دلال ]
نهى : لحووول تراني مفتكه من وجهها طوول اليوم
نهى : وش تبين
أستاذة دلال : السلام عليكم أول شي
نهى بدون نفس : وعليكم
أستاذة دلال : ممكن أعرف ليه تكلميني كذا
نهى : تبين جواب على سؤالك بسييطة لأني ما أطيقك
أستاذة دلال تضحك : طيب أنتي وينك اللحين
نهى تكذب : في البيت يعني في المريخ
طبعاً أستاذة دلال تدري أن نهى جالسة برا بس حبت تسوي فيها حركة
وقفت أستاذة دلال عند الباب اللي يفصل بين الساحة اللي برا وساحة
المدرسة من داخل
أستاذة دلال : أقول نهى ألتفتي ورا
نهى ألتفت بدون ما تحس شافت أستاذة دلال << حست أنها ودها تذبحها
أستاذة دلال : شفتيني ياللي جالسة في البيت وتكذبين بعد
نهى بعصبية : تدرين ليه كذبت لأني مابي أشوف وجهك بس أنتي وحدة
ما عندك إحساس
أستاذة دلال : تعالي غرفتي أبي أتكلم معاك
نهى : وش عندك بعد
أستاذة دلال : لما أقولك تعالي تجين وخلاص وقفلت الخط أستاذة دلال
نهى تناظر الجوال كيف جاتها الجرأة تقفل في وجهي الخط بعد
نهى وهي رايحة وعينها كلها شراار : هاذي لازم أوقفها عند حدها

نرجع للبنات اللي كانوا في دانكن دونات يشترون دونات وكوفي
مها : وربي ساال اللعاب أخلصوا علي خلونا نجيب نهوي ونروح البيت
ونستمتع بالدوناات
جنى : مافيك صبر أصبري ويا وجهك
غلا : نقطة ضعفي الدونااات بسسرعة
وصاروا البنات يشترون من هالدونات وهاذي وذيك وطلعوا وركبوا السيارة
متجهين لمدرسة نهى
نرجع للمدرسة الثانوية وتحديدا ً في غرفة أستاذة دلال
نهى فتحت الباب بعصبية : هذاني جيت وش قصتك أنتي وآخرتها معك
أستاذة دلال سحبت يد نهى عشان تدخلها الغرفة : أنتي اللي وش فيك
أدخلي عشان نتفاهم
نهى بعدت يدها بقووة عن أستاذة دلال : شوفي يابنت الناس أتركيني في
لا يجيك مني شي يخليك تكرهيني غصب
أستاذة دلال وبنظرات حااده : اللي قبلك خضعوا لي وأنتي يعني بتقدرين
علي .
نهى وزادت في عينها نظرة الكره : أنتي وحده وقحة ورخيييصة ولو أبي
هالشي كان خليتك مثل الخاتم في يدي أحركك يمين ويساار وبكيفي .
طلعت نهى وما أنتظرت أي كلمة من أستاذة دلال
أستاذة دلال متنرفزة وقطت أوراقها اللي على المكتب : طييب يا نهى
والله لا جيب عاليك واطيك .
رن جوال نهى
نهى بعصبية : آلوو
غلا : نهوي احنا برا ننتظرك
نهى : طيب وقفلت الخط
غلا تناظر الجوال
جنى : وش فيك على وجهك علامة استفهام
غلا : والله على ما أظن أختي موب مرووقة أبد وقفلت في وجهي الخط
مها : يمكن امتحانهم كان صعب لا تلومينها
حلى باستغراب : بس أنا مكلمتها لما كنا في الجامعة كان صوتها عادي
وتستهبل مثل عادتها
غلا : والله مدري
قطع كلامهم نهى ركبت السيارة
نهى تحاول تخفي عصبيتها الحاادة : سلاام
البنات : وعليكم السلام نهوي
غلا : نهوي وش فيك ساكته
نهى بملل : يعني وش تبوني أقوول أغني لكم
البنات يضحكون
وصلوا البنات لبيت جدانهم ودخلوا عند الجدة
البنات صاروا يحبون راس جدتهم ويسلمون
الجدة : حبيتوا الكعبة إن شاءالله , بشروا وش سويتوا
البنات : الحمدلله يا جدة
الجدة : غيروا ملابسكم عشان تتغدون
البنات : جدة نبي نناااام تعبانين بعدين بنتغدى
الجدة : على راحتكم
وركبوا البنات فوق كل وحده خذت لها دش واللي نفشت شوشتها
واللي تدور بيجامتها واللي تدور جنزها
المهم بعد ما خلصوا البنات تربعوا وفتحوا الدونات وحطوا الكوفي
نهى : وش عندكم على هالدونات
حلى : الحلووو للحلو اللي نفسي
البنات جلسوا يضحكون على حلى
البنات بعد ما كلوا وشبعوا كل وحدة مدت سيقاانها وخذوا صديقاتنا قيلوولة
الساعة اللحين صارت 12
نواف اليوم رجع بدري من المعهد دخل نواف الخيمة ما حصل أحد
نواف : يووه مافي أحد جا وأنا رااز خشتي من اللحين
نواف صار يفكر في غلا وأنها ماردت له جواب للحين إذا هي زعلانه منه
ولا لأ
نواف يأس من التفكير وراح ياخذ له دش
نرجع للجدة جالسة تناظر التلفزيون
أبو محمد الجد : السلام عليكم يا أم محمد
الجدة مبسوطة : يا هلا وغلا تو ما نور البيت يا أبو محمد
الجد : النور نورتس يا الغالية
الجدة : وش أخبار الغنم هناك المزرعة بكبرها إن شاءالله ما تعبتوا وكل شي زين
الجد : كل شي زين وطييب من فضل الله
الجدة : الحمدلله
الجد : أجل وين بناتي ما شوفهم
الجدة : يوووه يسلموون عليك تلقاهم اللحين مسوين سيفونية من التعب
الجد يضحك : يعني نايمين
الجدة : أي والله حتى ما تغدوا من التعب
الجد : الله يوفقهم ونسمع الأخبار الطيبة
الجدة : آآآمين يارب
الجد : وش سووا في اختباراتهم اليوم
الجدة : يقولون الحمدلله وزين بس ما يندرى عنهم
الجد : زين أجل أنا برتااح شوي لين العصر
الجدة : خذ راحتك يا ابو محمد
طبعا ً ع الساعة 2 الشباب وصلوا بيت جدانهم وما صدقوا على الله << حالتهم
زي حالة البنات كل وااحد يدور الفراش
مر الوقت بسرعة
ما كان فيه أحداث لأن البنات كل وحدة فيهم ماسكة كتابها وتدرس
البنات كانوا يدرسون بجد واجتهاد عشان يحققون اللي يبونه وعشان يرفعون
راس أهاليهم
الشباب كالمعتاد في الخيمة سواليف وضحك وكل واحد يقول وش سوا في
شغله << اليوميات هههههه
خلونا نشوف بيت راكان
الريم كانت جالسة على سريرها تدرس << وإذا تتذكرون الدفتر
اللي خذت منه غلا ورقة وشافت صورة راكان وأنصدمت وبعدين عرفت
من الريم إن راكان أخوها << أكيد عرفتوه .
الريم كانت حاطه دفترها على السرير وكانت تقرا الدرس
باب غرفة الريم يندق
الريم : تفضل
راكان : أحم
الريم مبسوطة بشوفة أخوها : حيااك يا راكان
راكان : بشري وش سويتي في الاختبار
الريم : الحمدلله بس أنت أدع لي أني أنجح
راكان : الله يوفقك وتنجحين وتجيبين أحلى العلامات
الريم : آآآمين يارب
راكان : وش عليك بكرة
الريم : الله يسلمك علينا أدب
راكان أخذ الدفتر اللي على سرير الريم وشاف أسم غلا ناصر
راكان جاه فضول يبي عرف إذا هي غلا بنت عم نواف : مين هاذي غلا ناصر
الريم ما كانت تعرف نوايا أخوها : صديقتي اللي ولد عمها صديقك
راكان حس أنه بيطير من الفرحة : طييب ريوومه أبي كاس مويه الله يرضى
لأني عطشاان مرره
الريم بكل ذووق وإحترام المسكينه : من عيوني يا خوي
راكان ماصدق على الله طلعت الريم وفتح جوالها وجلس يدور حرف الغين
ولقى أخيراً مرااده ومنااه رقم [ غــــــــــــــلآ ] ولا تنسون هو متحلف فيها
ما يخليها في حالها وخصوصا ً عقب الضربة اللي جاته
راكان بينه وبين نفسه مبسووط , طييب يا غلا اللحين بنشوف وش بتسوين
الريم مسكينه ما تدري وش صار في غيابها : تفضل يا خوي
راكان مبسوط : مشكووره يا أحلى أخت في الدنيا خيتوو هاذي خمسين
تبين تشترين بطاقة شحن أصرفيها مثل ما تبين
الريم : والله كنك حاس فيني يا خوي جوالي مافيه شحن مشكوور وما قصرت
طلع راكان من غرفة الريم وشكله بيجيب للريم المصايب

[ البارت التاسع عشر ] .. الليلة ليلتنا يا محلى جمعتنا اليوم السبت وبتطلع النتايج وابتدت العطلة الصيفية << أحلى عطله طبعاً الجدة كلمت عيالها وحريم عيالها عشان يسهرون عندهم اليوم وينبسطوون ويتمنوون أنهم يسمعون الأخبار الطيبة ويفرحوون بنجااح البنات الكل كان موجود والساعه كانت 7 ونص بعد صلاة العشا الجدة وأم فارس وأم الوليد وأم حلى وأم عبد العزيز كللهم جالسين في الصالة والجد وأبو الوليد وأبو فارس وأبو حلى وأبو عبد العزيز والشباب في مقلط الرجاجيل نرووح للبنات اللي كانوا فوق في الغرفة يغيرون ملابسهم وخااصة أنهم ما شافوا أهلم فترة طوويله أسبووعين فترة موب هينه خلونا نشوف البنات وش كانوا لابسين حبيبة قلبي نهووي << ههههههه أحبها ذا البنت لأنها داايم مسويه جوو نهى كانت لابسة جينز أسود وفيه سلاسل ع الجنب ولابسه تي شيرت أخضر وفيها فصوص بالسلفر وفوقه جاكيت جينز أسود شعرها مطلعه قصه ع الجنب ورافعته من ورا ذيل وحاطه ورده خضره مرره ناعمه الميك آب قلت لكم من قبل نهى ما تحب تحط ميك آب إلا في المناسبات بس حبت هالمره تحط قلوس شفاف وكحل أسود داخل العين وماسكرا << طالعه خققق الإكسسورات ساعه سودة عملية مناسبه لستايلها وخاتم في الإبهام مراا نااعم وخيوطها المعتاده باللون الأسود والأخضر والسلفر الشوز سبورت باللونين الأسود والأخضر مراا كيووت خلونا نشوف غلا غلا لابسه جينز أسود على فكره اليوم كلهم متفقين يلبسون جينزاات سوده يطقمون مع بعض << ولابسه تي شيرت أحمر وعليه كتابة بالأسود وفوقه جاكيت جينز أسود الشعر غلا تركت شعرها مجعد ومفتوح ولابسه تاج أحمر ناعم طالعه تجنن كأنها ممثله من الممثلات الأجانب الميك آب غلا حطت بودرة مناسبة لبشرتها وكحل أسود داخل العين وماسكراا وبلشر مناسب للون التي شيرت وقلوس أحمر مطفي << طالعه نعوومه الإكسسوارات ساعة سودة وسلسال مع قلب أحمر مقسوم نصين ولابسه خاتم نااعم في الإبهام الشوز جوتي سبور أحمر على لون التي شيرت نروح لحلى دايم حلى تحب تكون نعوومه وكلها أنوثه بس بما أنهم متفقين غيرت ستايلها شوي كانت لابسه بنطلون جينز أسود وفيه سلاسل بالسلفر ع الجنب ولابسه تي شيرت موفي وعليه كتابه بالأسود بس حلى مالبست جاكيت فوقه الشعر حلى سوت لها عمله فرنسية ومسويه بف بسيط هادي وحاطه ورده باللون الموفي ع الجنب طاالعه فظييييعه الميك آب حلى حطت بودره مناسبة لبشرتها وكحل أسود وماسكرا وحطت بلشر باللون البنك المايل على الموف وقلوس نفس البلشر الإكسسوارات لبست حلى [ حلق ] باللون الموف وساعه سودة عملية وسلسال عليه جيتار باللون الأسود الشوز موف سبورت << لأول مره نروح لمها مها لابسه بنطلون جينز أسود ماسك من عند الرجل من تحت << الموضه وتي شيرت برتقالي ساده وفوقه جاكيت أسود عليه فيسات برتقاليه من عند الجيوب << الفكره مرااا ناايس الميك آب طبعا ً البودره المناسبة لبشرتها وكحل أسود داخل العين وماسكرا وبلشر مايل ع البرونز وقلوس شفاف << طالعه تهبل الشعر مها مسويه القصه القصيرة وطويلة شوي ع الجوانب << خققق ورافعه شعرها مسويته كعكه << ههههههه , وحاطه ورده برتقاليه بالمختصر طالعه رووعه الإكسسوارات لابسه سلسال فيه قفل ومفتاح بالسلفر وخاتم نااعم في الابهام وساعه سودة عمليه وسلاسل في يدها الثانيه الشوز برتقالي سبورت نروح لآخر وحده جنوو جنى لابسه جينز أسود وزي مها ماسك من تحت وتي شيرت لونه أزرق سماوي يعني وعليه رسمة بيت صغيرون بالأحمر << وموب لابسه جاكيت جينز أسود فوقه الشعر جنى مسويه عملتين << قرنين هعع , لكنها فرنسية وحاطة بآخر العملتين شرايط زرقه مع حمره مع بعض ومطلعه قصه طالعه بيبي كيوووووت الإكسسوارات لابسه حلق أزرق وساعه سودة عملية وسلسال على شكل بيت صغير بالسلفر رووعه الميك آب

حطت جنى البودره المناسبة لها وكحل أسود داخل العين وبلشر خفيف
وقلوس أحمر مطفي
الشوز
أزرق وفيه نقط حمرة ,, كانت جنى تجنن
بعد ما كشخوا البنات وزبطوا الكؤؤشخه كوويس انزلوا تحت وكل وحدة سلمت
على أمها ولمتها وبعضهم سووا أفلام << اسبووعين في نظرهم كثير
أم عبد العزيز : يا عيني يا عيني وش هالكشخه الزينه تهبلون بسم الله علييكم
البنات مبسوطين : مشكورة يا عمه
أم حلى : متى بتطلع النتايج يا حلى
حلى : يمه من الساعه 9 ونص لين الفجر الموقع مفتوح بس أكيد راح يكون
ضغط ع الشبكة
ام الوليد : ان شاءالله ناجحين كلكم
البنات : آآآميين
وصار سواليف ووناسه وضحك
نروح للرجاجيل
الجد : حيا الله عيالي أسفرت وأنورت
طلال يناظر جده : جدي وحنا وين رحنا
الشباب يضحكون على طلال
فارس : يعني يا جدي حنا عندكم من يوم ما بتدوا البنات اختبارات
الجد يضحك : يعني تبيني أهلي بك وارحب وانا مقابلكم كل يوم ومقابليني
ابو الوليد : ابوي يرحب فينا عياله من زماان عنهم
الجد : ان شاءالله اذا البنات انجحوا وش ناوين تسوون لهم
عبد العزيز : نبي نسافر
نواف : أي والله نبي نسافر
الجد : عاد أنا هالمره أقول مافيه سفر هالأجازة
أبو فارس : ليه يبه
أبو حلى : بس تعودنا يبه كل عطله نسافر نودي حريمنا وعيالنا يغيرون جو برا
الديرة
الجد : ليه وش فيها ديرتنا وش حلاتها ويازين ترابها << طبعا ً الجد مسوي
مفاجأه للكل محد يدري إلا زوجته << الجده حتى عياله ما يدرون مسوي
لهم عزبه وحاط فيها مزرعه خاصه للطيور والغنم
ومجهزها من إلى
الجد : لا انجحوا البنات إن شاءالله بقول لكم وين بنروح هالعطله
نرجع للحريم
البنات : عن اذنكم بنروح فوق إذا بتحطون العشى نادونا
الجدة : روحوا وانا جدتكم ندري تبون تفلونها اليوم
البنات يضحكون
ما صدقوا البنات ركبوا فوق وسكروا الباب وفتحوا البلكونه
نهى : نبي نرقص نبي نفلها اليوم , نهى تستهبل اليوووم وشو
البنات بصوت واحد وعالي : وناااااسه خليييها وعلييييهاااا
حلى : بس ماراح نفلها ونعليها صح إلا لما نعرف النتايج
مها : إن شاءالله ناااجحين
البناات : آآآآمييين
نهى : وش نحط نبي طق طقه
غلا : أنا اليوم حقت الدي جيه خلوني أشوف السي ديات
غلا خذت سي دي حق أشواق من موقع ألحان وحطت أغنية الزرقواني
جنى نطت : ألاااااه احبها وصارت ترقص جنى
عاد البنات ههههه ينطروون إشارة كلهم قاموا يتنكسوون وكسروا أنفسهم
بالردييح .
جلسوا البنات ياخذوون راحة وقت مستقطع
نهى تناظر غلا بنص عين
غلا تناظر نهى باستغراب : بسم الله وش فيك يا مجنونه تناظريني كذا
نهى مطيره حاجب : على باالك نسيت يا اختي العزيزة
البنات يناظرون بعض وش السالفة ؟
غلا بدت تتنرفز من حركات نهى ونهى فااطسه ضحك : وجعع الله ياخذك وش
تقولين وش تتكلمين عنه ؟
نهى تضحك : يا مجنونه موب قلتي بتقولين لنا شي بس حلفتي ما تقولين
الا بعد الاختبااراااات يلا قووولي اللحين
البنات تذكروا السالفة ونطوا على غلا : يلا قوولي
غلا تناظرهم بنص عين : ما ينسوون أبد
حلى : قولي مشاءالله ويا وجهك
مها تستهبل : أتفلي علينا بس بشويش موب تطلعين كل سعابيلك علينا
البنات كلهم صاروا يضحكون
غلا : بنااات خلونا نتكلم بجد شوويه نبي نجلس جلسة صرااحة اووكي
نهى : قصدك كرسي الاعتراف يا حظيي
جنى: والله فكره هذا كرسي بنحطه بالوسط واللي يطلع أسمها تجلس
ع الكرسي
البنات وهم مبسوطين : مواافقين
البنات جابوا دفتر وصاروا يقصوون أوراق مربعة ويكتبون فيها اسم كل وحده
وحطوا الاسماء في سلة
غلا : يلا جاهزين صباايااا
البنات : جاهزين
وكانت أول وحده تمر عليها السله مها لأنها جالسه اول وحده مها خذت
ورقة وفتحتها ولقت أسم [ نهى ]
مها : نهووي كرسي الاعترااف يقول هلاااابك
نهى مسويه نفسها بتصيح تستهبل : ماااابي مااابي تعرفون أسراري
حلى : خفي علينا أنتي وأسرارك أخلصي عشان تجيك الأسئلة اللي تفتح النفس
نهى وهي رايحة تجلس ع الكرسي : ايه هيين يا بنت ابوي
جلست نهى ع الكرسي وسألتها أول شي غلا
غلا : نهوي مين أكثر وحده تحبينها فينا وتحسينها قريبه من قلبك
نهى مطيره حاجب : هذا سؤاال ويا شوشتك أحبكم كلكم ومافي أحد أحسن
من أحد عندي
مها : اممم نهوي لو أحد بيتقدم لك اللحين بتوافقين
نهى تضحك : أسئلتكم غريبه بس مضطره أجاوب لأني على كرسي الاعتراف
ليه أوافق على هذا المجهول وانا باقي لي سنه بالثانويه وبعدين أبي أدخل
جامعه زيكم
جنى : فيك ثثقه زايدة بنفسك وتضحك جنى
نهى تطلع لسانها لجنى : يقولون يا قلبي واثق الخطوه يمشي ملك
حلى : ماعندي سؤال بس أحب أقول لك يا أختي الصغيرة شخصيتك قوويه
وخلك كذا على طوول
نهى قامت من كرسي الاعتراف بسلاام : ميين الحلو اللي بعدي
نهى خذت السله وصارت تحرك الأوراق وخذت ورقة وكان فيها أسم جنى
نهى : اللي بعدي جنوو
جنى وهي رايحة للكرسي الله يعينا على أسئلتكم
نهى : جااهزه نبتدي
جنى حسستوني أني في برنامج : جاهزة
نهى : ليه حبيتي الوليد بالذاات
جنى صار وجهها مثل الطماطه من الاحراج
والبنات فاطسين ضحك
جنى : يعني لازم تحرجوني ويا وجيهكم طيب بعتررف , اممم أحس في الوليد
شي مختلف عن باقي الشباب , أحبه مدري هذا نصيبي وراضيه فيه
البنات : يا عيني يا عيني
حلى : وش أكثر شي يعجبك في الوليد
جنى تبتسم : نظراته اللي تخليني أرووح ملحح , ويعجبني لما يكلمني ويقول
لي وحشتيييني
نهى تستهبل : تعلموا يا حظي صيروا مثل عنترة وعبلة
البنات يضحكون
مها : ما عندي سؤال بس كل يوم أدعي إنك تكونين لخوي
البنات صاروا يستهبلون جلسوا يصفقون
نهى : آآآآمين عشان نرتااح من خشتها
جنى : وجهها صار طمااطه
جنى : خذت السلة وصارت تحرك الاوراق وخذت ورقة طلع اسم غلا
جنى : هعع غلوو الكرسي يناااديك
غلا تلعب بشعراتها وهي رايحة : اكيد يناديني لاني بجلس عليه
البنات يا عيني ع الوااثق
جنى : غلوو ليه داايما ً صارمة في قراراتك
غلا : هالشي يعجبني وأنا من الله كذا وش أسوي ؟
مها : ماقلتي لنا وش تبين تقولين بعد الاختبارات
نهى نطت : ايه يلا قوولي
حلى : قولي عشان نعفيك عن باقي الأسئلة
غلا تناظرهم : طيب بقوول بس وعدوني يكون سر بينا
البنات : وععد
غلا : أبي أقول لكم أني أحب
البنات طيروا عيوونهم
نهى : والله انك شيينه ولا تقوولين ومنهو تعيس الحظ اللي أمه داعيه عليه
البنات يضحكوون
غلا تناظرهم بنص عين : تتوقعون ميين
مها : يلا قولي
غلا : نواااف
البنات شهقوا نواااافووه
غلا تضحك على اشكالهم : ايه نواف
جنى : نوافوووه اخووي اثاريه مغرم وحنا ما ندري هههههههههه
حلى : وأنا بعد أحب طلال
البنات ما صدقوا وش هالمفاجأااات اللي مخبينها عن بعض
مها : ههههههههههه عاد يا زينك أنتي وطلوول وربي لايقين على بعض
نهى تناظرهم بنص عين : أشوفكم شبكتوا العايلة الكريمه
جنوو ووليدووه , ومهووي وفرووس , وغلوو ونوافووه , وحلى وطلال
البنات يناظرون نهى : وأنتي
نهى : مافي أحد في حيااتي << أحسن منكم القلب خاالي
مها تضحك : شكلك تحبين عبد العزيز ولد عمتي بس ما تبين تقولين
نهى : لا ما احبه عادي
غلا : نهووي اذا تحبينه عادي قولي
نهى : ترااكم سخيفاات ويا وجيهكم عشانكم تحبون عياال عمكم غصب احب
عبد العزيز يعني !
حلى : وش فييه عبد العزيز وربي محترم ووسيم ورجاال عاقل ونعم فيه
ألف وحده تتمناااه .
نهى : أقوول أتركوا عنكم السواليف الساعه صارت 9 وربع خلونا نفتح الموقع
البنات نطوا : أي والله الموقع يلا نفتحه
وجلسوا البنات ع الاب وفتحوا الموقع حق الجامعة أول شي تخصص الأدب
كانوا يدورون أسم مها

مها : يااربيي أحس قلبي بيوقف من الخووف
جنى : مبروووك مهوووي حبيبتي 98
مها طبعا ً من الونااسه بكت كثيير تعبها ما ضاع خساارة
حلى : تكفيين جنوو طلعي نسبتي تكفيين اسمي
جنى : طيب , طيب حلى نااصر , حلى مبروووك يا قلبي نسبتك زي مهوي
3, 98 مبرووك البنات صاروا يبوسوون حلى ويباركوون لها
غلا : وربي بصييح وانا
جنى : انا اول تخصصي ادب انتي وش جابك معنا اصبري , جنى صارت تدور اسمها
وااااااااااو بااااركولي نجحت , نجحت
البنات مبسووطيين كم نسبتك
جنى : 97 هييييه وناااسه
البنات : مبروووك جنووو تستاهلين
جنى مبسوطه : الله يبارك فيكم حبايبي
غلا شووي وبتصيح : جنوو تكفين طلعي اسمي ابي ارتااح
جنى دخلت تخصص الفلسفة وعلم النفس وصارت تدور اسم غلا
جنى تستهبل على غلا : غلا ان شاءالله تعوضينها في السنة الجاية
غلا بغى يوقف قلبها وجلست تصييح من كل قلبها
جنى جلست عند غلا ولمتها : غلوو ترااك نجحتي ونسبتك 96,5 مبروووك
غلا صارت تضرب جنى بقووس لانه الصرااحه هالوضع ما يحتمل مزااح موب وقته
نهى : يلا الله يخليكم ادخلوا موقع مدرستنا قبل لا يصير زحممه واجلس على
اعصابي مافيني حيييل
جنى : طيييب ودخلت جنى موقع مدرسة نهووي وكتبت اسمها ورقم جلوسها
جنى بصووتها كلله تصاارخ وتضم نهى مبروووووووووووووووووووك
نجحتي نهوووي ونسبتك تشررف وترفع الرااس يا بنت عمي نااصر
نهى تصررخ : احلفي نجحت كم نسبتي قووولي جنوو
جنى : 98 مبروووك
نهى سوت نفسها مغمى عليها : مااااصدز
غلا : وش ننتظر خلونا نبشر اهالينا يلا
البنات : يلاااااا
وانزلوا البنااات يراكضوون ويصرخوون وبشروا جدتهم بالاخبار الزينة
وكل ام صارت تلم بنتها وتبارك لها من قلبها
نهى : شفتي يا جدة نفعت معنا الخزران المنقعه في مووية وملح وجبنا
علامات ما جابوها غيرنا
البنات : حنا بنلبس طرحنا وبنرووح نبشر جدي
البنات لبسوا طرحهم وراحوا للمقلط
نهى : احمم نبي ندخل ممكن
طبعا ً الشباب كانوا موجودين في المقلط
الجد : ادخلوا حيا الله بنااتي
البنات دخلواسلموا على جدهم وكل وحده سلمت على أبوها وسلموا على
عيال عمهم
نهى وهي مبسووطه : جدي أبشررك ترى كل ابونا نجحنا
الجد مبسوووط : مبروووك الله يبشركم بالخيير يارب
أبو حلى ما قدر يصبر ضم بنته نهى وبااس راسها من الفرحة
وبااس راس حلى وغلا
نهى : يبه أبشرك نسبنا كلها في التسعين أنا 98 وحلى 98 وغلا 97
ابو حلى : والله لاسوي لكم عشا ما صار ولا ستوى لكم ولبناات عمكم
الشباب : مبروووووك بنات عمنا تستاهلوون كل خير
البنات : الله يبارك فيكم
نهى : فارس ولد عمي
فارس : لبييه
نهى : لا تنسى بااسكن روبنز
فارس يضحك : ولا يهمك بنشتري لك كيكة بالايس كريم بعد وش تبين
نهى بابتسامة : طييب ننتظرها بعد العشا
فارس : ولا يهمك على هالخشم
البنات : عن اذنكم
حلى : جدي ما قلت لنا وين بنسافر هالعطلة
الجد : هالمرة مافي سفر
البنات جاهم احبااط : ليييه يا جدي ؟
الجد : انتوا توكلوا اللحين ويوم الاربعاء ان شاءالله بتعرفون وين بنرووح
البنات : عن اذنكم
البنات بعد ما قالوا لجدهم الخبر طلعوا من المقلط
جنى ماده بوزها شبرين : سمعتوا جدي وش يقول مافي سفر هالعطلة
مها : ايه هاذي صااعقه صراحه على هالنسب الحلووه والأخبار الزينة مافي
أجل وش بنسوي
نهى تستهبل : بنخلي عياال عمي يدخلون سياراتهم ونغسلها لهم ونلمعها
ونغير زيت كل سيارة نكسب فيهم أجر بدال ما يخسرون فلوسهم في
المغاسل
حلى : ههه تنكتين حضرتك
نهى عرفت المقصد من ضحكت حلى حطت رجلها والبنات صاروا يلحقونها
دخلوا البنات داخل ونهى على طوول راحت تشتكي لجدتها
نهى : جدة , سمعتي جدي وش يقوول مافي سفر هالعطلة
مها : جدتي احنا ما صدقنا على الله ننجح
غلا : ما يصير يا جدة اللحين هماكم تقولون انجحوا ومالكم الا عطلة تسر
القلب والخاطر
حلى : تعودنا يا جدة كل عطلة نسافر برا وش معنى هالعطلة
جنى : كلمي جدي يا جدة قولي له نبي نسافر
ام الوليد : وش فيكم محتجين يمكن ابوي الله يحفظه ما يبينا نسافر
ام حلى : لا تستعجلون على رزقكم ابوي ما قال كذا الا اكيد مجهز لكم عطلة
حلووة
الجدة : جدكم مجهز لكم مفاجأه بس لو تصبروون تصيرون بخير
ام عبد العزيز : قوموا خلونا نحط العشا صارت الساعه 10 وربع
وراحوا البنات مع عمتهم وامهاتهم للمطبخ عشان يجهزون العشا
وكالمعتاد عشا الرجاجيل في المقلط وعشا الحريم في مقلط الحريم
بعد العشا راح فارس باسكن روبنز وشرى كيكة بالآيس كريم
شرى كيكة كبيرة للعايلة كلها ولانه وعد نهى انه يشتري الكيكة
فارس يدق باب الصالة
الجدة : سلااام شوفي الباب
سلام : ان شاءالله ماما
فارس : سلام نهى في الصالة
سلام : ايواا في الصالة
فارس : قولي لنهى تجي
سلام : ان شاءالله بابا
راحت سلام الصالة
الجدة : وينتس مين تكلمين عند الباب
سلام : هادا بابا فارس يبي نهى
نهى مستغربة : يا ويلي وش يبي
ام حلى : قومي البسي طرحتك وشوفي ولد عمك وش يبي
نهى : طيب يمه ولبست طرحتها وراحت برا
نهى : هلا فارس بغيتني
فارس : جايب لك شي حلوو
نهى شافت كيس باسكن روبنز انجنت : وااااااااااااااااااااو
فارس يضحك : افتحي الكرتون
نهى فتحت الكرتون : لبىىى قلبك يا شيييخ الكيكة اللي احبها بالآيس كريم
وربييييي مافي منك يا أكووس ولد عم
فارس يضحك : طيب لا تنسين تحطين لنا عن العين والنفس
نهى وهي رايحة : افااا عليييك ابششر بسعدك
نهى دخلت الكيكة عند البنات وامهاتهم والجدة وصاروا يقصون الكيك
والكيك وصل للمقلط والكل متلذذ وهو ياكل الكيك بالآيس كريم
بعد السواليف والونااسه وفرحة نجااح البنات وهالكيك الحلووو الساعة
صارت 12 والبنات ضفوا اغراضهم لانهم بيرجعون لبيوتهم
والكل رجع لبيته بيت الجد والجدة فضى
نروح لبيت راكان
راكان في غرفته جالس ويقلب في الجوال : أكلمها ابي تعرف اني احبها
راكان ماقدر ينتظر اكثر من كذا ودق على غلا
نروح لبيت ام حلى
غلا كانت في الغرفة ونهى وحلى مع ابوهم في الصالة
غلا بصوت كله رقه : ألو
راكان : هلا والله لبى هالصووت
غلا بدت تعصب : ممكن اعرف مين معي
راكان : انا واحد يحبك ويعشقك بجنووون
غلا : انت ما تستحي على وجهك أقولك مين معي ما تفهم
راكان حب يستفز اعصاب غلا : انا اللي ضربتيه على راسه وهو ما يستاهل
منك هذا كله
غلا فتحت ثمها ع الآخرر وعيونها صاروا اربع : راااااكاااااااااااااااااان
راكان : يا عيوون راكان
غلا : جعل عيوونك اتفقع يا قلييل الادب انت واحد زززففت وحقيير وما عندك
ذرة كرااامة
راكان : ليه بس ابي اعرف ليييييه ؟
غلا : ومن وين جايب رقمي يا نذذل
راكان : موب مهم الرقم المهم اني سمعت هالصووت الحلوو
غلا : اسمعني ياراكان هي كلمة وحدة وماراح اثنيها لو ما تبعد عن طريقي
ماراح يحصل لك طيب شفت الضربة اللي جاتك مني راح اخلي صديقك
نواف يسوي فيك اعظم راح اخليه يدفنك وانت حي
راكان يضحك ضحكة فيها نوع من الاستفزاز : لو فكرتي يا ماما تلعبين بذيلك
بلعبها صح قبلك واقول لنواف انك تكلميني
غلا جن جنونها : انا شفت ناااس منحطة لكن نفس وقاحتك ما شفت
وسكرت غلا في وجه راكان لكنها كانت في حالة رعب وصدممة وموب عارفة
وش تسوي وجلست تبكي غلا وتتحسب على راكان
راكان : تهدديني بنواف يا غلا معلييه ان ما خليتك تندمين ما اكوون راكان
راح نعرف وش بيصير في البارت [ العشرين ] راكان هذا راعي طووييلة
وماراح يترك غلا في حالها لين ما يفرق بينها وبين نواف
البنات شفتوهم زعلانيين عشان موضووع العطلة وما يدرون ان جدهم
مجهز لهم طلللعه رااح يستانسون فيها كثيييير
والبنات اللحين اعترفوا لبعض عن حبهم

[ البارت العشرين ]
اليوم الأربعاء ومثل ما وعد الجد بنات عياله اليوم مفاجأتهم بس هالمرة
موب سفرة هالمرة غيييير طبعا ً ع الساعة 6 الكل كان متجمع في بيت
الجد والجدة .. خلاص اللحين مافي أشغال , مافي مدارس وجامعات
اللحين فترة الصيف فترة ونااااسة واستجمام .

الجد : يلا يا عيال قولوا حق الحريم يطلعون يركبون السيارات ويشيلوون
كل عفشهم حنا موب راجعين ترى الا يوم السبت .
راح أبو الوليد ينادي أم الوليد
أبو الوليد : أم الوليد
أم الوليد : لبيه يا ابو الوليد
أم الوليد : يقول أبوي قولي للحريم يلا يطلعون وخلوا الشغالات يضفون كل
الأغراض .
أم الوليد : إن شاءالله اللحين نطلع
أم الوليد تقول للحريم والبنات يلبسون عباياتهم عشان يطلعون
البنات كانوا مرره متحمسين يبون يعرفون وين بيوديهم الجد وش هالمفاجأة
بعد ما لبسوا الحريم والبنات عباياتهم طلعوا وتووزعوا في السيارات وصار
التوزيع كالآتي ..:
سيارة فارس
أبو فارس قدام , وأم فارس ورى مع جنى وشغالاتهم الثنتين
سيارة الوليد أخذها نواف واللي كان معه أهل الوليد
أبو الوليد قدام , وورى أم الوليد ومها وشغالاتهم الثنتين
سيارة نواف أخذها الوليد واللي كان معه
الجد قدام والجدة ورى
سيارة أبو حلى مع عايلته الكريمة
أم حلى قدام , وحلى وغلا ونهى مع الشغالة ورى
سيارة عبد العزيز مع عايلتة الكريمة
أبوه وأمه وشغالتهم
والسيارة الأخيرة فيها مجيد السواق لأنه محمل أغراض لهالرحلة مضطر
أنه يوصل الأغراض واليوم الثاني يرجع عشان يحط بااله على الفيلا ووللعلم
مجيد السواق صارله 15 سنة يشتغل عند الجد والجدة لأنه مسلم ومحترم
وأمين على حلال وبيت الجد والجدة .

الجد قال مشينا تحركت السيارات والكل ماسك الخط والكل يبي يعرف وين
بيوديهم الجد << الجدة هي الوحيدة اللي تعرف بسالفة العزبة اللي مسويها
الجد مفاجأه للكل
بعد تقريبا ً ساعة ونص من الطريق لأن العزبة موب قريبة << يعني طللعه
على أصوول .

وقفت سيارة الوليد اللي فيها الجد والجدة عند باب كبيير وكان فيه حارس برا
وهو يعرف إن هالعزبة للجد فتحها على طوول ودخلت السيارات ورى السيارة
اللي فيها الجد والجدة .. كانت العزبة شييي خيااااااالي بمعنى الكلمة
صحيح الجد كبير في السن لكن كان في صحته وله ذووق جدا ً راااقي

خلوني أوصف لكم العزبة اللي مسويها الجد لعايلتة الكريمة

المدخل للعزبة
كله خضار وعشب وورود أشكال وألوان موب من هالعزب اللي تخرع وكأنها
مشبوهه والعياذ بالله , وطريق طويييييل زي الممر وفي الوسط مسوي الجد
نفس الدوار لكن عليه الحجر اللي يستخدمونه في الزينة هذا الحجر أصلا ً
اللي مسويه الجد عبارة عن [ بيير ] تراث
وع الجنب صوب الخضار والعشب الحلوو
ملعب كبييير لكورة السلة << هواية نهى , وملعب حق كورة قدم للشباب
والجنب الثاني المقابل للملاعب
بيت شعر فخم تراث معد من إلى جاهز بدلاله بكللل شيييي
وعند بيت الشعر فيه للبنات
دريفااات = مراجيح , لكن المراجيح الأشكال الجديدة
العزبة وش أقولكم كبيييرة مثل ما يقولون ترمح فيها الخييل وعلى طاري
الخيل
الجد حط في الجزء الخلفي من العزبة
حط 5 خيوول [ للوليد + فارس + عبد العزيز + نواف + طلال ]
وغير آخر شي سواه الجد وماقصر سوا مسبح لأنه عارف إن اللحين وقت
إجازة وغير كذا أحفاده يحبون المسبح ويبي يوفر لهم كل سبل الراحة والترفيه
وفي غرفة خاصة للبليارد << لعبة الشبااب المفضلة , وغير اللعبة اللي على
شكل طاولة وفيها ملعب كورة قدم << أظن عرفتووها اللعبة هاذي
فالكل موب مستووعب ان الجد سوا كل هذا وهم ما يدروون
الشباب مبسوووطين حددهم وباسوا راس جدهم على هالمفاجأه
البنات فاتحين أثاميهم ويقولون هاذي العطلة أحلى من أي عطلة
أما نهى جن جنونها لما شافت ملعب الباسكت بول راحت تركض
وخذت كورة الباسكت بول وصارت تلعب ونست نفسها
الكل ضحك على شكل نهى اللي نست نفسها في ملعب الباسكت
نهى رجعت لجدها وباست راسه ويده وخده
نهى تضم جدها : مشكووور يا أحلى جد في هالدنيااااا الله لا يحرمنا منك
يااارب
الكل قال : آآآآآآآميين
الجد وهو فرحان بفرحة عياله وحريم عياله وزوجته أم محمد وأحفادهم
ضم نهى لصدره ومسح على راسها
الجد : ها حلووه هالعطلة
الشباب والبنات : تجننننننن يا جدي تهببل
الجد بعد باقي ما خلصنا مفاجأتنا تعالوا نروح للقسم الخلفي
والكل راح مع الجد ورى ومجيد فتح اللمبة الكل مندهههش
الشباب مبسوطين : خيووول يا جدي
الجد يضحك : ايه خيوول شفتوا هالمساااحه اللي وش كبرها كل واحد
يورينا همته .
حلى : جدي وانا أبي خيل
الجد : افاا عليك بس طبي واختاااري اللي يعجبك واذا محد ركبك أجي واركبك
بنفسي وانا جدك
حلى باست راس جدها .
الجد خلونا نروح لهالغرفة اللي هناك نشوف وش فيها
فتح الباب << الجد
الشباب منذهليين : وااااااو بليااااردووو لبى روووحك يا جدي
جنى : ترى أحنا بعد بنلعب
الجد يضحك : كلكم بتلعبون بالدوور ههههههههه
طلعوا العايلة من غرفة البلياردو وانبسطوا البنات شافوا المراجيح الجديدة
كانت أكثر من وحدة
بعدها راحوا للمسبح اللي كان قممة في الرووعه المسبح فيه الله يكرمكم
حمامات لتبديل الملابس وفيه الكراسي اللي تشوفونها ع البحر او مسابح
الشاليهات
الشباب والبنات فرحانين كثيييير وموب عارفين كيف يشكروون جدهم
بعد ما العايلة الكريمة خذت الجولة برا راحوا للخيمة اللي أعجز أقوول
عنها رووعه , كل شي فيها تراث فيها إضاءات حديثه ومكيف مركزي
وحتى درايش فيها وستارات وتلفزيون ما شاءالله داخل في الجدار
وكبير كأنكم جالسين في السينما وغير الركن الكاااامل المخصص
لدلال التراث والفناجيل والبيالات والجد حاط نفس اللوحة بس مسويها
من خشب وعليها قزاز << يتسكر ويتفتح كانت هاللوحة فيها صورة
الجد وأبو فارس وأبو الوليد وأبو حلى وأبو عبد العزيز
أبو فارس مبسووط : وش هالزيين يا يبه من وين جبت هالصور
الجد يضحك : سر مهنتي وما أعلم أحد

الكل يضحك كانت الخيمة تحففففه وروعه صراااحه بعد ما خلصوا من العزبة من برا << صراحه موب عزبه أعتبروها فندق 5 نجووم لأن فعلا ً الجد تعب وهو يجيب ويسوي ويرتب لين ما طلعت بالهروعة والفخامة اللي محد تصورها وهالشغل موب يوم ولا يومين طبعا ً فترة طوويلة والجد كان يشتغل في هالمشروع من يومهم البنات يدرسوون وحب في النهاية يفاجأهم بشي مميز حط تكاليف السفر كلها وأكثثر على هالعزبة الجد صار ويا عيالة وأحفاده وحريم عياله وزوجته أم محمد داخل خلوني أوصف لكم من داخل << اللي وصفته برا بعد ولا شييي طبعا ً العزبة هاذي الجد باني فيها نفس البيت كبييييييييييير ودورين وكأنهم في بيت الجد والجدة بس هذا المكان يختلف أنه في منطقة برية وذيك الفيلا وسط بيووت أول ما تدخلون ممر وفي الممر مرايات منسقه بشكل مرتب وحلوو وورد زينة وطاولة عودية عليها قفص فيه عصفورين وعقب على طوول تدخلون من هالممر على الصالة , وش هالصالة ما شاءالله قممة الفخامة والذوق الأرض سراميك ووسط السيراميك زولية باللون العنابي والذهبي والكنبات على لون الزولية والستاير كذلك , وسقف الصالة رووعة مرسوم عليه سحب يعني تصميم متعووب عليه وكل شي فيها الصالة تلفزيون كبييير شاشة مسطحة وتليفون لاسلكي وكأنكم داخلين بيت موب عزبة , وبعد الصالة في غرفة طعام خاصة للحريم وبرا المطبخ وداخل بس ثلاجات الموية فرن للأشياء السريعة مثل كوفي بعد ما طلعوا من المطبخ راحوا للمجلس حق الحريم كبييير وفيه تلفزيون وكل شي لون مقلط الحريم تركواز وذهبي [ مخمل ] روووعة بعد ما تطلعون من مقلط الحريم في ممر طووويل يوصلكم لباب تصميمه راقي هذا الباب يدخلكم على الجزء الثاني لمقلط الرجاجيل اللي كان كل ديكوره مصنووع من الخشب الفخم وبعدها رجعوا على نفس الممر للصالة وكان في درج مموج للجزء العلوي بس الجد فاجأهم ورى حركة السلم المموجة غرفته هو وزوجته أم محمد اللي كانت أكرمكم الله بحمامها << كانت غاية في الروعة ومرتبة الكل كان مذهوول لبراعة وفن الجد بعد ما خذوا طلة على غرفة الجد والجدة راحوا فوق الدرج كان ينقسم قسمين ع اليمين أول الدرج غرفة [ أم الوليد وأبو الوليد ] وروعه لون الغرفة كان مدموج اللون الأخضر الغامق مع الليموني الفاتح الديكوور ولا أرووووووع << الجد حب يغير ألوان الغرف حب يدمج ألوان مع بعض ألوان عصرية جديدة الغرفة الثانية بس طبعا ً موب ملصقة كل غرفة جنب الثانية لا عشان كل واحد ياخذ راحته غرفة [ أم فارس وأبو فارس ] كانت باللون الموف الفاتح والأسود المشجر بالورود وكل غرفة أكرمكم الله مع حمامها وتلفزيونها وكل شي ألوان الغرفة والديكوريشن خياال بس كل مرة تصف اغراضها وهي مبسووطه الغرفة اللي بعدها غرفة [ أم حلى وأبو حلى ] كانت جدرانها كذا << [ جدار مصبوغه كااامله باللون الأحمر المطفي والجدار الثانية ذهبية منقشة بوروود كبار ] كااانت غرفتهم قمممه في الفخاامة والغرفة اللي بعد غرفتهم غرفة البنات وكانت كلها أنووثه مفاااجأه الجد لما وصل عند غرفة البنات حب يلعب بأعصابهم الجد : أفتح الباب البنات متشققييين حدددهم : جدي تكفى أفتح الباااب الجد فتح الباب وكااانت المفاجأه غرفة البنات كانت فوووشية لون جدرانها كذا << [ جدار مصبووغه بالكاامل باللون الوردي والجدار الثانية مخططة بالأبيض والورديي ] رووووعه شي خونفشاااري وهالمرة كل وحدة لها سرير أسرتهم كانت باللون الفوشيا الفرش كانت ع الأسرة جااهزة ممزوجة بالفوشيا والأبيض الكبت نفس الشي الجد مسويه مخصووص للبناات والغرفة فيها تلفزيون شاشة مسطحة وهذا غير الزولية اللي يسمونها زولية المكرونية اللي مطيحين فيها ممزوجة بالونين يعني تفتح النفس غرفة البنات آخر غرفة غرفة الشغالات خلونا نحسب كم شغالة شغالتين الجدة سلام وكريمة وشغالة ام حلى روز وشغالة أم عبد العزيز وشغالتين أم فارس وشغالتين أم الوليد مشاءالله ثماان شغالات في الرحلة الجد ماقصر في غرفة الشغالات طبعا ً موب عشانهم شغالات ما يعد لهم أي حساب جهزها بالأسرة وكان لون الغرفة مشمشي وفيها حمامها الله يكرمكم بس ما كان فيها تلفزيون لو فيها تلفزيون بيبسطوون ماراح يشتغلون ويساعدون الأمهات بس كان في راديو والجد والجدة موفرين لهم سبل الراحة يعني الوقت اللي يكونون جالسين الحريم والبنات يتمشون في العزبة ولا يجلسون يشوفون التلفزيون لانهم مهما كان بشر زيهم زينا . نروح للقسم الثاني من الدرج طبعا ً هالقسم مافيه الا غرف الشباب موب نفس بيت الجد كلهم في غرفة وحده هالمره غيير الغرفة الأولى غرفة عبد العزيز والوليد وفارس الجد جمع هالثلاث مع بعض لأنهم كبار وسنهم متقارب من بعض الغرفة كانت رووعه جدرانها [ باللون الكحلي والسلفر المنقش ] الله يكرمكم بحمامها فيها ثلاث أسره والفرش كحلية مموجة بأبيض الزولية المكرونه الكحلية وطبعا ً الأرض سيراميك فيها تلفزيون معلق شاشة مسطحه طاولات كبتات أبجورات قممة التنسييق الغرفة الثانية غرفة نواف وطلال الغرفة باللون الأزرق يعني جدار مصبوغ باللون الأزرق كااامل وجدار مخطط بالأزرق والأبيض فيه ثلاث أسره كل سرير عليه مفرش مموج بين الأزرق والأبيض الزولية المكرونية المموجة بين الأزرق والأبيض بكبتاات بأباجورات بحمامها الله يعزكم بتلفزيونها بكل شي وأخيرا وليس آخرا ً قعده للشباب فيها كنبات وتلفزيون بعد هالرحلة الطويييلة والوقت اللي مر بسررعة الساعة صارت 9 ونص الجد قرر أن اليوم راحة ماراح يطبخون الحريم حب يشتري عشى وصى الشباب يجيبون أنواااع الأكل وغير كذاا الحلوياات بمناسبة السهره اللي راح تكوون مميزة للكل الشباب ما قصروا شروا العشى والكل تعشى وصارت اللحين الساعه 11 الشباب ما صدقوا على الله خلصوا وطلعوا برا راحوا لغرفة البلياردو أما البنات راحوا لغرفتهم فووق

أم حلى وهي مبسوطه : عسى ما ننحرم منكم يا يمة اللي تسونه لنا ولعيالنا
كثييير
أم الوليد : أي والله يا يمة ما قصرتوا أبوي ما شاءالله عليه حسسنا كنا مسافرين
الجدة : أنتوا تدرون أبوكم ابو محمد يحبكم كثيير ويحب احفاده يعني هاللي
سواه ابو محمد يسويه أي جد لاحفاده
نروح للشباب اللي كانوا فاالينها في غرفة البليارد
فارس متشقق : يا ناااس يا هووه بلياارد صدقي موب قيمزر ع الاب
عبد العزيز : ههههههههه ورنا اللعب الجامد يا حريييف
فارس يغمز لعبد العزيز : افاااا عليك وشوف كيف بدخل هالكورة فارس كانت
هوايته لعبة البليارد وحرييف درجة أولى ودخل كورتين بدل الوحده
طلال يضرب كتف فارس : تعجبنييي شننننب << ههههههه كلمة الشباب
نواف يستهبل : اكيييد انه شنننب دام ان نواف اخووه
فارس مطير حاجبه : أقوول تخسي انت ويااه انا شنننب غصبن من ورا وجيهكم
الوليد يضحك ويناظر فارس : كفووو ولد عمي علييك فيهم
نروح للبنات فوق
حلى ماسكه الريموت وتفرفر في التلفزيون
نهى مبسووطه : وااااااااااو الطلعه تجنننننن عجيييبه
غلا : فكه من الدراسه والغثى اللحين الواحد ينبسط وينام ويقوم على رااحته
جنى : حلى حطي على قناة وناسة
حلى حطت على قناة وناسة وكانت فيها أغنية شيرين [ أخيرا ً انا أتجرأت ]
والبنات اللي قامت تهز ونهى يعني تمثل مسوية فيديو كليب مع جنى أنها حبيبها
وجالسه تعلي صوتها عليه وحلى ومها يرقصون مع بعض وغلا تصفق شوي
وترقص معاهم شوي يعني كااانت الغرفة قروووشة

نروح للخيمة
الجد : أربكم مبسوطين يا عيالي
أبو الوليد : والله يا يبه أنا مستحي منك مدري وش أقول كفييت ووفيت عسى
الله يطوول لنا بعمرك
الجد يبتسم : وليه تستحي يا ولدي أنا أبوكم وأنتم عيالي إذا فرحت خاطر
عيالي وحريم عيالي وعيالهم وصرفت خيري وحلالي عليهم أصرفه لميين
أبيكم تنبسطوون هنا .
أبو فارس : والله يا يبه حنا مبسوطين ومرتاحين دامك حولنا أنت وأمي
الجد : الله يرضى علييك يا ولدي
أبو حلى : يا جعل عينا ما تبكيك يا الغالي وعسى ربي يطوول لنا بعمرك أنت
وأمي وتشوفون عيالنا معاريس وتشوفون عيالهم بعد .
الجد : اللهم آآآآمين ونشووف عيال بناتك يا ولدي
أبو حلى : آآآميين يبه .
أبو عبد العزيز : عسى أيامنا عامرة كلها خيير ومحبة .
الجد : آآآميين يا ولدي
أبو فارس , وأبو الوليد , وأبو حلى : اللهم آآآآمين
نرجع للشباب
الشباب للحين يلعبون ونواف جالس على الكرسي يشوف التلفزيون
هالغرفة مخصصه بس للبليارد واللعبة الثانية اللي ذكرتها لكم وللبلي
ستيشن
نواف : شباااب تعالوا نلعب فوتبول
الشباب : ................ سييين مندمجين مع البليارد
نواف : شبااااااااااااااب وجععع زيين
الوليد : مطيير حاجبه يووجع عدووك قل آآآمين خيير ان شاءالله
نواف وهو متكي : آآآمييين صارلي ساعه انادييكم نبي نلعب فوتبوول تحدي
فارس : مندمج حده مع اللعب يا خي لا تخرب جوي جالس أركز مع الزااوية
عشان أطيح الكورة
نواف قاام وحاط يده في جيووب الجينز : ترككز هاااه
نواف بالعمد راح عند طاولة البليارد وخرب طريقة الكوور كلها وجلس على طاولة البليارد
فارس جن جنوونه عصصب : نوافوووه يا دلخ ووخر
الولييد مييت ضحك على دلاخة نواف : أنزل يا غبي لا تكسر الطاولة أنت
ووجهك
نواف : عشان لما أتكلم تسمعووني جعلللكم مانيب قااايل بسكم بليارد
من نزلنا وانتوا تلعبون بليارد
فارس وده يضرب نواف : والله يا انك دللخ ويبيلك جلللد بس هيين يا نوافووه
مردووده
نواف : يلا قداامي
نرجع للبنات
جالسين يطالعون فلم في إم بي سي أكشن
رن جوال جنى [حبيبي .. يتصل بك ] جنى تشقققت لما شافت رقم الوليد
البنات : ردي علييه ازعجتينا
جنى تبي تضحك بس تبي تعرف اذا قصدهم الوليد ولا لأ
جنى : ميين اللي ارد عليه
غلا مطير حاجب : تستهبلين ويا خشتك في غيره الأمير الوليد ما نبي نكمل
عشان ما يسحبون منا الأخضر
البنات فقعوها ضحك
ردت جنى على الوليد وعند البنات
جنى برقه : آلو
الوليد : لبى هالصووت وراعية الصووت
جنى وجهها صار زي لوون الغرفة
البنات يأشرون لجنى حطي سبيكر .. وحطت جنى ع السبيكر
الوليد يضحك : جنوو وين رحتي وش فيك ساكتة
والبنات كللهم لاصقين في جنى يسمعوون المحادثة
جنى تشجعت : لا ولا شي حبيبي أسمعك
نهى تأشر بيدها : يا عيني يا عيني
الوليد : وش قلتي ؟
جنى تناظر البنات
والبنات يضربونها عيديها
جنى : حبيبي
الوليد : أحلى كلمة سمعتها من أحلى وأرق إنسانة
مها تعلق على الكلمتين الآخيرتين أحلى وأرق وتعفس خشتها
جنى بغت تفقعها ضحك بس مسكت نفسها
الوليد : كيفك جنوو وحشتيني كثييير قلبوو
حلى حاطه يدها عند عينها يعني ومطلعه لسانها << يعني ينصصب لا تصدقينه
جنى : بخير حيااتوو دامك بخيير جنى مسوية نفسها زعلااانه واللي حبيبته
وااحشته ما يسأل عنها الا اليوم .
الوليد : والله ياقلبي قلت أكلمك بعد الاختبارات وراك دراسه ومابي شي
يشغلك وأنا دااق عليك عشان أبارك لك
جنى : فديييتك عسى ربي ما يحرمني منك
الوليد : ولا يحرمني منك حبيبتي
البنات يرفعون أياديهم آآآآميين
الوليد : جنوو أبي أقول لك شي
البنات يناظرون بعض ويأشروون وشو << هههههه ملاقييف
جنى : وشو الوليد
الوليد وصار صوته أقرب للهمس : أبي أخطبك رسمي
البنات قاااموا ينااااقزووون << وكانوا بيفضحون أنفسهم وبيصرخون من
الفرحة بس كل وحدة حطت يدها على ثم الثانية
جنى وجهها صاار ألواان وقلبها يرررقع بقووة : الوليد من جدك
الوليد يضحك ضحكة هاادية : طبعا ً من جدي أجل أمزح أبي أخطفك قبل
أحد يخطفك مني
البنات مسوين نفسهم يرقصون رقصة روماانتك << هههههه عليهم حركاات
دجججه
جنى خلاص ما قدرت تتحمل الاحراج اللي هي فيه : الوليد أنا لازم أسكر
اللحين أمي تناديني
الوليد حس بإحراج جنى بس بعد زادها أضعااف الإحراج اللي هي فيه
الوليد : أحبك
جنى : وأنا بعد باي وسكرت جنى من الوليد
البنات ما صدقوا خلصت جنى نطوا عليها وصاروا يبوسونها مبروووك جنوو
جنى تضحك : للحين ما صار شي يا مجانيين
البنات : مبرووك مقدما ً
غلا تستهبل تقلد صوت الوليد : أحبك
نهى تقلد جنى : وانا بعد باي
جنى تناظرهم بنص عين
بس فقعوها ضحك
الساعه اللحين صارت 1 والشباب ركبوا فوق غرفهم والبنات للحين مع
إم بي سي أكشن , وأبو الوليد وزوجته في غرفتهم , وأبو فارس وزجته
نفس الشي , وأبو حلى وزوجته بعد في غرفتهم وحتى أم عبد العزيز
وزوجها يعني تحت مافي احد الكل فوووق
نرجع للبنات
البنات متحمسين مع الفلم
نهى : بناات بروح أجيب مويه في أحد بيجي معي
البنات : .........سيين ومتاابعه جييدة للفلم
نهى : خذت مخدة ورمتها عليهم , يعني يقالهم متحمسين مع الفلم
مها : نهووووي جيبي لي موويه
نهى وهي طالعة : أشتغل عندك أنا طيييب
نزلت نهى تحت وراحت للمطبخ اللي داخل فتحت الثلاجة وخذت غرشتين
مويه وجلست على الطاولة تشرب مويه
رن جوال نهى الساعه 1 وربع صارت مين متصل اللحين
[ أستاذة دلال ] نهى شرقت بالمويه وصارت تكح
نهى : يالييييييييييل هاذي وش تبي اللحين خل أرد عليها
نهى : نعم !
أستاذة دلال : كيفك نهى
نهى : تماام الحمدلله
أستاذة دلال : جعله مدييم يارب
نهى : ويااك
أستاذة دلال : مبروووك النجااح
نهى : الله يبارك فيك
أستاذة دلال : نهى أبي أقول لك شي
نهى : خييير ؟
أستاذة دلال : أنا حااولت كثير إنك تكونين لي لكن محاولاتي كانت كلها فاشلة
وأحب أقولك سووري على كل اللي سويته معااك وأوعدك إنك ما تشوفين
رقمي مرة ثاانية .
نهى مبسوووطة : تصدقيين والله أحلىى خبببر سمعته بحياااتي هالخبر
أحلى من خبر نجاحي حتى << وزيين بعد حسيتي على دمك
أستاذة دلا بدت تتنرفز من أسلوب نهى : أنا الغلطاانه اللي داقه عليك
نهى : أحد ضربك على يدك وقالك دقي علي وقفلت نهى في وجه
أستاذة دلال قبل تقفل في وجهها .
نهى بعد المكالمة وهي طالعة تضحك : والله ناااس
عبد العزيز كان نازل من فوق : عسى دووم الضحكة
نهى ارتبكت وحاولت تتجاهل عبد العزيز
بس عبد العزيز مسكها من يدها : وش فييك حتى كلمة يدووم لك الخيير
مستخسرتها علي .
نهى ترتجف: لا بس ولا شي ولا شي
عبد العزيز : يضحك وشو اللي ولا شي ولا شي
نهى : انا رايحة فوق
عبد العزيز للحين واقف ع الدرج كان كل همه يجلس مع نهى
عبد العزيز : نهى قبل ما تروحيين ممكن أطلب طلب طيب
نهى : آمرني ولد عمتوو
عبد العزيز : بنت خالوو تعالي نتمشى برا شوي حاس نفسي مخنوق
نهى مستغربة : وين الشباب
عبد العزيز :ب في فلم في ام بي سي ماكس ومتحمسين معه
نهى : طيب أنا ودي أروح عند الخيوول أحس فللة هناك
عبد العزيز : يلا مشينا الخيوول , الخيوول
وراحوا لمزرعة الخيوول , الخيوول كانت ألوانها رووعه الخيل الأول لونه أسود
وذيله طوييل ناااعم ما شاءالله , والخيل الثاني لونه أبيض , والخيل الثالث لونه
مايل للبيج , نهى لفت انتباهها الخيل الأسود
نهى وقفت عند الخيل الأسود وصار راسها قريب من الخيل وكأن شي جذبها لهالخيل
عبد العزيز يبتسم : أحم , كح
نهى تضحك : صحة
عبد العزيز يبتسم وعينه في عين نهى : على قلبك .
نهى استحت من نظرات عبد العزيز ولفت وجهها للجهه الثانية
عبد العزيز : نهى في موضوع شاغلني وأبي أكلمك فيه
نهى : أسمعك يا عبد العزيز
عبد العزيز : نهى أنا أحب وحده
نهى حست بنووع من اللخبطه أو نقدر نقوول غيره : تحب وحدة
عبد العزيز : كأنك متفاجأه
نهى تحاول تخفي مشاعرها : لا عادي لا متفاجأه ولا شي وليه أتفاجأ
عبد العزيز : آآآه منك ياا قلب
وصاار صمت خلال 10 دقايق
نهى ومييته تبي تعرف مين اللي يحبها عبد العزيز : منهي سعيدة الحظ اللي
أمها داعية لها .
عبد العزيز : كل شي في وقته حلو
نهى مسويه نفسها زعلانه : يعني ماتبي تقولي ؟!
عبد العزيز يغير الموضوع : وش رايك فيني نهى أنفع أكون زوج وأتحمل مسؤولية
نهى تبتسم : أنت إنسان خلووق وحبوب وقلبك طيب وكلنا نحبك وبعدين
يحصل لها تلاقي واحد زيك
عبد العزيز : كلكم تحبوني مين بالضبط
نهى تلعب بالخيوط اللي في يدها : كل بناات وعياال خوالك
عبد العزيز ابتسم وسحب خيط أخضر من يد نهى
نهى فاتحة عيونها : خيطي جيبه
عبد العزيز يضحك : احلمي تاخذينه خليني أكشخ فيه بكره عندي تيشرت أخضر
نهى حست بنفسها طولت : يوووه الساعه 1 وربع
عبد العزيز : طيب خليني أوصلك
نهى ماشاءالله العزبه كبييرة ومساافة
عبد العزيز يناظر نهى : جاتني فكرة وش رايك أوصلك بالخيل اللي تحبينه الأسود
نهى مبسووطه من جدك عزووز : بتركبني
عبد العزيز يبتسم : عزوووز اسمي يجنن على لسانك
نهى صار وجهها أحمر
عبد العزيز : يلا خلينا نرووح
وعبد العزيز ونهى طلعوا الخيل الأسود عشان تركب نهى ويوصلها عبد العزيز
فيه

نهى : ما أعرف كيف بركب
عبد العزيز يبتسم : شوفي كيف بوريك تركبين ع الخيل بسرعه شفتي هاذي
الحديدة حطي رجلك عليها وركبي بسرعة كذا
نهى تحك راسها : طيب بجرب , ركبت نهى وتعلقت رجلها ههههههه دخلتها وااجد
عبد العزيز فاااطس ضحك على شكل نهى
نهى مسوية نفسها بتصيح : عبد العزيز لا تضحك ساعدني
عبد العزيز : مسك يد نهى وعدلت رجلها
وصار يمشي عبد العزيز بالخيل
نهى مبسووطه وتناظر عبد العزيز
عبد العزيز : مبسوووطه
نهى : كثيييير , أحس أني بنت شيووخ وانا راكبه ع الخيل وأنت توصلني
عبد العزيز يضحك على نهى
ووصل عبد العزيز نهى لين الباب
نهى : كييف أنزل
عبد العزيز : أصبري بس أربط الخيل , وربط عبد العزيز الخيل
عبد العزيز : جيبي يدك , مدت وحطت نهى يدها ف يد عبد العزيز
عبد العزيز : يلا حطي رجلك ع الحديدة هاذي شوي شوي
ونزلت نهى بس كانت بتطيح على عبد العزيز , وبحركة سريعة مسك عبد العزيز نهى
عبد العزيز يناظر نهى , ونهى نفس الشي
نهى انحرجت : وراحت داخل
عبد العزيز : طيب مافي شكرا ً عزووز
نهى باحراج : مشكوور ولد عمتوو
عبد العزيز بينه وبين نفسه : ليتك تدرين باللي في داخلي يا نهى
وراح عبد العزيز لفوق ونهى دخلت عند البنات
البنات كانوا متسدحين
حلى : كل ذا موية
نهى : كنت جالسة في المطبخ اللي داخل وجلست اكلم سويير وحشتني
نهى : هااك مهووي مويه
مها : ثاانكس قلبوو
البنات طفوا اللمبات وجالسين يشوفون ام بي سي اكشن
نهى تتذكر اللي صار بينها وبين عبد العزيز وتبي تعرف مين هاذي اللي يحبها
عبد العزيز
عبد العزيز نفس الشي يفكر في نهى ما نام عبد العزيز الا بعد تفكيييير طوييل
الساعه 2 الكل كان نايم

البارت الواحد والعشرين [ عسى الله لا يبين لك غلاك وقدرك الخآآفي ]
في العزبة << كنت بقول بيت الجد والجدة هههههههه
الصباح الساعة 10 , الجدة , وأم الوليد , وأم فارس , وأم عبد العزيز , وأم حلى
جالسين يفطرون وسواليف وكل وحده كيف كانت ليلتها مع زوجها في هالغرف
اللي تفتح النفس يعني كل وحده حست نفسها رايحة شهر عسسل
على طااري العسسل
البنات نااااايميييين في العسسسل
نروح للشباب
فارس والوليد نايمين , أما عبد العزيز كان جالس على السرير يفكر في نهى
عبد العزيز : كيف أفاتحها في الموضوع , كيف أقوول لها اني أحبها ؟!
ياربي وش أسوي ذبحني التفكيير << وتوك يا عبد العزيز في البداية لما يزيد
الشووق راح يزيد الحب أكثر وأكثر << ياعيني عليتس يا إحسآس .. كلتس إحسآس في التعبير .
أما طلال ونواف غاااااطيين وفالينها نوومه
طلع عبد العزيز من غرفته بعد ما غسل وجهه وخلص أموره راح لغرفة نواف
طلال فتح الباب شوي , شوي لقاهم نااايمين وما يدروون بالدنيا
عبد العزيز قال ينزل تحت أحسن وهو نازل التفت لغرفة البنات ونزل بسرعة
عبد العزيز وهو نازل الجدة وحريم خواله وأمه جالسين بالصالة
الجدة : هلا بولدي عبد العزيز
عبد العزيز مبتسم وراح يسلم على جدته : صبااح النوور على أغلى وأحلى جدة
الجدة : الله يرضى عليك صبااح النوور والسرور
وقام عبد العزيز وباس راس مرت خاله أم الوليد وأم فارس وأم حلى وراس أمه
أم عبد العزيز : هلا حبيبي إن شاءالله نمت زيين
عبد العزيز يمزح مع أمه : دامك نمتي أنتي وأبوي أمس زين يعني أنا فلييييتهااا
الكل ضحك على عبد العزيز وأمه ضحكت بس صار وجهها ألواان من الإحراج
أم عبد العزيز : عزووووز شتقصد
عبد العزيز سحب نفسه عشان ما تجيه تهزيئه قام من عند أمه وباس راسها
مره ثانية : أقصد إن عسى الله لا يحرمني منك يا الغالية ولا من أبوي
عن أذنكم
الجدة تبتسم : عسى يااارب نفرح فيه ونشوفه معرس إن شاءالله
أم عبد العزيز ترفع يدها لمجيب الدعاء : آآآآمييين يااارب
عبد العزيز وهو يتمشى شاف الخيل الأسود واعتبره من ليلة البارحه
هالخييل خيله لأن نهى اختارت هذا الخييل وعجبها حييل .
فتح عبد العزيز الحبل ومسح بيده على راس الخيل وركب عليه وصار يتمشى
فيه على كبر العزبة بعد ما اخذ فيه لفه رجعه مع الخيول
دخل عبد العزيز الخيمة لقى جده في الخيمة يشوف التلفزيون
عبد العزيز : باس راس جده ويده , صبااح الخيير يا أغلى جد
الجد يبتسم : الله يرضى عليك يا ولدي صباح النور والسرور
عبد العزيز : كيفك يا جدي وكيف صحتك ؟
الجد : بخير ولله الحمد
عبد العزيز : جعله مدييم يارب
الجد : يدووم لك الخيير يا ولدي
عبد العزيز : أصب لك قهوة يا جدي
الجد : صب يا ولدي وعطني بادية التمر
وجلس عبدالعزيز يتقهوى مع جده
عبد العزيز حس أنه يبي يتكلم مع جده بس موب عارف كيف يبتدي بالكلام
الجد حس بعبد العزيز : وش فيك يا ولدي فيك شي
عبد العزيز حس بلخبطة شوي : لا يا جدي سلامتك مافي شي
الجد يبتسم لعبد العزيز : عبد العزيز
عبد العزيز بدا قلبه يدق بسرعة : لبييه يا جدي
الجد : قول وش فيك عينك فيها كلاااام كثيير
عبد العزيز : ما شاءالله علييك يا جدي تفهم الواحد من نظرة عيونه
الجد : أنت ولدي ومربيك مع عيال عمك كيف ما تبيني أفهمك وأنا جدك
عبد العزيز : جدي أبي أقول لك شي .
الجد : أسمعك وأنا جدك
عبد العزيز : جدي وش رايك فيني أنفع أكون زوج وأتحمل مسؤولية مرة وبيت وعيال
الجد مستغرب : ليه لا يا ولدي ما شاءالله عليك رجال عمرك 25 سنة وألف بنت
تتمنااك , ثقل , وعقل , وأخلااق , ومرجللة أنت أشر بس وأنا وأبوك نروح
نخطبها لك واللي ترفضك ما ظنتي بعد بيتقدم لها واحدن زيك يا ولدي
عبد العزيز : عسى الله يطول لنا بعمرك يا جدي
الجد يبتسم : ما قلت لي منهي هاذي سعيدة الحظ اللي أمها داعيتن لها
عبد العزيز : منحرررج ومستحي يقول لجده أنها نهى
الجد يبتسم : والله إحساسي يقول وأنا جدك أنها وحدة من بنات خالك بس
أي وحدة فيهم الله واعلم
عبد العزيز : بقولك يا جدي بس أبيك توعدني ما تجيب سيرة لأحد لين ما
نشوف الوقت المناسب
الجد: سرك في بيير وأنا جدك
عبد العزيز : جدي أنا أحب نهى بنت خالي ناصر أعشقها يا جدي
الجد يضحك : والله وعرفت تختااار طلعت منت هين عااشق وجدك ما يدري
عبد العزيز : وش رايك في نهى يا جدي
الجد : نهى هاذي دلوعة العايلة ودلووعة جدها نهى بنت عاقلة وواعية
عبد العزيز : يعني يا جدي ننفع نكون لبعض
الجد وهو يناظر عبد العزيز : وهي بتلاقي أحسن منك
عبد العزيز باس راس جده
الجد يضرب كتف عبد العزيز بطريقة مزااح : وحبيبة قلبك تدري أنك عاااشق ومغرم
عبد العزيز يبتسم وهو منحرج : بصراحة لا بس انا خايف من ردت فعلها
الجد : لازم تدري أنك تحبها يا عبد العزيز
عبد العزيز : وشلون يا جدي
الجد يضحك : عبد العزيز ! كيف وشلون في أحد ما يعرف يبوح مشاعره لبنت
وخصوصا ً بنت خاله .
الجد : شد حيلك نبي نفرح فيك ونشوف عيالك
عبد العزيز : إن شاءالله يا جدي
الجد : ما قاموا عيال خوالك
عبد العزيز : مدري عنهم والله أنا أول ما قمت نزلت تحت سلمت على جدتي
وأمي وحريم خوالي وما وجيت هنا
الجد : ايه
عبد العزيز : أصب لك شاهي يا جدي
الجد : صب وانا جدك
عبد العزيز باستغراب : أقول جدي وين أبوي وخوالي ما شوفهم
الجد : أبوك وخوالك راحوا يشترون فواكه وخضره أنا قلت لهم يروحون للسوق
عبد العزيز : طيب يا جدي أنا اخليك بروح أشوف الشباب ونجي عندك
الجد : طيب لا تبطون
عبد العزيز و هو طالع : والله اذا ما قاموا مالهم الا موويه باارده تخليهم يصح صحون
الجد يضحك : تحمل ما يجييك

نروح للبنات
نهى : يازييين النوووم فيذا الغرفة
مها مبسووطه حدها : أي والله وناااسه
حلى : يانااس أنا جوييعه أبي آكل
غلا : وأنا بعد أبي آكل مم
جنى : خلونا ننزل ناكل شي اللحين الساعة صارت 11
البنات : يلا ننزل
ونزلوا البنات تحت
الجدة : يالله إن تحيي بناتي
أم فارس : وش ذا النووم أكييد سهرانيين
نهى : طبعا ً لازم نسهر خلصنا اختبارات اجااااااااازه
البنات سلموا على جدتهم وعلى امهاتهم وعلى عمتهم ام عبد العزيز
الجدة : نمتوا زين
حلى : هذا سؤال يا جدة اللي يقعد في هالمكان وينام في غرفة زي غرفتنا
وشلون ما يناام زيين يا جدة
نهى تستهبل : تخيلي يا جدة من حلاة النوم طحت من السرير وصلت عند باب
دورة المياة اكرمكم الله ما حسيت
جنى مييييييييته ضحك : صواااارييييخ
الكل يضحك على استهبال نهى
مها : جدة نبي ناكل جوعانيين
الجدة : روحوا المطعم وتلاقون الأكل على الطاولة
نهى : متى الغدى
ام حلى : أنتي اللحين أفطري بعدين قولي متى الغدى
البنات يسحبون نهى
نروح للشباب
عبد العزيز دخل غرفتهم هو وفارس والوليد فتح الستاير وشغل اللمبات
وصار يطق على الطاولة
فارس : يووه يا عزووز خلنا ننام ياخي
الوليد : عبد العزيز طف اللمبات وسكر الستاير واطلع برا وسكر الباب وراك
عبد العزيز : والله ما اسوي شي من اللي قلتووه أقوول قوموا بس الساعة
صارت 11 جدي يبينا نجلس معه
فارس يصاارخ : عبد العزييييييييز
عبد العزيز : ماني طالع ليين ما تقومون قوموا عاد أستحوا على وجيهكم يلا
واحمدوا ربكم أني جالس انطركم عشان نفطر سوا .
استسلم فارس وقام
عبد العزيز راح للوليد يحرك المخدة : يلا الوليييد
الوليد : طييب شوي بس
عبد العزيز : اللحيييين قووم قدامي
الوليد قام شوي وبيصيح من حلات النووم : حتى في الاجازة ما تخلون الواحد
ينام مرتاح
عبد العزيز : أقول قم بس لا يكثثر بروح اقوم طلال ونواف
وراح عبد العزيز لغرفة نواف وطلال ولقاهم نفس الحال كل واحد نايم وسيقانه
واصله لتحت .
عبد العزيز مثل ما سوا في الوليد وفارس سواه في طلال ونواف
طلال : يا اللللللللللللللللله
نواف حط المخدة فوق راسه
عبد العزيز يهدد نواف وطلال : بتقومون برضااكم ولا أجيب طشت فيه مويه
أصبه فوق رووسكم عشان تقومون غصصب
نواف نط : تكفىىىىى يرحم أوومك كله ولا المويه
طلال قعد على حيله : أفففف
نواف دخل دورة المياه وغسل وجهه ولبس
وبعده طلال
عبد العزيز جلس ينتظرهم لين ما خلصوا
فارس : يا شييينك يا شييخ صجيتنا
عبد العزيز : لين متى النوم ان شاءالله جدي جالس بلحاله في الخيمة
نواف : يلا مشينا طيب
الشباب نزلوا تحت سلموا على جدتهم وعلى امهاتهم وعمتهم
وراحوا للخيمة
نروح بيت راكان
الريم في غرفتها : بدق على غلا أسلم عليها
دقت الريم على غلا
غلا جوالها يرن [ الريم يتصل بك ]
غلا ردت : آلو
الريم : هلا والله غلا وحشتيني حيييل
غلا تحاول تكلم الريم عادي : وأنتي أكثر حبيبتي
الريم : كيفك يا قلبي وكيف حلى ونهى و جنى ومها
غلا : كلهم بخيير ويسلمون عليك
الريم مبسوطة : الله يسلمك ويسلمهم من الشر , سلمي عليهم كثيير
حبيت أتطمن عليكم وأقولكم مبروووك على النجاح
غلا : الله يبارك فيك فديتك , فيك الخيير , وأنتي بشري نجحتي
الريم : ايه الحمدلله نسبتي 95
غلا مبسوطة للريم : تستاهلين كل خيير يا قلبي
الريم : تسلمين حياتي يلا انا ما أطول عليك بس حبيت أسمع صوتك
غلا : الله يسلمك ما تقصرين
الريم : مع السلامة
غلا : في حفظ الله
مها : مين هاذي
غلا : هاذي الريم يحليلها تسلم علييكم كثيير وتقول لكم مبرووك ع النجاح
البنات : الله يبارك فيها
حلى : يا حبي لذا البنت ما شاءالله عليها ذراابه وادب وأخلاق لو عندنا أخو
كان خطبناها له .
نهى تستهبل : شرايك نخطبها لطلااااال وش رايك مهووي
مها فاقعتها ضحك
حلى تناظر نهى وهي معصصصبه : تستخفين دمك ويا وجهك
البنات صاروا يضحكون على شكل حلى
نهى : هيييه يا مجنووونة ترى امزح معك
طول ما البنات يمزحون كعادتهم غلا تفكر في راكان من وين جاب رقمها
معقولة الريم عطته رقمي , بس لا لا الريم ما تسويها الريم موب كذا
عكس راكان بالضببببط , أمووت وأعرف كيف جاب رقمي اذا موب من الريم
جنى : يا حلوووو وين رحت
مها تستهبل : عند نواافووه
غلا تناظرهم : أقول لو تاكلون وانتوا ساكتين ترى أحسسسن
بعد ما خلصوا البنات راحوا للصالة جلسوا مع امهاتهم وعمتهم وجدتهم
سواليف وضحك وناسه
والشباب بعد جالسين مع جدهم سوالييف وضحك
بعدها جوا ابو فارس وابو الوليد وابو عبد العزيز
وع الساعة 2 الكل تغدى بعد ما خلصوا غدى الجد قال لعياله يبون يسبحون
في المسبح
طلال مستغرب : حتى انت يا جدي بتسبح
الجد يضحك : ايه بسبح ولا عشانكم شباب تسبحون وانا جد ما اسبح معكم
أبو فارس : ولا يهمك انت اول واحد بتدخل المسبح
وقاموا الشباب مع الجد وابو فاس وابو الوليد وابو عبد العزيز
وراحوا للمسبح

الحريم مها : خلونا نروح للدريفات شوي أم الوليد : خذوا طرحكم عيال عمكم ولد عمتكم برا خذوا طرحكم ورحوا , خذوا البنات طرحهم وطلعوا برا راحوا للخيمة ما حصلوا أحد , سمعوا صوت الشباب يضحكون في المسبح << فيهم فضوول ههههه جنى : شكلهم في المسبح غلا : يمكنهم يسبحون مها تستهبل : أكييد يسبحون , يعني يطبخوون نهى تستهبل زيااده : تشمووون البنات يشموون مصدقين بعد حلى : ما اشم شي مها : وش ريحته نهى : ريحة كبسة طالعه من المسبح غلا : بناااات عليييها نهى حطت رجلها والبنات يلاحقونها صاروا يراكضون ورى بعض نهى وقفت : ستوووب تعبتوني لحظه خلونا نطل على الشباب البنات ما صدقوا خبر يلا وكان في درايش برا تطل ع المسبح والبنات صاروا يطلون وموب مصدقين البناات : جديييييي يسببح معهم نهى : أبوي لبى طووله مها : ماي فذر جنى : وأبوي بعد مبسووط نهى : يلا نروح قبل أحد يطلع يقوول وش يسوون ذولي البنات راحوا للدريفات وصار سواليف وضحك واستهبال يعني كان جوو عائلي ممتع فووق ما تتصورن << حلوو الواحد في الحقيقة يعيش أجواء زي كذا مر الوقت بسرعة بعد هالوناسة وبعد هالجوو الحلوو وخصوصا ً الجد كان مبسوط لأنه غير روتينه يعني سبح مع عياله وعيال عياله مر الوقت بسرعة العصر << العصر داايم ما تكون فيه أحداث كثييرة لأن هالوقت يممر مرور البرق الساعة اللحين 6 المغرب عند البنات فوق البنات جالسين ع الاب يسولفون ع الماسن كان في لاب توبين حق جنى ومها , وهم جالسين دق جوال غلا , غلا شافت الرقم حست أن روحها بتطلع طلعت غلا من الغرفة وصارت تكلم راكان غلا بعصبية : خييير راكان : مساء الخيير طيب غلا : أنت وش تبي راكان : أرد أعيد وأزيد وأقولك إني أحبــــــــــــــــك غلا وبدت تثوور أعصابها : ياخي أنت ما تفهم أنا أكرهــــــــــــك ما أطييقك ولا أطييق أشوف وجهك أنت ما تحس ما عندك كرااامة راكان : ما يهمني الكلام هذا كله أسمعي أبي أشوفك غلا معصصبه : تشووفني على أي أساس ووش بيني وبينك عشان تشوفني هذا اللي ناااقص شيين وقوي عييين بعد راكان وبكل بروود : أسمعي تو الناس الساعه 6 الساعة 8 أبي أشوفك في الكوفي واذا ما شفتك الساعه ثمان هناك راح أقول لأبوك انك تكلميني وان في علاقة بيني وبينك غلا ماقدرت تتمالك أعصابها نزلت دمعتها : أنت واحد ساافل وحقير راكان : نفذي اللي اقولك عليه وبكل هدووء ولا بألف قصة بخلي سيرتك على كل لسان وقفل في وجه غلا غلا من الصدمة جلست تصييح بحرقة قلللب نهى طلعت من الغرفة وشافت غلا تبكي من قللب نهى وهي خايفة وماسكة يد غلا : غلا حبيبتي وش فييك ردي علي وغلا المسكينة للحين منهااارة نهى شوي وبتصيح : بنادي حلى غلا مسكت يد نهى بقووة : لا لا تقولين لهم شي نهى خذت غلا على جنب : تكفيين غلا وش فيك قولي لي غلا : قاالت لنهى السالفة من طق طق للسلااااام عليكم نهى وقفت معصصصبه وعينها مليااانه شراااار : وكيف تسكتين عن هالسافل وشلون ما قلتي لنا وليه ما قلتي لنواف ان صديقه كان بيعتدي عليك وكيف اخذ رقمك ولا ومتصل وبكل وقاحة يبي يقابلك واذا ما قابلتيه بيألف قصة لأبوي وبيخلي سيرتك على كل لسان كييييييف غلا تبكي وتحاول تهدي نهى : تكفيين نهى ساعديني قصري حسك مابي احد يسمعنا , بس يا غلا انتي غلطاانه << اللي سمعهم نواف كان في غرفتهم يبي يطلع بس جلس يسمع الكلام اللي صار بينها وبين راكان وبينها وبين نهى << نوااف حس بصدمممه وفهم السالفة غللللط يحسب انه في علاقة بين غلا وصديقه راكان غلا : شوفي هو قالي بيقابلني بالكوفي اللي عند شارعنا بس ابيك تجين معي نهى نهى خاايفة على حالة غلا النفسية : طيب يا قلبي لو طلعنا مين بيودينا أصلا ً وجدي ماراح يخلينا نطلع بلحالنا في ذا الطريق في مسافة بين العزبة وبين بيوتنا غلا منهاارة وتصيح : الله يخليك يا نهى تصرفي شوفي لي حل انا اخاف يوصل لأبوي نواف يسمع ومصدوووم وانهد حييله جلس ورى الباب يسمعهم نهى : طيييب جاتني فكرة غلا : قولي الله يرحم والديك نهى : وش رايك أقول لعبد العزيز يوصلنا غلا : عبد العزيز لا لا اخاااف نهى : وش تخافين منه بنقول له نبي كوفي من هناك ودوناات ونخليه ينتظرنا وتشوفين هالزززفت وش يبي غلا : قولك كذا نهى : مافي الا هالحل واذا جينا نطلع بنقوول لأهلنا بنروح نجيب لنا ملابس ونجيب لابتوباتنا وعادي بنقول لهم عبد العزيز بيروح معنا لان الطريق بعيييد وفعلا ً بتمشي الخطة على نفس ما خططت لها نهى نهى خذت طرحتها وراحت برا اما غلا مسحت دموعها ودخلت الحمام اكرمكم الله عشان تغسل وجهها والبنات ما يلاحظون شي ونواف المسكين طلع من الغرفة مصدووم هو كان في الغرفة راكب ينزل لابتوبه لانهم بيجلسون في الخيمة وصار اللي صار نزل بسرعة نواف عشان محد يشوفه اما نهى راحت لعبد العزيز نهى : كيفك ولد عمتي عبد العزيز مبسوووط : بخييير يا بنت الخاال دامك بخيير نهى : تسسلم عبد العزيز يناظر نهى وهو مبتسم : آمري نهى وجهها صار أحمر : ما يآمر عليك ظاالم بس أبي منك خدمه اذا مافي احراج عبد العزيز يناظر نهى : آمري عيووني لك نهى وصارت تشبك اصابعها في بعضها : تسلم عيونك نهى : نبي نطلع كم مشوار انا وغلا نبي نروح نشتري كوفي للبنات ودونات تدري البنات يحبوون الدونات وبعدها نبي نمر بيتنا ناقصتنا اغراض عبد العزيز : ولا يهمك ما طلبتي شي نهى : أدري بنتعبك بس تدري ما نقدر نروح مع السواق لان الطريق خطر علينا وخصوصا ً انا بناات عبد العزيز : لا تقولين كذا يا نهى ترى ازعل منك وحنا وين رحنا , ماقلتي لي متى تبين تروحين نهى : بعد شوي امم طيب ممكن اخذ رقمك عشان اذا بننزل اكلمك عبد العزيز انبسسط هو ينطرها من الله : أي عادي ليه لا وهاذا رقمي ....... نهى : اووكي انا بروح عشان اشوف الاغراض اللي ناقصتهم موب اذا رجعنا يطلبون شي عبد العزيز مبسووط : طيب أنتظركم وراحت نهى لداخل ودقت على أبوها عشان يكون عنده خبر أبو حلى : هلا نهووي نهى تتدلع : بابا بنروح أنا وغلا مع عبد العزيز ولد عمتي للبيت ناقصتنا أغراض ونبي نجيبها أبو حلى : كان قلتي لي , أوديكم نهى ارتبكت : لا يبه ما نبي نتعبك وبعدين عبد العزيز بيوصلنا موب غريب ولد عمتي أبو حلى : طيب روحوا بس لا تعطلوون ولد عمتكم نهى حست براحة : إن شاءالله مشكووور يا أحلى أبوو مووح أبو حلى يضحك : يمممه منك انتي يلا قفلي نهى تضحك : هههههههههه طيب باااي بعد ما كلمت نهى أبوها راحت لأمها وقالت لها إن عبد العزيز بيوصلهم وأن أبوهم موافق . أم حلى : دام أبوك موافق روحوا بس لا تعطلون الرجال وأثقلوا نهى ترفع حواجبها : تغني أغنية أحلام يقولون الثقل صنعااا وأنا أقول الثقل بعدين أم حلى تقرص أذن نهى : سمعتي وش قلت لك نهووي نهى : أيييييي مامي إن شاءالله ماراح نطول ولا نعذب عبد العزيييز وراحت بسسرعة فوق . نهى دخلت الغرفة شافت غلا جالسة مع البنات نهى : يلا غلا البسي عباتك عشان نروح البنات نطوا وين بتروحوون ؟ نهى : بعدييين بعدييين حلى : وشو اللي بعدين نهى : يووووه بعدين لا جينا نعلمكم وش السالفة يلا يا غلا ولبسوا عباياتهم غلا ونهى ونزلوا تحت وراحوا لبراا نهى دقت على عبد العزيز نهى : آلو عبد العزيز عبد العزيز : هلا نهى نهى مطيره حاجب : وش دراك إني أنا نهى عبد العزيز يضحك : لأنك قلتي بتدقين علي نهى برووح مرحه : طيب ننتظرك انا وغلا برا عبد العزيز وهو طالع من الخيمة : أنا جايكم وطلع عبد العزيز واخذ نهى وغلا وركبهم سيارته وبعده على طوول طلع وراه نواف في السيارة طبعا ً نهى وغلا راكبين ورى غلا باحراج : معليش يا ولد عمتي أعذرنا بنتعبك معنا بس تدري طلبات البنات ما تخلص عبد العزيز : لا تقولين كذا يا غلا أنا ولد عمتكم ماني غرييب غلا : ما تقصر فيك الخيير سيارة نواف نواف في نفسه : هذا انا اللي أحبك وأمووت فيك يا غلآ وآخرتها تكلمين خويي راكاااان بس ماراح أخليك يا غلا لين ما أعرف وش السالفة . في الكوفي راكان جالس في الكوفي ينتظر غلا عند البنات حلى : أموووت وأعرف ذولا وين راحوا مها : وش فيك يا حلى الغايب عذره معه حلى : والله شكلهم مسويين مصييبة جنى : وش فيكم أذكروا الله تفاولون عليهم أصبروا لا رجعوا إن شاءالله نعرف وش صار . عند الكوفي نهى وهي نازلة : عبد العزيز تبي كوفي عبد العزيز مبتسم : أبي سلامتك نهى تبتسم : ماراح نتأخر إن شاءالله ودخلوا غلا ونهى ويحاولون يتصرفون على طبيعتهم . غلا : حسبي الله علييه ونعم الوكيل نهى : أصبري بس خلينا ندخل إن ما مسحت فيه الأرض ما اكون نهى ودخلوا نهى وغلا داخل الكوفي وشافوا راكان , راكان كان مبسوووط متشققق عشانه شاف غلا غلا وقفت عند راكان معصبة : أنت وش تبي راكاان : كذا يا حلو من غير سلام ولا كلام ومين هالعسل اللي معك نهى جلست وقالت لغلا تجلس عشان ما يلفتون انتباه الناس نهى : أنا أختها , خيير وش بغيت في غلا راكان : وأنتي وش يخصك أنا جاي هنا عشان أشوف غلا نهى ارتفع ضغطها وصارت تأشر بأصابعها في وجه راكان : أسمعني زيين وحطني على بالك عدلل يا راكان اذا مفكر أنك بتلعب بذيلك معنا تراااك غلطاان أحنا بنااات ناصر موب تجي أنت واشكالك تلوث سمعتنا , أكسر الشر يا بن الناس . راكان وكأنه يستهزأ بكلام نهى : تصدقيين خفت منك , طييب وبعدين نهى وقفت : أسمع ياراكان ترى صبري طويل لا تحسب أن أختي بتخضع لك عشان هالكم تهدييد اللي تهددها فيه أترك أختي في حالها ولا ترى والله وأنا بنت ناصر بتشووف شي ما يسرك ما ناقصنا إلا هالأشكال يلا غلا مشينا راكان عصصب وضرب يده ع الطاولة وموب عاجبته تهديدات نهى له . قبل ما يطلعون اشتروا كوفي عشان ما يشك عبد العزيز وطلعوا ركبوا السيارة

نهى : آسفيين عبد العزيز تأخرنا عليك
عبد العزيز يبتسم : ولا يهمكم
غلا : شفت صديقتي معي بالجامعة خذتنا السوالف شوي
عبد العزيز : ولا يهمكم وين تبون تروحون اللحين
نهى : البيت نبي ناخذ لنا اغراض
وراح عبد العزيز لبيت خاله أبو حلى فتحوا الباب
وعبد العزيز دخل سيارته داخل بيت خاله
غلا : عبد العزيز أدخل في الصالة لين ما ناخذ أغراضنا ما يصير تنتظرنا كذا برا
منت غريب حيااك
تووه نازل عبد العزيز الا بدخلة نواف
غلا بغى يوقف قلبها طاحت شنطتها , ونهى مصدوومه , وعبد العزيز مستغرب
نواف دخل معععصصصب وما يشوف اللي قدامه
عبد العزيز : نوااف وش فييك معصصب
نواف راح لغلا ومسك يدها وبقوووة : وين كنتي ؟
غلا أول مرة تشووف نواف معصب كذا : كنا في الكوفي
نهى : نواف وش فيك عسى ماشر
نواف صراخه واصل آخر الشارع: اسسكتييي ولا كللمه
عبد العزيز بدت تقفففل معه : نواف وش فيك جاينا معصصب وحالتك حاله
نواف معطي عبد العزيز ونهى السيييين ودخل غلا داخل : وين كنتييي تكلمي
غلا ميييته من الصياااح : نواف وش فيك علي
نهى تصرخ : وخر عن أختي وميين أنت عشان تحاسبها وين كانت ومنين جت
نواف معصصب : تتكلميين ولا أتكلم ووووويييين كنتي
غلا حست روحها بتطلع وعرفت أن عصبية نواف هاذي تدل على أن نواف
عرف الموضوع كلله .
عبد العزيز مسك نواف : وش فييييك يا نواف أستهدي بالله
ونهى حاضنه غلا
نواف يكلم عبد العزيز منهاار : تبي تعرف ليه قالولك يبون يروحون الكوفي
عشاان تجلس غلا مع الززففت راكان خويي وتبي تعرف ليه أنا معصصب
لأني حبييت وحده خاااااينه
غلا ما قدرت تتحمل الموقف : وعطت نواف كف قوووي أقوى من ذيك المرة
أحتررم نفسك أنا أشرف منك ومن الحقييير راكان خويك
عبد العزيز جن جنووونه : فهموني وش السااالفة وش صاير ماني فاهم شي
عبد العزيز صار يكلم نهى , نهى اذا تعرفين شي قولي
نهى صارت تصييح وبكلام متقطع : راكان الحقير كان بيعتدي على غلا , ويا
نواف ترى غلا تحبك حييل بس راكان نذل ما ندري من وين جاب رقمها
وكلمها وصار يهددها إن ما جاته في الكوفي بيقول لأبوي وبيقول لكم إن
غلا على علاقة فيه وتكلمه يعني يبي يدنس شرف أختي في التراب
عشان يوصل لغايته ومراده .
نواف صارت عيووونك كتلة شراار : راكااااان يا النذل يا الحقيييير ان ما
ذبحته اليووم ما أكون نواف
غلا تصرخ وصيااحه مغطي ع الصووت : نوااااف لا نوااااف
نهى : عبد العزيز خلنا نلحقه لا يسوي في نفسه شي
وصاروا يركضون بسررعه وركبوا السيارة ولحقوا نواف اللي كان يسوق
بسررررععععه جنونية
عبد العزيز يهرن لنواف ويحاول يقرب من سيارته ويصرخ من الدريشه : نواااف
تعوووذ من ابليس خفف السرررعه نوااااف
لكن كانت الكااارثه والفاجعة أنقلبت سيارة نواف خمس قلبااات قدام عيوون
عبد العزيز وغلا ونهى
غلا بغت تنجن وتبي تطلع من السيارة : نواااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااف
نهى تصييييح : نواااف
عبد العزيز أنجن والناس التموا على سيارة نواف : نزل عبد العزيز من السيارة
مثل المجنون ويحاول يطلع نواف من السيارة مع مجموعة شباب وطلعوه
وكانت ملابسه كلها دم
عبد العزيز صرخ صرخة هززت اللي حوله : نواااااااااااااااااااااااااااااااااااااااااااااااا ااااااااااااااااااااااااااااااف لا نوااااااف والناس يتصلون ع الاسعاف
غلا صارت تركض وتحرك كتوف نواف وتجر ملابسه : نوااااااف رد علي يا نوااااف حسبي الله ونعم الوكيييل فيك يا راكان
نهى انهاااااارت تبي تشوف نواف بس خلاااص فقدت أعصابها
وصلت سيارة الاسعاف
وركبت غلا مع نواف , ولحقوهم نهى وعبد العزيز
وصلوا للمستشفى بسرررعه ونزلوه من السيارة وحطوه ع السرير
وصاروا المسعفين يركضوون بالسرير لان حالة نواف كانت خططره خمس
قلبااات فيها حياة ومووت ويركضون معهم غلا وعبد العزيز ونهى
الدكتور غرفة الصعق الكهربائي حق نبضات القلب
غلا تصيييح : نواااااف لا نوااااف
عبد العزيز كان يصيح وثوبه متلطخ بدم نواف
ونهى حاطه يدها على راسها موب مستوعبه اللي صاار
دخلوا نواف غرفة الصعق وصار الدكتور يسويله الصعق عشان ترجع
دقات قلب نواف
غلا واقفه تراقب : نوااااااف قووووم نوااااف لا لا تموووت نواااااف
عبد العزيز مسك كتوف غلا وهو يصيح : هدي يا غلا
والدكتور صار يعيد الصعق مرة ومرتين وثلاث المرة الرابعة الجهاز يلعن
رجووع دقاات القلب بقدرة قاااادر .. رجع نواف للحياة من جديد بعد ما كان بينه
وبين المووت شعررره بس .
عبد العزيز خر يسجد لله وهو يصيييييييييييييييييييييييح باعلى صووته والدكتور يحاول يشيله من على الأرض
اما غلا أغمى عليها
نهى تصرررخ : غلااااااااااااا ردي علي غلا
وصااار بدااال الهم همييين بالنسبة لعبد العزيز ونهى
نواف في غرفة العناية الفائقة , ونهى دخلت في غيبوبه من الصدمه
وكانت ما تقل عن نواف تحت المراقبة .
عبد العزيز : نهى خلااااص حرام عليك اللي تسوينه في نفسك
نهى تصيييييح من قلللب وما لقت غير ترمي نفسها في أحضان عبد العزيز :
عبد العزيييز ما عاد فيني حيييل أختي تحت المراقبة ولد عمي في العناية
آآآآآه يا عبد العزيز حسبي الله على اللي كان السبب
عبد العزيز : أخذ نهى وقالها تقوله السالفة
ونهى شرحت لعبد العزيز الموضوع
عبد العزيز : الحقيييير النذللللل وين بيروح
نهى اكتفت بالصياااااح في حضن عبد العزيييز
في العزبة تحديدا ً في الخيمة
أبو حلى نغزه قلبه : ودق على نهى
نهى تناظر جوالها وتصييييح : يا ويييلي أبوووي يا عبد العزيز وش أقووله اللحين يااللللللله
عبد العزيز : ردي عليه يا نهى وقوليله اللي صار ما نقدر نخبي علييهم أكثر من
كذا
نهى : آلو
أبو حلى قام من مكانه والكل يناظره : نهى وش فيه صوتك صاير لكم شي
نهى ما قدرت تتحمل وانفجرت بكااا
أبو حلى بغى ينجن : نهى تكلمي وأنا ابوك وش فييكم لا توقفين قلبي
نهى وهي تصييح : يبه نوااااااف صار له حادث قدامنا وانقلبت فيه السيارة
واللحين هو في العناية ومن الصدمة غلا دخلت في غيبوبه يبه واللحين هي
تحت المراقبة
أبو حلى صااار مثل المجنوون : بنتي بنتي
الجد : خيير يا ابو حلى وش فيك
أبو حلى صار يبكي : نواف يا ابو فارس صارله حادث وهو قدام عبد العزيز
انقلب بالسيارة وغلا من الصدمة دخلت في غيبوبة
الكل في حالة ذعر ومصدووم وابو فارس انهد حيله وللأسف وصل الخبر
للجدة وجلست تبكي وأم فارس جلست تصيييييح << تدروون هاذي أمه
وقلب الأم ما يتحمل وأم حلى المسكينه صارت تصييح على نوااف وعلى بنتها
غلا اللي دخلت في غيبوبة وحلى منهاااارة وتصيييح وتقول للبنات أنها كانت
حاسه انه بيصير شي ومها موب مصدقه اللي صار وجنى مييته من الصياح
على أخوها وعلى غلا بعد ما كانوا عايشين في أجواء كلها وناااسه أنقلبت
الونااسه << لحزن والله يجازي راكان << أدري بتدعوون عليه دعاوي أشوى إنها روااية هههههههههه
الكل رااح للمستشفى وكانوا يشفون نواف من برا الغرفة لأن ممنوع يدخلون
داخل عشان الأجهزة اللي مركبة في نواف من كل جهه
ونفس الشي غلا اللي كانت عليها الأجهزة وموب حاسة بشي
نهى المسكينة كانت طوول الوقت في حضن أبوها وأمها تصييييح
وقرروا أنهم يجلسون الحريم في إستراحة الحريم والرجاجيل في إستراحة
الرجاجيل الكل يعني بيجلس في المستشفى طوول اليوم

البارت الثــــــاني و العشـــــرين .. ! ]
الكل كان في المستشفى الساعة صارت 7 الصباح ونهى ما جلست رايحه راده
نهى راحت عند غرفة غلا وقفت عند الدريشه التي تخليهم يشوفون
وعبد العزيز كان يراقب نهى نهى تصييح : حسبي الله علييك يا الززفت ياراكان
نهى راحت بعييد شوي عن اهلها وخذت جوال غلا ودقت على آخر رقم اللي
هو رقم راكان
في بيت راكان
راكان جالس في غرفته وشاف جواله يرن رقم غلا << راكان انبسط يحسب
داقه له عشان تكلمه
راكان : هلا بالزيين كله
نهى تصييح وتصرخ : يا واااااااااطي يا حقييير ياللي ما تربيييت
بسببك اختي في غيبوبة وبسسببك يا زفففت نواف في العناية صار له حادث
قدامنا بغى يرووح من ايدينا كان بينه وبين المووت شعره والله لو تدق على
هالرقم لاخذ رقمك واقدم عنك بلاغ في قسم الشرطة ولا بذبحك بيديني
يا حقييير يا عديييم الإحساس لكن ما قوول غيير حسبي الله عليك ونعم
الوكيييل يا جعلك ما تووفق ,, وقفلت نهى الخط في وجه راكان وزااد بكاها

التفتت نهى لقت عبد العزيز في وجهها
عبد العزيز : كنتي تكلمين راكان
نهى وهي تصيح : ايه الحقير الواطي كل اللي صار بسببه
والله حراااام يصير فيهم كذا غلا تحب نوااف وما تبي غيره
عبد العزيز : خلاص نهى هدي اعصابك شوفي وجهك كيف ولمس
عبد العزيز بطرف اصابعه وجه نهى
عبد العزيز : تعالي اجلسي في استراحة الحريم لين ما يجي الدكتور
وانا بروح عند الرجاجيل وما ابي اشوف دموعك انتي اقوى من كذا

وراح عبد العزيز عند عيال خواله وخواله وجده وابوه
ونهى نفس الشي جلست عند امها ما وقف بكاها

في بيت راكان
راكان مصدوووم من اللي سمعه من نهى موب مصدق ان نواف خويه
في العناية بسببه وغلا المسكينة في غيبووبه
راكان ماسك راسه مصدووووم وتمنى الارض انشقت وبلعته

في العناية الفائقه
نواف للحين تحت رحمة الله عايش على هالأجهزة , نواف نزف دم كثيير
وموب حاس باللي حووله

في العناية الغرفة الثانية .. غــــــــلآ
غلا في غيبوبه بس ما ندري للحين بتصحى من الغيبوبة متى
والدكتور لازم يشرف على حالتها .

في استراحة الرجاجيل
ابو حلى متضاايق حييل : يالله يارب تشفي بنتي وتشفي نواف ياارب
ابو فارس يمسك كتف ابو حلى : اللهم آآآميين ياارب ربي يقومهم لنا بالسلامة
طلال موب قادر وجلس يبكي : لا حول ولا قوة إلا بالله العلي العظيم
وفارس جالس وكأنه في عالم لحاله ولاف شماغه ودموعه تسييل بصمت
عبد العزيز موب عارف وش يسوي يهدي مين ولا يواسي مين
والجد طوول وقته مسكين يبكي شوي ويدعي ويقرا قرآن
وابو الوليد وابو عبد العزيز في حالة صممت واستغفاار

عند الحريم
الجدة تبكي على احفادها , وام حلى كانت تبكي من قلب
وام فارس ما تقل عن عن ام حلى هذا ولدها وهاذي بنت عمه
ام الوليد تحاول تهدي ام فارس وام حلى
وام عبد العزيز ضامه حلى وتسمي عليها
نهى حاطه يدها على الجدار وتتذكر كيف انقلب نواف وكيف كان يسووق بجنوون
وتتذكر غلا كيف حالتها , كيف كانت تشد نواف وكانت تدعي انه ما يفارق
الدنيا .
مها راحت لنهى وضمتها بالحييييل
جنى تبكي بصمت وتفكر كيف كانوا مبسوطين وفجأه انقلب الحال
من فرح لحزن .
ام فارس ما قدرت تستحمل وطلعت من استراحة الحريم وراحت عند
غرفة نواف وجنى تنادي امها
جنى : يمه , يمه وين بتروحين
فارس مسك جنى وصار يمسح على راسها خليها يا جنى
ابو فارس طلع من عند الرجاجيل وراح لام فارس اللي كانت تناظر نواف
وتبكي بحررقه على ولدها
ابو فارس مسك كتف ام فارس : تعالي يا ام فارس اجلسي
ام فارس حست انها بتنفجر وبدت تضرب صدر ابو فارس : كيف ارتاااح قوولي
كيييييف هذا ولدييييي بين الحيااة والمووت ابي ولدي ابي ادخل عنده وانهارت
بالبكا والكل خااف على حالتها النفسية والصحية
ابو فارس مسك يد ام فارس اللي تضربه فيها وضمها لصدره وباس راسها
وخذاها على جنب وحاول يهدي اعصابها
يا الله الكل متوتر والجووو مُربك بشكل مو طبيعي الكل منهاار
الدكتور للحين ما قال لهم شي صارت الساعه 9 , مرت ساعتين اللحين

أخيرا ً ع الساعه 9 ونص جا الدكتور اللي مشرف على حالة نواف وغلا
طبعا ً الدكتور عارف انهم عيال عم وهالعايلتين اهل

الكل راح يركض للدكتور يبون يعرفون حالة نواف وغلا
فارس : دكتوور ننتظرك من متى
الدكتور عبدلله : هدوا الله يرضى عليكم ادري انكم تنتظرون بس انا توني
جاي وعلى طوول جيت هنا عشان اتطمن على حالة نواف الصحية وحالة
غلا
ام فارس وهي تصيح : الله يخليك يا دكتور ويوفقك ابي اشوف ولدي ابي ادخل عنده
الدكتور عبدلله مقدر حالة ام فارس النفسية : ولا يهمك يا خالتي ان شاءالله
كلكم راح تتطمون على نواف وغلا بس اذكروا الله وياريت لو تنتظرون شوي
عشان نشوف نبضه
ابو فارس : خذ راحتك يا دكتوور بس لا تبطي علينا
دكتور عبدالله : ان شاءالله ماراح اطوول
ودخل الدكتور عبدلله عند نواف من الممرضات ولقى النبض مستقر حاليا ً
لكن نواف محتاج لعناايه بعد للحين ماصحى من عقب الحادث أمس

طلع الدكتور عبدلله من غرفة نواف
ام فارس خايفة : هاه بشرني يا دكتوور شخباار ولدي ؟
دكتور عبدلله يحاول يواسي أم فارس : تطمني يا خالتي نواف بخيير بس
محتاج عناية من قبل المستشفى يعني بيجلس هنا يمكن اسبوع اذا استقرت
حالته الصحية وتطمنا عليه تماما ً راح يطلع قبل بإذن الله .
ابو فارس : نقدر نشوفه دكتوور
دكتور عبدلله : حالته ما تسمح بس عشانكم راح اخليكم تشوفونه بس
بالدوور واحد واحد , وطلب الدكتور من العايلة يروحون معه للغرفة اللي
يغطون فيها شعر الراس ولبس المستشفى << لان هاذي عنااية وكل
شي فيها دقيييق , بعد مالبسوا اللبس راحوا لغرفة نواف

دكتور عبدلله : مين اللي بيدخل أول
أبو فارس : تكفى يا دكتور خلني ادخل مع أم فارس , وبعدنا امي وابوي
جده وجدته , وعقب يدخلون على واحد واحد
دكتور عبدلله وافق على طلب أبو فارس
دكتور عبدلله : من عيوني يا ابو فارس , دام كذا تفضل أنت وأمه
دخلوا ام فارس وابو فارس وصاروا يقربون منه شوي شوي
وشافوا نواف من قريب اللي كان وجهه متنففخ من أثر القلبات وجهاز
التنفس على وجهه والمغذي اللي في يده وصدره مكشووف ما يغطيه
الا الفراش حق المستشفيات << عارفين كيف المريض اللي عايش
بس تحت رحمة ربه
أم فارس المسكينه انفجعت : ومسكت يد نواف وباست يده وراسه
أم فارس وهي تبكي بحررقه : نواااف يمه قووم حبيبي وحشتني حييل
وحشتني ضحكتك وحشني مزحك معي , نواف لا تخليني يمه ترى دنياي
بدونك ما تسوى وجلست تبكي على الأرض
أبو فارس حس أن روحه بتطلع : وقف أم فارس وضمها لصدره
أبو فارس وهو يبكي : اذكري الله يا الغالية ادعي له ربي يقومه بالسلامة
تعالي , تعالي خلينا نطلع
وطلعوا ابو فارس وام فارس متأثرين من منظر نواف
ودكتور عبدلله تأثر كثييير وملامح وجهه بدت تتغير
وبعدهم دخلوا الجد والجدة وما يقلون عن أم فارس وأبو فارس بكوا كثيير
على نواف << وياترى في احد ما يحب نواف l
بعد الجد والجدة دخلوا فارس وجنى لأنهم خوانه
جنى تبكي : نواااف لا تتركنا نواااف احنا نبييك يا خووي يا جعل ربي ما يحرمنا
من حسك يا الغالي
فارس يمسح دموعه بشماغه : ليت الوجع ف عروق قلبي ولا فيك يا خوي
الله يقومك لنا بالسلامة
فارس اخذ جنى اللي كانت منهااره كثيير وطلعوا برا بعدهم دخل الوليد
الوليد قرب من نواف وباس راسه وهو يبكي
الوليد : يا جعل عينا ما تبكيك يا الغآآلي ربي يحفظك ويخليك .
وطلع الوليد بعده دخل طلال , طلال وقف عند نواف وصار يبكي مثل الطفل
لأن نواف مرررره مع طلال وفي سناين بعض , طلال حس بثقل موب قادر
يمشي , دخل الوليد وطلعه برا الغرفة
وبعد طلال دخلوا أم الوليد وأبو الوليد , ما يقلون عن الباقين موب مصدقين
نواف اللي امس كان يضحك ويسولف اليوم في العناية الفائقة
وبعد هم دخلوا أم حلى وأبو حلى , أم حلى كانت منهااره شافت نواف وتذكرت
بنتها غلا اللي في تحت المراقبة في غيبوبه الله وعلم متى تصحى هي بعد
وأبو حلى طلع أم حلى من الغرفة
بعدهم دخلت مها وصارت قريبة من نواف
مها تبكي : الله يقومك بالسلاامة يا الغآلي وربي نحبك يا نواف ومالنا غناتن عنك
وبعد مها دخلوا أم عبد العزيز وأبو عبد العزيز , وصاروا يبكون بصممت
ودعوا أن ربي يقومه بالسلامه وتقر عين امه وابووه .
وبعدهم دخل عبد العزيز
عبد العزيز باس راس نواف وباس يده وهو يبكي على نواف
عبد العزيز : الله يجازي خويك اللي ما يخاف الله
وطلع عبد العزيز وهو حاس بغصصه ويتذكر الحادث
وبعده دخلت حلى
حلى تبكي : الله يطوول بعمرك يا ولد عمي يا جعلنا ما نبكيك يا الغآآلي
وبعد حلى دخلت أخييرا ً نهى اللي كانت متأثررره كثيير
نهى جلست ومسكت يد نواف وصارت تبكي من قللب : نواااف نبيك تقووم
بالسلامة عشان نفرح فيك أنت وغلا .. نواف ترى غلآ تحبك حييل وتموت فيك
هي اعترفت لنا بلسانها انها تحبك .. بس ما أقوول غير حسبي الله ونعم
الوكييييل على راكان الحققير اللي بسببه أنت هنا نواف ترى غلا تحبك
ومحتاجتلك ونزلت نهى راسها على يد نواف وصارت تبكي مثل الطفللله
وعبد العزيز كان يراقب نهى , دخل عبد العزيز
عبد العزيز مسك يد نهى : قومي نهى قومي نطلع برا
نهى تبكي بقهر : ماني قادرة يا عبد العزيز احس بغصصه احس اني
مخنووقه
عبد العزيز : بسم الله علييك , قومي خلينا نطلع باقي غلا بنروح نشوفها
وطلعوا نهى وعبد العزيز من عند نواف << نوااف اللي دمعت عيينه ومحدن
درى به << معنااته نواف يحس فييهم لكنه ما يتكلم ولا يشوف حد مجرد
احسااس .

دكتور عبدلله : تطمنتوا على نواف ولله الحمد , اللحين بنروح لغلا
ونفس الشي ابيكم تدخلون بهدووء ومابي أي انفعالات
وراحوا العايلة لغرفة المراقبه اللي موجودة فيها غلا

دكتور عبدلله : أم حلى وأبو حلى تفضلوا أنتوا عشان تتطمنوون على بنتكم
دخلوا أم حلى وأبو حلى عند غلا اللي كانت ممده على السرير وصوت جهاز
نبضات القلب , والغرفة فيها نووع من الوحشه
أم حلى : صارت تبوس راس بنتها وتبكييي من كل قلبها
أم حلى : يا جعل عيني ما تبكيك , ربي يقومك بالسلامة
أبو حلى يبكي ويبوس راس ويد بنته : الله لا يحرمنا منك يا الغالية
ربي يشفيك وأنا أبوك

» رواية (يا حبيبي بس قول لي ودي أعرف شلي فادك جيت ودموعك في عينك والسبب هو عنادك) بقلمي